മയക്കുമരുന്ന് കടത്തിയെന്നാരോപിച്ച് ബുധനാഴ്ച ബെംഗളൂരു പോലീസ് ഒരു നൈജീരിയൻ നടനെ അറസ്റ്റ് ചെയ്തു. കലാകാരനായ ചെക്വുമെ മാൽവിൻ 20 -ലധികം ബോളിവുഡ്, കന്നഡ, തമിഴ് സിനിമകളിൽ അഭിനയിച്ചിട്ടുണ്ട്. മാൽവിൻ മെഡിക്കൽ വിസയിൽ ഇന്ത്യയിലാണെന്നും മുംബൈയിലെ ന്യൂയോർക്ക് ഫിലിം അക്കാദമിയിൽ രണ്ട് മാസത്തെ പരിശീലനവും നടത്തിയിട്ടുണ്ടെന്നും ബെംഗളൂരു ഈസ്റ്റ് ഡിവിഷൻ പോലീസ് പറഞ്ഞു.
*കർണാടക: പീഡനകേസ് അന്വേഷണ ഉദ്യോഗസ്ഥന്‍ അതേ പെണ്‍കുട്ടിയെ പീഡിപ്പിച്ച്‌ ഗര്‍ഭിണിയാക്കി*
കിഴക്കൻ ബെംഗളൂരുവിലെ എച്ച്ബിആർ ലെഔട്ടിലെ ഒരു കെട്ടിടത്തിൽ നിന്ന് രഹസ്യവിവരത്തെത്തുടർന്ന് പോലീസ് മാൽവിനെ പിടികൂടി. “പ്രതികൾ കോളേജ് വിദ്യാർത്ഥികൾക്കും ബിസിനസുകാർക്കും മയക്കുമരുന്ന് വിറ്റതായി,” ഈസ്റ്റ് ഡിവിഷൻ ഡിസിപി എസ്ഡി ശരണപ്പ പറഞ്ഞു.
വിശ്വരൂപം, സിങ്കം, അന്ന ബോണ്ട്, ദിൽവാലേ, ജാംബൂ സവാരി, പരമാത്മ തുടങ്ങിയ ചിത്രങ്ങളിൽ മാൽവിൻ അഭിനയിച്ചിട്ടുണ്ട്. മൂന്ന് നോളിവുഡ് സിനിമകളിലും അദ്ദേഹം വേഷമിട്ടിട്ടുണ്ട്
പ്രതിയിൽ നിന്ന് 15 ഗ്രാം എംഡിഎംഎ, 7 ലക്ഷം രൂപയിലധികം വിലയുള്ള 250 മില്ലി ഹാഷ് ഓയിൽ, മൊബൈൽ ഫോണുകൾ, 2500 രൂപ, മയക്കുമരുന്ന് എന്നിവ പോലീസ് പിടിച്ചെടുത്തു.
1985 ലെ നാർക്കോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസസ് ആക്ടിന്റെ വിവിധ വകുപ്പുകൾ പ്രകാരം മാൽവിനെതിരെ കേസെടുത്തിട്ടുണ്ട്.
