ബെംഗളൂരു: ഗുണ്ടൽപേട്ടിൽ വാഹനാപകടത്തിൽ പച്ചക്കറി വ്യാപാരി മരിച്ചു. പുതുപ്പാടി ഈങ്ങാപ്പുഴ പൂലോട് സ്വദേശി നെടുവേലിൽ നവാസ് ആണ് മരിച്ചത്.ഒപ്പമുണ്ടായിരുന്ന രണ്ടുപേരെ പരിക്കുകളോടെ ആശുപത്രിയിൽ പ്രവേശിപ്പിച്ചു.ഇന്ന് രാവിലെ ഗുണ്ടൽപേട്ടിൽ ആണ് അപകടം നടന്നത്.
പച്ചക്കറി വ്യാപാരിയായ നവാസ് സഞ്ചരിച്ചിരുന്ന ഗുഡ്സ് ഒരു ലോറിയുമായി കൂട്ടിയിടിക്കുകയായിരുന്നു.ഈങ്ങാപ്പുഴയിൽ പച്ചക്കറി വ്യാപാരം നടത്തുകയായിരുന്ന നവാസ് പച്ചക്കറിയെടുക്കാനായ ഗുണ്ടൽപേട്ടിലേക്ക് പോകുന്ന വഴിയാണ് അപകടമുണ്ടായത്.
ഗ്യാസ്കയറ്റി വന്ന ലോറിയുമായി ഗുഡ്സ് കൂട്ടിയിടിക്കുകയായിരുന്നു. അപകടത്തിൽ ഗുഡ്സ് വാഹനം പൂർണ്ണമായും തകർന്നു.പിതാവ്: അബ്ദുസമദ് നെടുവേലിൽ, മാതാവ്: നബീസ, ഭാര്യ: സുഹറ, സഹോദരൻ: നജീബ്
