ബെംഗളൂരു : സംസ്ഥാനത്തെ ജനങ്ങളെ കോവിഡിൽനിന്ന് രക്ഷിക്കാൻ ചിക്കബെല്ലാപുരയിലെ ബില്ലാപുർ പ്രഭ ലക്ഷ്മിനരസിംഹസ്വാമി ക്ഷേത്രത്തിൽ പ്രത്യേകപൂജ നടത്തി ആരോഗ്യമന്ത്രി കെ.സുധാകർ. മന്ത്രിയുടെ ജില്ലയായ ചിക്കബല്ലാപുരയിലെ ഏറ്റവുംപ്രസിദ്ധമായ ക്ഷേത്രമാണ് പ്രഭ ലക്ഷ്മി നരസിംഹസ്വാമി ക്ഷേത്രം.തന്റെ ട്വിറ്റർ അക്കൗണ്ടിലൂടെ മന്ത്രിതന്നെയാണ് ഇക്കാര്യം അറിയിച്ചത്. അതേസമയം, സംസ്ഥാനത്ത് നിലവിൽ ഭയപ്പെടേണ്ട സാഹചര്യമില്ലെന്നും എന്നാൽ പൊതുസ്ഥലങ്ങളിൽ കോവിഡ് മാർഗനിർദേശങ്ങൾ കർശനമായി പാലിക്കണമെന്നും ആരോഗ്യമന്ത്രി നിർദേശിച്ചു.
ഒമിക്രോൺ വകഭേദത്തിന് അതിവേഗം പടരാനുള്ള കഴിവുണ്ടെങ്കിലും മറ്റു വകഭേദങ്ങളെക്കാൾ മാരകമല്ലന്നും സ്ഥിതിഗതികൾ നിയന്ത്രണ വിധേയമാണെന്നും അനാവശ്യ ഭയം വേണ്ടെന്നും മന്ത്രി അറിയിച്ചു.
