ന്യൂഡല്ഹി: കോഴിക്കോട്ടുനിന്ന് പാലക്കാട് വഴി കോയമ്ബത്തൂരിലേക്ക് പുതിയ ഗ്രീന് ഫീല്ഡ് പാത നിര്മിക്കുന്നതു സംബന്ധിച്ച് ഉപരിതല ഗതാഗത മന്ത്രി നിതിന് ഗഡ്കരിയില്നിന്ന് ഉറപ്പ് ലഭിച്ചതായി വിദേശകാര്യ സഹമന്ത്രി വി.മുരളീധരന്. സംസ്ഥാന സര്ക്കാറില്നിന്ന് പദ്ധതി നിര്ദേശം ലഭിച്ചാല് അനുകൂല തീരുമാനമെടുക്കുമെന്ന് മന്ത്രി പറഞ്ഞതായി മുരളീധരന് അറിയിച്ചു.
വനഭൂമി ഏറ്റെടുക്കാതെ മൈസൂരിനെയും കോഴിക്കോടിനെയും ബന്ധിപ്പിക്കുന്ന ബദല് പാതക്കും സന്നദ്ധത അറിയിച്ചിട്ടുണ്ട്. കന്യാകുമാരി-മുംബൈ ദേശീയ പാതയുടെയും തലശ്ശേരി-മാഹി-വടകര ബൈപാസുകളുടെയും കോഴിക്കോട് ബൈപാസിെന്റയും പണി വേഗത്തിലാക്കും. തിരുവനന്തപുരം ദേശീയപാതയില് കോവളം കാഞ്ഞിരംകുളം പഞ്ചായത്തിലെ പ്ലാവില ജംഗ്ഷനില് കഴിവൂര്-താഴംകാട് റോഡിനെ ബന്ധിപ്പിക്കുന്ന മേല്പാലം അനുവദിക്കും.
*ഡ്രൈവിംഗ് ലൈൻസൻസ് പുതുക്കാൻ പുതിയ മാനദണ്ഡവുമായി മോട്ടോർ വാഹന വകുപ്പ്*
മലബാര് ചേംബര് ഓഫ് കോമേഴ്സ് ഭാരവാഹികള്ക്കൊപ്പമാണ് മന്ത്രി വി. മുരളീധരന് നിതിന് ഗഡ്കരിയെ കണ്ടത്. പ്രസിഡന്റ് ഹസീബ് അഹമ്മദ്, വൈസ് പ്രസിഡന്റ് നിത്യാനന്ദ് കാമത്ത്, സെക്രട്ടറി മഹബൂബ്, ബി.ജെ.പി സംസ്ഥാന സെക്രട്ടറി പി. രഘുനാഥ്, കോഴിക്കോട് കോര്പറേഷന് കൗണ്സിലര് നവ്യ ഹരിദാസ് എന്നിവരും ഒപ്പമുണ്ടായിരുന്നു.
