ബെംഗളൂരു: ബെംഗളൂരുവിൽ നിന്നും കോഴിക്കോടേക്ക് പുറപ്പെട്ട കേരള ആർടിസിയുടെ സ്വിഫ്റ്റ് ബസ് മൈസൂരുവിൽ അപകടത്തിൽപ്പെട്ടു. കോഴിക്കോട് ഡിപ്പോയിൽനിന്നുള്ള KL 15 A 2363 സ്വിഫ്റ്റ് ഗരുഡ പ്രീമിയം എ.സി. സീറ്റർ ബസാണ് അപകടത്തിൽപ്പെട്ടത്. ശനിയാഴ്ച പുലർച്ചെ 3 മണിയോടെ മൈസൂരു പാലസ് റോഡിലാണ് അപകടമുണ്ടായത്. കനത്ത മഴയിൽ പാത വ്യക്തമാകാത്തതിനെ തുടർന്ന് ബസിന്റെ മുൻഭാഗം ഡിവൈഡറിലേക്ക് ഇടിച്ചു കയറുകയായിരുന്നു. ഇടിയുടെ ആഘാതത്തിൽ ബസിന്റെ മുൻവശത്തെ ആക്സിൽ തകർന്നു. ആർക്കും പരിക്കുകളില്ല. യാത്രക്കാരെ പിന്നീട് കർണാടക, കേരള ആർടിസി ബസുകളിൽ കയറ്റി വിട്ടു.
ചെസ് ലോകകപ്പില് രണ്ടാംസ്ഥാനംനേടി തിരിച്ചെത്തിയ പ്രഗ്നാനന്ദയ്ക്ക് സമ്മാനമായി മഹീന്ദ്ര
രാജ്യത്തിനുവേണ്ടി നേട്ടമുണ്ടാക്കുന്നവര്ക്ക് ആനന്ദ് മഹീന്ദ്ര എക്സ്.യു.വി.700, മഹീന്ദ്ര ഥാര് തുടങ്ങിയ സമ്മാനങ്ങള് ഇതിന് മുൻപ് നല്കിയിട്ടുണ്ട്.ഇപ്പോഴിതാ ചെസ് ലോകകപ്പില് രണ്ടാംസ്ഥാനംനേടി തിരിച്ചെത്തിയ പ്രഗ്നാനന്ദയ്ക്ക് മഹീന്ദ്ര എക്സ്.യു.വി.400 ഇലക്ട്രിക് ആണ് സമ്മാനിക്കുന്നത്.ആനന്ദ് മഹീന്ദ്ര സമ്മാന വിവരം എക്സിലെ കുറിപ്പിലൂടെയാണ് പങ്കുവെച്ചത്. പ്രഗ്നാനന്ദയും ഒരു ഥാര് സമ്മാനമായി നേടാന് അര്ഹനാണെന്ന് കാണിച്ച് ആനന്ദ് മഹീന്ദ്രയെ ടാഗ് ചെയ്ത ക്രിഷ്ലെയ് കുമാര് എന്നയാളുടെ പോസ്റ്റിന് മറുപടിയായാണ് അദ്ദേഹം സമ്മാന വിവരം വെളിപ്പെടുത്തിയത്.എന്നാല്, താൻ നല്കുന്ന സമ്മാനം പ്രഗ്നാനന്ദയ്ക്കല്ല, മറിച്ച് അദ്ദേഹത്തെ ഇതിനായി പ്രോത്സാഹിപ്പിച്ച മാതാപിതാക്കള്ക്കാണെന്നാണ് ആനന്ദ് മഹീന്ദ്ര ട്വിറ്റര് കുറിപ്പില് അറിയിച്ചിരിക്കുന്നത്.
