ഡല്‍ഹി: രണ്ട് നഗരങ്ങള്‍ക്കിടയിലുള്ള യാത്രാ സമയം കുറയ്ക്കാന്‍ ലക്ഷ്യമിട്ട് ബെംഗളൂരുവിനും ചെന്നൈയ്ക്കും ഇടയില്‍ ഒരു പുതിയ എക്സ്പ്രസ് വേ നിര്‍മ്മിക്കാന്‍ ഒരുങ്ങുന്നു.യാത്രാ സമയം ഗണ്യമായി കുറയ്ക്കുന്ന 26 പുതിയ ഹരിത എക്സ്പ്രസ് വേകളില്‍ ഒന്നാണ് നാലുവരിയുള്ള ബെംഗളൂരു-ചെന്നൈ എക്സ്പ്രസ് വേയെന്ന് കേന്ദ്ര റോഡ് ഗതാഗത, ഹൈവേ മന്ത്രി നിതിന്‍ ഗഡ്കരി പറഞ്ഞു .
ഓഗസ്റ്റ് മൂന്നാം തിയ്യതിയാണ് നിതിന്‍ ഗഡ്കരി ഇക്കാര്യം ലോക്‌സഭയില്‍ അറിയിച്ചത് .2022 മെയ് മാസത്തില്‍ പ്രധാനമന്ത്രി നരേന്ദ്ര മോദിയാണ് ബെംഗളൂരു-ചെന്നൈ എക്സ്പ്രസ് വേയ്ക്ക് അടിത്തറയിട്ടത്. ഇതോടെ റോഡ് മാര്‍ഗ്ഗം അഞ്ച് മുതല്‍ ആറു മണിക്കൂര്‍ വരെ സമയമെടുക്കുന്ന ബെംഗളൂരു-ചെന്നൈ റോഡ് യാത്ര വെറും രണ്ട് മണിക്കൂറായി ചുരുങ്ങും.
2025 ഡിസംബറോടെ എക്സ്പ്രസ് വേ പൂര്‍ത്തിയാക്കി പൊതുഗതാഗതത്തിന് തുറന്നു നല്കുവാനാകുമെന്നാണ് പ്രതീക്ഷിക്കുന്നത്.ഗതാഗതക്കുരുക്കുകളില്‍ പെട്ട് ഏറ്റവും കുറഞ്ഞത് അഞ്ച് മണിക്കൂറുകളെങ്കിലുമെടുക്കുന്ന ചെന്നൈ-ബാംഗ്ലൂര്‍ യാത്ര ഗ്രീന്‍ എക്സ്പ്രസ് വേ വരുന്നതോടെ രണ്ടു മണിക്കൂറായി ചുരുങ്ങും.
എക്സ്പ്രസ് വേകള്‍ നിര്‍മ്മിച്ചാല്‍ ഡല്‍ഹിയില്‍ നിന്ന് ചണ്ഡീഗഢിലേക്ക് 2.5 മണിക്കൂറും,ഡല്‍ഹിയില്‍ നിന്ന് അമൃത്സറിലേക്ക് നാല് മണിക്കൂറും ,ഡെല്‍ഹിയില്‍ നിന്ന് കത്രയിലേക്ക് ആറ് മണിക്കൂറും ,ഡല്‍ഹിയില്‍ നിന്ന് ശ്രീനഗറിലേക്ക് എട്ട് മണിക്കൂറും ഡല്‍ഹിയില്‍ നിന്ന് മുംബൈയിലേക്ക് 12 മണിക്കൂറും ചെന്നൈയില്‍ നിന്ന് 12 മണിക്കൂറും യാത്ര ചെയ്യാമെന്നും അദ്ദേഹം അവകാശപ്പെട്ടു.
രണ്ട് മണിക്കൂറിനുള്ളില്‍ ബെംഗളൂരുവിലേക്ക് പോകുമെന്ന് വാര്‍ത്താ ഏജന്‍സിയായ പിടിഐ റിപ്പോര്‍ട്ട് ചെയ്തു.ബെംഗളൂരു-ചെന്നൈ എക്സ്പ്രസ് വേയെക്കുറിച്ച്‌
1) നാലുവരിപ്പാതയുള്ള ബെംഗളൂരു-ചെന്നൈ അതിവേഗ പാത, 26 പുതിയ ഹരിത അതിവേഗ പാതകളില്‍ ഒന്നാണ്
2) 2022 മെയ് മാസത്തില്‍ പ്രധാനമന്ത്രി നരേന്ദ്ര മോദിയാണ് ബെംഗളൂരു-ചെന്നൈ എക്സ്പ്രസ് വേയ്ക്ക് അടിത്തറയിട്ടത്.
