ന്യൂഡല്‍ഹി: മക്കളെ പാര്‍ട്ടിയില്‍ ഉചിത സ്ഥാനത്ത് പ്രതിഷ്ഠിച്ചാല്‍ മുഖ്യമന്ത്രി സ്ഥാനത്തുനിന്നു മാറിനില്‍ക്കാമെന്ന ഉപാധിയുമായി കര്‍ണാടക മുഖ്യമന്ത്രി ബി.എസ്. യെദിയൂരപ്പ ഡല്‍ഹിയില്‍.
പ്രധാനമന്ത്രി നരേന്ദ്ര മോദിയുമായി കഴിഞ്ഞ ദിവസം കൂടിക്കാഴ്ച നടത്തിയ യെദിയൂരപ്പ ഇന്നലെ ആഭ്യന്തരമന്ത്രി അമിത് ഷാ, പ്രതിരോധ മന്ത്രി രാജ്നാഥ് സിംഗ്, ബിജെപി അധ്യക്ഷന്‍ ജെ.പി. നഡ്ഡ എന്നിവരുമായും കൂടിക്കാഴ്ച നടത്തി. തലമുതിര്‍ന്ന നേതാവിന്‍റെ ഉപാധി ബിജെപി കേന്ദ്ര നേതൃത്വം അംഗീകരിച്ചാല്‍ ജൂലൈ 26ന് കര്‍ണാടകയില്‍ മുഖ്യമന്ത്രി മാറും. 78കാരനായ യെദിയൂരപ്പ മുഖ്യമന്ത്രിയായി ചുമതലയേറ്റെടുത്തിട്ട് രണ്ടു വര്‍ഷം പൂര്‍ത്തിയാവുകയാണ്.തിരക്കിട്ട അധികാര-രാ‌ഷ‌്ട്രീയ ചര്‍ച്ചകള്‍ക്കിടയിലും ഇന്നലെ യെദിയൂരപ്പ ഡല്‍ഹിയില്‍ കര്‍ണാടക ഭവന്‍റെ സമീപത്ത് അശോക ഹോട്ടലില്‍ കയറി ഇഡലിയും വടയും കാപ്പിയും കഴിക്കാനും സമയം കണ്ടെത്തി. ജെ.പി. നഡ്ഡയേയും രാജ്നാഥ് സിംഗിനെയും കണ്ടശേഷം യെദിയൂരപ്പ നേരേ ഇവിടേക്കാണ് എത്തിയത്.
മുഖ്യമന്ത്രിപദവിയില്‍ നിന്നു മാറ്റമുണ്ടാകുന്ന അഭ്യൂഹം ശക്തമാണെങ്കിലും അതിനൊരു സാധ്യത പോലുമില്ലെന്നാണ് ഇഡലിയും വടയും ആസ്വദിച്ച ശേഷം യെദിയൂരപ്പ പ്രതികരിച്ചത്. മകന്‍ ബി.വൈ. വിജയേന്ദ്രയും ചെറുമകന്‍ ശശിധര്‍ മാര്‍ഡിയും എംഎല്‍സി ലെഹാര്‍ സിംഗും പഴ്സണല്‍ സെക്രട്ടറി ഗിരീഷ് ഹോസുറും അദ്ദേഹത്തിനൊപ്പമുണ്ടായിരുന്നു.
മകന്‍ വിജയേന്ദ്രയ്ക്ക് കര്‍ണാടക ബിജെപിയില്‍ ഉചിതവും ഉന്നതവുമായ സ്ഥാനം നല്‍കണം എന്നതാണ് യെദിയൂരപ്പയുടെ പ്രധാന ആവശ്യങ്ങളില്‍ ഒന്ന്. യെദിയൂരപ്പയുടെതന്നെ നിര്‍ദേശപ്രകാരമാണ് കര്‍ണാടകയില്‍ നിന്നുള്ള ബിജെപി നേതാവ് ശോഭ കലന്തരജയെ നരേന്ദ്ര മോദി മന്ത്രിസഭയില്‍ ഉള്‍പ്പെടുത്തിയത്
കര്‍ണാടകയില്‍ പാര്‍ട്ടിക്കു വേണ്ടി കൂടുതല്‍ ശക്തമായി പ്രവര്‍ത്തിക്കണമെന്നാണ് അമിത്ഷാ നിര്‍ദേശിച്ചതെന്ന് അദ്ദേഹവുമായുള്ള കൂടിക്കാഴ്ചയ് ക്കുശേഷം യെദിയൂരപ്പ പറഞ്ഞിരുന്നു.കഴിഞ്ഞ ദിവസമാണ് ബിജെപി കേന്ദ്ര നേതൃത്വവുമായി ചര്‍ച്ചകള്‍ നടത്തി ഉറപ്പുകള്‍ വാങ്ങാന്‍ കര്‍ണാകയില്‍ നിന്ന് മകനും ചെറുമകനും പരിവാരങ്ങള്‍ക്കും ഒപ്പം ചാര്‍ട്ടേര്‍ഡ് വിമാനത്തില്‍ യെദിയൂരപ്പ ഡല്‍ഹിയിലേക്ക് എത്തിയത്.
കര്‍ണാടകയില്‍ ബിജെപിക്കുള്ളില്‍നിന്നും എംഎല്‍എമാരും സംസ്ഥാന മന്ത്രിമാരും യെദിയൂരപ്പയ്ക്കെതിരേ ശബ്ദം ഉയര്‍ത്തുന്നുണ്ട്. ഭരണ നടപടികളില്‍ മകന്‍ വിജയേന്ദ്രയുടെ കടന്നുകയറ്റവും സര്‍ക്കാരിന്‍റെ അഴിമതിയും ഉയര്‍ത്തിക്കാട്ടിയാണ് പാര്‍ട്ടിക്കുള്ളില്‍ത്തന്നെ എതിര്‍പ്പുകള്‍ ഉയര്‍ന്നിരിക്കുന്നത്.
The Shoe Shop!!NIKE,ADIDAS,PUMA,REEBOK,SKECHERS!! തുടങ്ങി ലോകോത്തര ബ്രാൻഡ് ഷൂ ഉത്പന്നങ്ങൾ 50% മുതൽ 70% വരെ വിലക്കുറവിൽ കൊറമംഗലയിലും ഇന്ദിര നഗറിലും 📱വിശദമായ വിവരങ്ങൾക്ക് വാട്സ്ആപ്പ് മെസ്സേജ് ചെയ്യാം 7806918741follow us on Instagram 👇👇👇https://instagram.com/theshoeshopbangalore?igshid=oae1ks9fmhpw
