ദുല്‍ഖര്‍ സല്‍മാന്‍ ആദ്യമായി അഭിനയിക്കുന്ന വെബ് സീരിസ് ‘ഗണ്‍സ് ആന്‍ഡ് ഗുലാബ്സി’ലെ ഫസ്റ്റ് ലുക്ക് പുറത്ത്. സമൂഹ മാധ്യമങ്ങള്‍ വഴിയാണ് ദുല്‍ഖര്‍ തന്റെ പുതിയ പ്രൊജക്ടിന്റെ വിവരങ്ങള്‍ പങ്കുവച്ചത്. രാജ് ആന്റ് ഡി.കെ എന്നറിയപ്പെടുന്ന രാജ് നിദിമോരു, കൃഷ്ണ ഡി.കെ എന്നിവരാണ് സീരീസിന്റെ സംവിധായകര്‍. രാജ്കുമാര്‍ റാവു, ആദര്‍ശ് ഗൗരവ് എന്നിവരാണ് മറ്റു പ്രധാനകഥാപാത്രങ്ങളായെത്തുന്നത്.
‘നിങ്ങളുടെ സീറ്റ് ബെല്‍റ്റ് ധരിച്ച്‌ എനിക്കൊുപ്പം 90കളിലേക്ക് യാത്ര ചെയ്യാന്‍ തയ്യാറായിക്കൊള്ളൂ. ഗണ്‍സ് ആന്‍ഡ് ഗുലാബ്സില്‍ നിന്നുമുള്ള എന്റെ ഫസ്റ്റ് ലുക്ക് ഇതാ, രാജ് ആന്‍ഡ് ഡി.കെ എന്നിവര്‍ക്കൊപ്പമുള്ള എന്റെ ആദ്യ കൂട്ടുകെട്ട്. രാജ്കുമാര്‍ റാവു, ആദര്‍ശ് ഗൗരവ്, സുമന്‍ കുമാര്‍, ഗുല്‍ഷന്‍ ദേവയ്യ എന്നിവരും എനിക്കൊപ്പം ഈ ആവേശം നിറഞ്ഞ യാത്രയില്‍ ചേരുന്നു.
ഡി ടു ആര്‍ ഫിലിംസിന്റെ നിര്‍മാണത്തില്‍ രാജ് ആന്‍ഡ് ഡി.കെയും സംവിധാനം ചെയ്യുന്ന ഗണ്‍സ് ആന്‍ഡ് ഗുലാബ്സ് ഉടന്‍ നെറ്റ്ഫ്ളിക്സില്‍ വരുന്നു’ – ദുല്‍ഖര്‍ ട്വിറ്ററില്‍ കുറിച്ചു.