3) 262 കിലോമീറ്റര്‍ ദൈര്‍ഘ്യമുള്ള ബെംഗളൂരു-ചെന്നൈ എക്സ്പ്രസ് വേ 14,870 കോടി രൂപ ചെലവില്‍ നിര്‍മ്മിക്കും.
4) ഇത് കര്‍ണാടക, ആന്ധ്രപ്രദേശ്, തമിഴ്നാട് എന്നീ സംസ്ഥാനങ്ങളിലൂടെ കടന്നുപോകും.
5) ബെംഗളൂരുവിന്റെ പ്രാന്തപ്രദേശത്തുള്ള ഹോസ്‌കോട്ടില്‍ നിന്ന് ആരംഭിച്ച്‌ മാലൂര്‍, ബംഗാര്‍പേട്ട്, കോലാര്‍ ഗോള്‍ഡ് ഫീല്‍ഡ്‌സ് (കെജിഎഫ്), പലമനേര്‍, ചിറ്റൂര്‍, റാണിപ്പേട്ട് നഗരങ്ങളിലൂടെ കടന്നുപോകും. തമിഴ്നാട്ടിലെ കാഞ്ചീപുരം ജില്ലയിലെ ശ്രീപെരുമ്ബത്തൂരിലാണ് അതിവേഗ പാത അവസാനിക്കുന്നത്.
6)നാഷണല്‍ ഹൈവേ അതോറിറ്റി ഓഫ് ഇന്ത്യ ഈ പദ്ധതിയെ നിര്‍മ്മാണത്തിന്റെ മൂന്ന് ഘട്ടങ്ങളായി തിരിച്ചിട്ടുണ്ട്.
7) നാലുവരിപ്പാതയുള്ള ഡബിള്‍ ഡെക്കര്‍ എലവേറ്റഡ് റോഡാണ് എക്സ്പ്രസ് വേ.8) ചെന്നൈയ്ക്കും ബെംഗളൂരുവിനുമിടയില്‍ റോഡ് മാര്‍ഗം നിലവിലെ ശരാശരി യാത്രാ സമയം അഞ്ച് മുതല്‍ ആറ് മണിക്കൂര്‍ വരെയാണ്.
- ബെംഗളൂരു: പ്രശസ്ത സംഗീത ഗായകൻ ശിവമൊഗ്ഗ സുബ്ബണ്ണ അന്തരിച്ചു
- യുവതിയെ വിവാഹം കഴിപ്പിക്കില്ലെന്ന് പിതാവ്, മൂക്കും മുറിച്ച് പ്രതിശ്രുത വരന്‍ കടന്നു കളഞ്ഞു!
കോളജ് വിദ്യാര്‍ഥിനി ട്രെയിന്‍ തട്ടി മരിച്ചു; കൂട്ടുകാര്‍ അത്ഭുതകരമായി രക്ഷപ്പെട്ടു
അങ്കമാലി: കൂട്ടുകാര്‍ക്കൊപ്പം കോളജിലേക്ക് പോകുവാന്‍ റെയില്‍വെ സ്റ്റേഷന് സമീപം ട്രാക്ക് മറിച്ചു കടക്കുന്നതിനിടെ ബി.എസ്.സി വിദ്യാര്‍ഥിനി ട്രെയിന്‍ തട്ടി മരിച്ചു. കൂട്ടുകാര്‍ അത്ഭുതകരമായി രക്ഷപ്പെട്ടു.
അങ്കമാലി പുളിയനം തേലപ്പിള്ളി വീട്ടില്‍ സാജന്റെ മകള്‍ അനു സാജനാണ് (21) മരിച്ചത്. ട്രെയിന്‍ പോയ ഉടന്‍ ട്രാക്ക് മുറിച്ചുകടക്കുന്നതിനിടെ രണ്ടാമത്തെ ട്രാക്കിലൂടെ വന്ന ട്രെയിനാണ് ഇടിച്ചത്. അഗ്നി രക്ഷ സേനയെത്തി മൃതദേഹം അങ്കമാലി താലൂക്ക് ആശുപത്രിയിലേക്ക് മാറ്റി.
അങ്കമാലി മോര്‍ണിങ് സ്റ്റാര്‍ കോളജിലെ ബി.എസ്.സി സുവോളജി അവസാന വര്‍ഷ വിദ്യാര്‍ത്ഥിനിയാണ്. അമ്മ: സിന്ധു. സഹോദരന്‍: എല്‍ദോ സാജന്‍. സംസ്കാരം ശനിയാഴ്ച ഉച്ചയോടെ പീച്ചാനിക്കാട് താബോര്‍ സെന്റ് ജോര്‍ജ് യാക്കോബായ സുറിയാനി പള്ളി സെമിത്തേരിയില്‍.
