ന്യൂഡല്‍ഹി: ലോകത്ത് ഒമിക്രോണ്‍ ഭീതി വിതക്കുേമ്ബാള് ഇന്ത്യ അന്തരാഷ്ട്ര വിമാന സര്‍വിസുകള്‍ റദ്ദാക്കാത്തതില്‍ പ്രതിഷേധവുമായി ഡല്‍ഹി മുഖ്യമന്ത്രി അരവിന്ദ് കെജ്രിവാള്.ഒമിക്രോണ്‍ വകഭേദം റിപ്പോര്‍ട്ട് ചെയ്ത രാജ്യങ്ങളില്‍നിന്നുളള അന്താരാഷ്ട്ര വിമാന സര്‍വിസുകള്‍ റദ്ദാക്കണമെന്നാവശ്യപ്പെട്ട് കെജ്രിവാള് പ്രധാനമന്ത്രി നേരന്ദ്രമോദിക്ക് കത്തെഴുതി. കാലതാമസം എടുക്കുന്തോറും പ്രത്യാഘാതം ഗുരുതരമാകുമെന്നും അദ്ദേഹം ഓര്‍മിപ്പിച്ചു. കത്തിന്‍റെ പകര്‍പ്പ് കെജ്രിവാള് ട്വിറ്ററില്‍ പങ്കുവെച്ചു. കഴിഞ്ഞ ഒന്നര വര്‍ഷമായി രാജ്യം കൊറോണ വൈറസിനോട് പൊരുതിക്കൊണ്ടിരിക്കുന്നു. ലക്ഷകണക്കിന് കോവിഡ് പോരാളികളുടെ കഠിനപ്രയത്നത്തിന്റെ ഫലമായി രാജ്യം കൊറോണ വൈറസില്‍നിന്ന് മുക്തി നേടി. പുതിയ വകഭേദം ആശങ്ക സൃഷ്ടിക്കുന്ന സാഹചര്യത്തില്‍ തടയാനുള്ള എല്ലാ മുന്‍കരുതലുകളും സ്വീകരിക്കണം.
ഒമിക്രോണ്‍ ബാധിത പ്രദേശങ്ങളില്‍നിന്ന് യൂറോപ്യന്‍ യൂണിയന്‍ ഉള്‍പ്പെടെയുള്ള രാജ്യങ്ങള്‍ വിമാന സര്‍വിസുകള്‍ നിര്‍ത്തിവെച്ചു. അടിയന്തരമായി ഈ രാജ്യങ്ങളില്‍നിന്നുള്ള വിമാനസര്‍വിസുകള്‍ വിലക്കണമെന്ന് ഞാന്‍ അഭ്യര്‍ഥിക്കുന്നു. ഇതില്‍ വരുന്ന ഓരോ കാലതാമസവും പ്രത്യാഘാതം വര്‍ധിപ്പിക്കും -കെജ്രിവാള് കത്തില്‍ പറയുന്നു.
