ബംഗളൂരു: കര്‍ണാടകയിലെ കലബുറുഗിയില്‍ കടം വാങ്ങിയ 9000 രൂപ തിരിച്ച്‌ നല്‍കാത്തതിനെത്തുടര്‍ന്നു യുവാവിനെ നടുറോട്ടില്‍ കുത്തി കൊലപ്പെടുത്തി.ശനിയാഴ്ച ജെവര്‍ഗി റോഡിലാണ് കേസിനാസ്പദമായ സംഭവം.
കലബുറുഗി സ്വദേശിയായ സമീറാണ് തന്‍റെ പരിചയക്കാരനില്‍ നിന്ന് 9000 രൂപ കടം വാങ്ങിയത്. പിന്നീട് ഇയാള്‍ പണം തിരികെ നല്‍കാന്‍ ആവശ്യപ്പെട്ടപ്പോള്‍ സമീര്‍ ഒഴിഞ്ഞു മാറുകയായിരുന്നു. തുടര്‍ന്ന് ഇരുവരും തര്‍ക്കത്തിലാവുകയായിരുന്നു. ഇതിന്‍റെ പ്രതികാരമായി ശനിയാഴ്ച രാത്രി പ്രതിയും സുഹൃത്തും ചേര്‍ന്ന് ജനത്തിരക്കേറിയ ജെവര്‍ഗി റോഡില്‍ വെച്ച്‌ സമീറിനെ കുത്തി കൊലപ്പെടുത്തുകയായിരുന്നു.
മൂര്‍ച്ച‍യേറിയ ആയുധം കൊണ്ട് ആക്രമിക്കപ്പെട്ടയുടന്‍ സമീര്‍ ഓടി രക്ഷപ്പെടാന്‍ ശ്രമിക്കുന്നത് സി.സി.ടി.വി ദൃശ്യങ്ങളില്‍ വ്യക്തമാണ്. എന്നാല്‍ അക്രമികള്‍ സമീറിനെ പിടികൂടി വീണ്ടും ശക്തമായി മുറിപ്പെടുത്തുകയായിരുന്നു. ഗുരുതരമായി പരിക്കേറ്റ സമീര്‍ സംഭവസ്ഥലത്ത് വെച്ച്‌ തന്നെ മരണപ്പെട്ടു.
കൃത്യം നടത്തിയ ശേഷം പ്രതികള്‍ സ്ഥലത്തുനിന്ന് രക്ഷപ്പെട്ടു. റോഡില്‍ ആള്‍ക്കൂട്ടമുണ്ടായിട്ടും വഴിയാത്രക്കാര്‍ സമീറിനെ രക്ഷിക്കാന്‍ ശ്രമിച്ചിരുന്നില്ല. ശേഷം പൊലീസ് സ്ഥലത്തെത്തി സി.സി.ടി.വി ദൃശ്യങ്ങള്‍ പരിശോധിച്ചു. മൃതദേഹം പോസ്റ്റ്‌മോര്‍ട്ടത്തിനയച്ച്‌ അന്വേഷണം ആരംഭിച്ചതായി പൊലീസ് പറഞ്ഞു.
അഞ്ച് ദശലക്ഷം സൗജന്യ സീറ്റുകൾ വാഗ്ദാനം ചെയ്ത് ഈ എയർലൈൻ; ബുക്കിംഗ് ആരംഭിച്ചു
ഏഷ്യയിലെ ഏറ്റവും നിരക്ക് കുറഞ്ഞ വിമാനക്കമ്പനികളില്‍ ഒന്നായ എയർഏഷ്യ അതിന്റെ തിരിച്ചു വരവ് ആഘോഷിക്കാൻ യാത്രക്കാർക്ക് അഞ്ച് ദശലക്ഷം സൗജന്യ സീറ്റുകൾ വാഗ്ദാനം ചെയ്യുന്നതായി റിപ്പോർട്ട്. ഇന്നലെ മുതൽ ടിക്കറ്റ് വിൽപ്പന ആരംഭിച്ചു. ഉപഭോക്താക്കൾക്ക് സെപ്റ്റംബർ 25 വരെ ഓഫറുകളോടെ ടിക്കറ്റുകൾ വാങ്ങാം. 2023 ജനുവരി 1 നും 2023 ഒക്ടോബർ 28 നും ഇടയിലുള്ള യാത്രകൾക്കായിരിക്കും ഓഫറുകൾ ബാധകം. എയർലൈനിന്റെ വെബ്സൈറ്റ് വഴി ടിക്കയറ്റുകൾ ബുക്ക് ചെയ്യാം.
എയർഏഷ്യയുടെ ഓഫർ അതിന്റെ വെബ്‌സൈറ്റിലും ആപ്പിലും ലഭ്യമാണ്. എയർഏഷ്യ സൂപ്പർ ആപ്പിലോ വെബ്‌സൈറ്റിലോ ഉള്ള ‘ഫ്ലൈറ്റ്സ്’ ഐക്കണിൽ ക്ലിക്ക് ചെയ്ത് നിങ്ങൾക്ക് ഈ ഓഫർ സ്വന്തമാക്കാം.
എയർ ഏഷ്യയുടെ ഈ സൗജന്യ യാത്ര ഓഫർ നൽകികൊണ്ട് ഇതുവരെ പിന്തുണയായി നിന്ന യാത്രക്കാർക്ക് നന്ദി പറയുന്നതായി എയർഏഷ്യ ഗ്രൂപ്പ് ചീഫ് കൊമേഴ്‌സ്യൽ ഓഫീസർ കാരെൻ ചാൻ പറഞ്ഞു. ഏറ്റവും ഡിമാന്റുള്ള പല റൂട്ടുകളും പുനരാരംഭിച്ചുവെന്നും അദ്ദേഹം പറഞ്ഞു. എയർ ഏഷ്യയുടെ 21-ാം ജന്മദിന ആഘോഷത്തോട് അനുബന്ധിച്ച് ഈ ഓഫർ യാത്രക്കാർക്കായി നൽകുന്നു എന്ന് കാരെൻ ചാൻ പറഞ്ഞു. തായ്‌ലൻഡ്, കംബോഡിയ, വിയറ്റ്‌നാം തുടങ്ങിയ നിരവധി ആസിയാൻ രാജ്യങ്ങളിൽ നിന്നുള്ള യാത്രക്കാർക്ക് എയർ ഏഷ്യയുടെ ഈ ഓഫർ ലഭ്യമാണ്.
ണ്ട് മാസം മുമ്പ് എയർഏഷ്യ യാത്രക്കാർക്ക് സൗജന്യ യാത്ര അനുവദിച്ചിരുന്നു. എന്നാല്‍ ഇത്തവണ മൊത്തം അഞ്ച് ദശലക്ഷം സീറ്റുകളാണ് യാത്രക്കാർക്കായി എയർ ഏഷ്യ സൗജന്യമായി നൽകുന്നത്.
