മൈസൂരു: നിയമസഭാ തിരഞ്ഞെടുപ്പ് പ്രചാരണത്തിന്റെ ഭാഗമായി പ്രധാനമന്ത്രി നരേന്ദ്രമോദി മൈസൂരുവിൽ കൂറ്റൻ റോഡ്ഷോ നയിക്കാനെത്തുന്നു. ഞായറാഴ്ച വൈകീട്ട് 5.30-ന് ഗൺ ഹൗസ് സർക്കിളിൽനിന്ന് ബന്നിമണ്ഡപിലെ എൽ.ഐ.സി. സർക്കിളിലേക്കാണ് 4.1 കിലോമീറ്റർ ദൈർഘ്യമുള്ള റോഡ്ഷോ. മൈസൂരുവിൽ മോദിയുടെ ഇത്തവണത്തെ ആദ്യ തിരഞ്ഞെടുപ്പ് പ്രചാരണമാണിത്.
ഒരുമണിക്കൂറിലധികം നീണ്ടുനിൽക്കുന്ന റോഡ്ഷോയ്ക്ക് ദസറ ജംബൂസവാരിയുടെ മാതൃകയിലുള്ള സുരക്ഷാക്രമീകരണങ്ങളാണ് ഒരുക്കുന്നത്. ജനത്തെ നിയന്ത്രിക്കാൻ റോഡിന് ഇരുവശത്തും ബാരിക്കേഡുകൾ നിർമിക്കുന്ന പ്രവർത്തനങ്ങൾ പുരോഗമിക്കുകയാണ്.വൈകീട്ട് അഞ്ചിന് ബീദറിലെ പൊതുയോഗത്തിനുശേഷം ഹെലികോപ്റ്റർ മാർഗം മോദി മൈസൂരുവിലെ ഓവൽ മൈതാനത്തെത്തും. തുടർന്ന് ഗൺ ഹൗസ് സർക്കിളിലെത്തി റോഡ്ഷോ ആരംഭിക്കും.
ബസവേശ്വര സർക്കിൾ, കെ.ആർ. സർക്കിൾ, സർക്കാർ ആയുർവേദ കോളേജ് സർക്കിൾ, ഓൾഡ് ആർ.എം.സി. യാർഡ്, മൗലാന അബ്ദുൾകാലം ആസാദ് സർക്കിൾ എന്നിവിടങ്ങളിലൂടെയാണ് റോഡ്ഷോ പുരോഗമിക്കുക. റോഡ്ഷോ സമയത്ത് ഗതാഗതനിയന്ത്രണവും ഏർപ്പെടുത്തും.
അമിത് ഷാ ശനിയാഴ്ച കുടകിൽ:നിയമസഭാ തിരഞ്ഞെടുപ്പ് പ്രചാരണത്തിനായി കേന്ദ്ര ആഭ്യന്തരമന്ത്രി അമിത് ഷാ ശനിയാഴ്ച കുടകിലെത്തും. രാവിലെ 10.30-ന് മടിക്കേരിയിലെ ഗാന്ധി മൈതാനത്ത് നടക്കുന്ന പൊതുയോഗത്തെ അമിത് ഷാ അഭിസംബോധനചെയ്യും.
കൊച്ചിയിലെ രണ്ടാമത്തെ താജ് ഹോട്ടല് പ്രഖ്യാപിച്ചു
ഇന്ത്യയിലെ ഏറ്റവും വലിയ ഹോസ്പിറ്റാലിറ്റി കമ്ബനിയായ ഇന്ത്യന് ഹോട്ടല്സ് കമ്ബനിയുടെ (ഐഎച്ച്സിഎല്), ലോകപ്രശസ്ത ബ്രാന്ഡായ താജ് നൂറാമത്തെ ഹോട്ടല് തുറക്കുന്നതായി പ്രഖ്യാപിച്ചു.112 മുറികളുള്ള പുതിയ ഹോട്ടല് കൊച്ചി വിമാനത്താവളത്തിന് അടുത്ത് തന്നെയാണ് സ്ഥിതി ചെയ്യുന്നത്. ഓള് ഡേ ഡൈനര്, ബാര്, ലോഞ്ച്, ഓപ്പണ് എയര് സ്പെഷ്യാലിറ്റി റെസ്റ്റോറന്റ് തുടങ്ങിയ സൗകര്യങ്ങള് ഹോട്ടലിലുണ്ടാകും.
