ന്യൂഡൽഹി: പ്രമുഖ ഡിജിറ്റൽ പേയ്മെന്റ് പ്ലാറ്റ്ഫോമായ പേയ് ടിഎം, ഇന്ത്യ-ദക്ഷിണാഫ്രിക്ക് ക്രിക്ക്റ്റ് മത്സരങ്ങൾ നടക്കുന്ന ജൂൺ 9 മുതൽ 19 വരെയുള്ള കാലയളവിൽ പുതിയ ഉപയോക്താക്കൾക്കായി ” 4 കാ 100′ കാഷ്ബാക്ക് ഓഫർ വിണ്ടും നടപ്പാക്കുന്നു.
പുതിയ ഉപയോക്താക്കൾ പേടി എം ഉപയോഗിച്ച് 4 രൂപ അയക്കുമ്പോൾ 100 രൂപ കാഷ്ബാക്ക് ലഭിക്കും. കഴിഞ്ഞ ഫെബ്രുവരിയിൽ ഈ ഓഫർ ആദ്യമായി അവതരിപ്പി ച്ചപ്പോൾ ലക്ഷക്കണക്കിന് ഉപയോ കാക്കൾ കാഷ്ബാക്ക് നേടിയെന്ന് കമ്പനി പറയുന്നു.
കർണാടക: മുധോൾ കോ-ഓപ് ബാങ്കിന്റെ ലൈസൻസ് ആർബിഐ റദ്ദാക്കി
മുംബൈ: നിക്ഷേപങ്ങളുടെ തിരിച്ചടവിൽ നിന്നും പുതിയ ഫണ്ടുകൾ സ്വീകരിക്കുന്നതിൽ നിന്നും പരിമിതപ്പെടുത്തി ബാഗൽകോട്ടിലെ (കർണാടക) ദി മുധോൾ കോ-ഓപ്പറേറ്റീവ് ബാങ്ക് ലിമിറ്റഡിന്റെ ലൈസൻസ് റിസർവ് ബാങ്ക് റദ്ദാക്കി.ബാങ്കിന് മതിയായ മൂലധനവും വരുമാന സാധ്യതകളും ഇല്ലാത്തതിനാൽ റിസർവ് ബാങ്ക് ഓഫ് ഇന്ത്യ (ആർബിഐ) ബുധനാഴ്ച ലൈസൻസ് റദ്ദാക്കുന്നതായി പ്രഖ്യാപിച്ചു.
ബാങ്കിന്റെ ലൈസൻസ് റദ്ദാക്കിയതിന്റെ ഫലമായി, ദി മുധോൾ കോ-ഓപ്പറേറ്റീവ് ബാങ്ക് ലിമിറ്റഡ് … മറ്റ് കാര്യങ്ങൾക്കൊപ്പം, നിക്ഷേപങ്ങൾ സ്വീകരിക്കുന്നതും നിക്ഷേപങ്ങൾ തിരിച്ചടയ്ക്കുന്നതും ഉൾപ്പെടുന്ന ‘ബാങ്കിംഗ്’ ബിസിനസ്സ് നടത്തുന്നതിൽ നിന്ന് നിരോധിച്ചിരിക്കുന്നു.
നിലവിലെ സാമ്പത്തിക സ്ഥിതിയിലുള്ള ബാങ്കിന് നിലവിലെ നിക്ഷേപകർക്ക് പൂർണമായി പണം നൽകാൻ കഴിയില്ലെന്നും ആർബിഐ അറിയിച്ചു.ലൈസൻസ് റദ്ദാക്കൽ ബുധനാഴ്ച മുതൽ പ്രാബല്യത്തിൽ വരും.ബാങ്ക് സമർപ്പിച്ച ഡാറ്റ അനുസരിച്ച്, 99 ശതമാനത്തിലധികം നിക്ഷേപകർക്കും അവരുടെ നിക്ഷേപത്തിന്റെ മുഴുവൻ തുകയും ഡെപ്പോസിറ്റ് ഇൻഷുറൻസ് ആൻഡ് ക്രെഡിറ്റ് ഗ്യാരണ്ടി കോർപ്പറേഷനിൽ (ഡിഐസിജിസി) നിന്ന് സ്വീകരിക്കാൻ അർഹതയുണ്ടെന്ന് ആർബിഐ പറഞ്ഞു.
ലിക്വിഡേഷനിൽ, ഓരോ നിക്ഷേപകനും ഡിഐസിജിസിയിൽ നിന്ന് 5 ലക്ഷം രൂപ വരെയുള്ള നിക്ഷേപ ഇൻഷുറൻസ് ക്ലെയിം തുക ലഭിക്കാൻ അർഹതയുണ്ട്. ബാങ്കിലെ ബന്ധപ്പെട്ട നിക്ഷേപകരിൽ നിന്ന് ലഭിച്ച സന്നദ്ധതയുടെ അടിസ്ഥാനത്തിൽ മൊത്തം ഇൻഷ്വർ ചെയ്ത നിക്ഷേപങ്ങളിൽ 16.69 കോടി രൂപ ഡിഐസിജിസി ഇതിനകം അടച്ചിട്ടുണ്ടെന്ന് ആർബിഐ കൂട്ടിച്ചേർത്തു.
