മലപ്പുറം: പതിനൊന്ന് വര്‍ഷം മുമ്ബ് മലപ്പുറത്തു നിന്നും കാണാതായ യുവതിയേയും കുഞ്ഞിനേയും പൊലീസ് കണ്ടെത്തി.2011ല്‍ കുറ്റിപ്പുറത്ത് നിന്നും കാണാതായ നുസ്റത്തിനേയും കുഞ്ഞിനെയുമാണ് മലപ്പുറം സി ബ്രാഞ്ചില്‍ പ്രവര്‍ത്തിക്കുന്ന ജില്ലാ മിസ്സിംഗ് പേഴ്സണ്‍ ട്രേസിംഗ് യൂനിറ്റ് (ഡിഎംപിടിയു) കണ്ടെത്തിയത്.
ബെംഗളൂരുവില്‍ നിന്നാണ് ഇരുവരെയും കണ്ടെത്തിയത്.ജില്ലയില്‍ റിപ്പോര്‍ട്ട് ചെയ്ത കാണാതായവരുടെ കേസുകളില്‍ വര്‍ഷങ്ങളായി കണ്ടെത്താന്‍ സാധിക്കാത്ത ആളുകളെ കണ്ടെത്തുന്നതിനായി ജില്ലാ പൊലീസ് മേധാവിയുടെ നിര്‍ദേശ പ്രകാരം പ്രത്യേകം നടത്തി വന്ന അന്വേഷണത്തിലാണ് നുസ്റത്തിനെയും കുട്ടിയെയും കണ്ടെത്തിയത്.
ഡി.എം.പി.ടി.യു. നോഡല്‍ ഓഫീസറായ ഡി.വൈ.എസ്.പി: കെ.സി. ബാബുവിന്റെ നേതൃത്വത്തില്‍ ഡി എം പി ടി യു അംഗങ്ങള്‍ ആണ് അന്വേഷണം നടത്തിയത്.ബെംഗളൂരുവിലെ താമസ സ്ഥലത്ത് നിന്നാണ് ഇരുവരെയും കണ്ടെത്തിയത്. 11 വര്‍ഷത്തോളമായി ബംഗളൂരുവില്‍ കുടുംബമായി വാടകവീട്ടില്‍ താമസിച്ചു വരികയായിരുന്നുവെന്ന് അന്വേഷണ സംഘം പറഞ്ഞു.
സി-ബ്രാഞ്ച് എസ് ഐ-മാരായ സി വി ബിബിന്‍, കെ സുഹൈല്‍, അരുണ്‍ഷാ, സീനിയര്‍ സിവില്‍ പോലീസ് ഓഫീസര്‍മാരായ അബ്ദുസ്സമീര്‍ ഉള്ളാടന്‍, മുഹമ്മദ് ഷാഫി പുളിക്കത്തൊടി എന്നിവരായിരുന്നു അന്വേഷണ സംഘത്തിലുണ്ടായിരുന്നത്. യുവതിയെ തിരൂര്‍ ജെഎഫ്സിഎം കോടതി മുമ്ബാകെയും കുട്ടിയെ സി ഡബ്ലിയു സി മുമ്ബാകെയും ഹാജരാക്കി.
വിധാന സൗധ കോൺഗ്രസിന്റെ അഴിമതി ബാങ്കായിരുന്നെന്ന് ബൊമ്മ
ബെംഗളൂരു: സംസ്ഥാനത്ത് കോൺഗ്രസ് അധികാരത്തിലിരുന്നപ്പോൾ വിധാന സൗധ ഒരു ഷോപ്പിംഗ് കോംപ്ലക്സ് മാത്രമായിരുന്നില്ലെന്നും കോൺഗ്രസിന്റെ അഴിമതി ബാങ്കായിരുന്നുവെന്നും മുഖ്യമന്ത്രി ബസവരാജ് ബൊമ്മ പറഞ്ഞു.വിധാനസൗധയിൽ പൊതുമരാമത്ത് വകുപ്പ് (പിഡബ്ല്യുഡി) എൻജിനീയറുടെ പക്കൽനിന്ന് കണക്കിൽപ്പെടാത്ത 10.5 ലക്ഷം രൂപ പിടിച്ചെടുത്തതിനെ തുടർന്ന് വിധാനസൗധ ഷോപ്പിങ് മാളായി മാറിയെന്ന പ്രതിപക്ഷ നേതാക്കളുടെ പ്രസ്താവനയോട് പ്രതികരിക്കവെ മുഖ്യമന്ത്രി ബൊമ്മ പറഞ്ഞു.
മന്ത്രി പുട്ടരംഗഷെട്ടിയുടെ ഓഫീസിൽ നിന്ന് 22 ലക്ഷം രൂപ കണ്ടെത്തി.എന്നാൽ അന്വേഷണമില്ല, മൊഴിയെടുത്തില്ല, അന്വേഷണവും ഉണ്ടായില്ല.അവർ എസിബിക്ക് (ആന്റി കറപ്ഷൻ ബ്യൂറോ) കൈമാറി കേസ് ക്ലോസ് ചെയ്തു. സൗധ ഒരു ഷോപ്പിംഗ് കോംപ്ലക്സായിരുന്നില്ല, കോൺഗ്രസിന്റെ അഴിമതി ബാങ്കായിരുന്നു എന്നും അദ്ദേഹം കൂട്ടിച്ചേർത്തു.
സാൻട്രോ രവിയ്ക്കൊപ്പമുള്ള തന്റെയും ബിജെപി പാർട്ടിയിലെ മറ്റ് നേതാക്കളുടെയും ഫോട്ടോകളും വീഡിയോകളും സംബന്ധിച്ച പ്രതിപക്ഷ നേതാക്കളുടെ ആരോപണങ്ങളെ കുറിച്ച് അവയെല്ലാം സൃഷ്ടിച്ചതാണെന്നും നിലവിലുള്ള ഡിജിറ്റൽ സാങ്കേതികവിദ്യ ഉപയോഗിച്ച്, ആർക്കും അത്തരം ഫോട്ടോകൾ സൃഷ്ടിക്കാൻ കഴിയുമെന്നും ബൊമ്മ പറഞ്ഞുഫോട്ടോകളുടെ അടിസ്ഥാനത്തിൽ ഒരു നിഗമനത്തിലെത്താൻ കഴിയില്ലെന്നും അദ്ദേഹം പറഞ്ഞു.
ഇയാളെക്കുറിച്ച് ഒരു സ്ത്രീയുടെ പരാതിയെത്തുടർന്ന്, ഇയാളുടെ പശ്ചാത്തലം, വിവിധ മേഖലകളിലെ വ്യത്യസ്ത പ്രവർത്തനങ്ങളിലെ പങ്കാളിത്തം എന്നിവ അറിയാൻ വിശദമായ അന്വേഷണം നടത്താൻ ഞാൻ മൈസൂരു സിറ്റി പോലീസിന് നിർദ്ദേശം നൽകിയിട്ടുണ്ട് എന്നും അദ്ദേഹം പറഞ്ഞു