ബാങ്ക്വറ്റിങ് സ്പെയിസുകള്, മീറ്റിംഗ് റൂമുകള്, സ്പാ, നീന്തല്ക്കുളം, ജിംനേഷ്യം എന്നിവയും ഇതില് ഉള്പ്പെടും.താജ് പോര്ട്ട്ഫോളിയോ ഇന്ത്യയിലുടനീളവും പ്രധാന അന്താരാഷ്ട്ര കേന്ദ്രങ്ങളിലുമായി 100 ഹോട്ടലുകള് വാഗ്ദാനം ചെയ്യുന്നതിനാല് ഇത് ഒരു സുപ്രധാന സന്ദര്ഭമാണെന്ന് ഐഎച്ച്സിഎല് മാനേജിംഗ് ഡയറക്ടറും സിഇഒയുമായ പുനീത് ഛത്വാള് പറഞ്ഞു. ഈ വളര്ച്ച ഞങ്ങളുടെ പങ്കാളികള് സ്ഥിരമായി ഞങ്ങളില് അര്പ്പിക്കുന്ന അചഞ്ചലമായ വിശ്വാസത്തിന്റെ തെളിവാണ്.
ഈ യാത്രയില് ഞങ്ങളെ പിന്തുണച്ച ഞങ്ങളുടെ എല്ലാ പങ്കാളികള്ക്കും അതിഥികള്ക്കും ജീവനക്കാര്ക്കും നന്ദി പറയാന് ആഗ്രഹിക്കുന്നുവെന്നും അദ്ദേഹം പറഞ്ഞു.നഗരത്തിലെ ഞങ്ങളുടെ രണ്ടാമത്തെ താജ് ഹോട്ടലിന് ധാരണയായതോടെ, തുറമുഖ നഗരമായ കൊച്ചിയില് മറ്റൊരു വിലാസം വാഗ്ദാനം ചെയ്യാന് ഞങ്ങള് ആഗ്രഹിക്കുന്നു.
ഇതിനായി കൊച്ചിന് ഇന്റര്നാഷണല് എയര്പോര്ട്ടുമായി സഹകരിക്കുന്നതില് ഞങ്ങള്ക്ക് സന്തോഷമുണ്ടെന്നും അദ്ദേഹം കൂട്ടിച്ചേര്ത്തു.1903-ല് സ്ഥാപിതമായ താജിന്റെ ആധുനിക ബിസിനസ്സ് ഹോട്ടലുകള് മുതല് മനോഹരമായ ബീച്ച് റിസോര്ട്ടുകളും ആധികാരികവും ഗംഭീരവുമായ കൊട്ടാരങ്ങളും വരെയുള്ള ലോകപ്രശസ്തമായ ഹോട്ടലുകള് ഓരോന്നും ഊഷ്മളമായ ഇന്ത്യന് ആതിഥ്യമര്യാദയുടെയും ലോകോത്തര സേവനത്തിന്റെയും സമാനതകളില്ലാത്ത സംയോജനം വാഗ്ദാനം ചെയ്യുന്നവയാണ്.
ബ്രാന്ഡ് ഫിനാന്സ് ഹോട്ടല്സ് 50 റിപ്പോര്ട്ട് 2022, ഇന്ത്യ 100 റിപ്പോര്ട്ട് 2022 എന്നിവ പ്രകാരം ലോകത്തിലെ ഏറ്റവും ശക്തമായ ഹോട്ടല് ബ്രാന്ഡായും ഇന്ത്യയിലെ ഏറ്റവും ശക്തമായ ബ്രാന്ഡായും താജ് റാങ്ക് ചെയ്യപ്പെട്ടിട്ടുണ്ട്.ദക്ഷിണേന്ത്യയിലെ പ്രധാന വാണിജ്യ കേന്ദ്രമായ കൊച്ചി സമ്ബന്നമായ സാംസ്കാരിക പൈതൃകത്തിന് പേരുകേട്ടതാണ്. കേരളത്തിന്റെ തെക്കുപടിഞ്ഞാറന് തീരത്തുള്ള മനോഹരമായ ബീച്ചുകളുള്ള ഈ നഗരം ഇന്ത്യയില് ഏറ്റവുമധികം ആളുകള് സന്ദര്ശിക്കുന്ന വിനോദസഞ്ചാര കേന്ദ്രങ്ങളിലൊന്നാണ്.
