കന്നഡ സിനിമ നിർമാതാവ് സൗന്ദര്യാ ജഗദീഷ് മരിച്ച നിലയിൽ. ഞായറാഴ്ച ബെംഗൂളുരുവിലെ വസതിയിലാണ് മരിച്ച നിലയിൽ കണ്ടെത്തിയത്.അസ്വാഭാവിക മരണത്തിന് പോലീസ് കേസെടുത്ത് അന്വേഷണം ആരംഭിച്ചു. ആത്മഹത്യയാണെന്നാണ് പ്രാഥമിക നിഗമനം. കുറച്ചുകാലങ്ങളായി ജഗദീഷ് കടുത്ത സാമ്പത്തികമായി ബുദ്ധിമുട്ടുകൾ നേരിടുകയായിരുന്നുവെന്നാണ് സുഹൃത്തുക്കൾ പറയുന്നത്. വീട് ജപ്തി ചെയ്തെന്നും, മുൻപ് ആത്മഹത്യ ചെയ്യാൻ ശ്രമം നടത്തിയിരുന്നു എന്നുമാണ് വിവരം. ഈയിടെയായിരുന്നു ജഗദീഷിന്റെ ഭാര്യാമാതാവിന്റെ മരണം.
അവരോട് ജഗദീഷിന് വലിയ ആത്മബന്ധമുണ്ടായിരുന്നുവെന്നും വിയോഗത്തിൽ അതീവദുഖിതനായിരുന്നുവെന്നും കുടുംബാംഗങ്ങൾ പറയുന്നു.സ്നേഹിതരു, അപ്പു പപ്പു, രാമലീല തുടങ്ങിയ ചിത്രങ്ങളിലൂടെ പ്രശസ്തനായ നിർമാതാവാണ് ജഗദീഷ്.ബെംഗളൂരുവിലൈ പ്രശസ്തമായ ജെറ്റ്ലാഗ് പബ് ജഗദീഷിന്റെ ഉടമസ്ഥതിയിലായിരുന്നു. അനുവദിച്ച സമയത്തിനപ്പുറം പബ്ബ് തുറന്നുപ്രവർത്തിച്ച കേസിൽ ജഗദീഷിനെതിരേ ഈയിടെ കേസ് രജിസ്റ്റർ ചെയ്തിരുന്നു.
സൂപ്പര്‍താരം സല്‍മാന്‍ ഖാന്റെ വസതിക്ക് നേരെ വെടിവയ്‌പ്പ്
ബോളിവുഡ് സൂപ്പര്‍താരം സല്‍മാന്‍ ഖാന്റെ വസതിക്ക് നേരെ വെടിവയ്‌പ്പ്. ഞായറാഴ്ച പുലര്‍ച്ചെയാണ് ബാന്ദ്രയിലുള്ള താരത്തിന്റെ വസതിക്ക് നേരെ അജ്ഞാതരായ അക്രമികള്‍ വെടിവച്ചത്.നടന്റെ ഗാലക്സി അപ്പാര്‍ട്ട്മെന്റ് വസതിക്ക് പുറത്ത് പുലര്‍ച്ചെ അഞ്ച് മണിയോടെ ബൈക്കിലെത്തിയ രണ്ട് അക്രമികള്‍ അഞ്ച് റൗണ്ട് വെടിയുതിര്‍ത്തുവെന്ന് പൊലീസ് പറഞ്ഞു. വൈ പ്ലസ് കാറ്റഗറി സുരക്ഷയുള്ള സല്‍മാന്‍ ഖാന്‍ സംഭവം നടക്കുമ്ബോള്‍ വീട്ടിലുണ്ടായിരുന്നു.ബാന്ദ്ര പൊലീസ് കേസെടുത്ത് അന്വേഷണം തുടങ്ങി.
ലോക്കല്‍ പൊലീസിനൊപ്പം ക്രൈംബ്രാഞ്ച് ഉദ്യോഗസ്ഥരും അന്വേഷണം ആരംഭിച്ചു.അക്രമികള്‍ ഹെല്‍മറ്റ് ധരിച്ചിരുന്നതായും പ്രദേശത്തെ സിസിടിവി ദൃശ്യങ്ങള്‍ പരിശോധിച്ച്‌ വരികയാണെന്നും പൊലീസ് അറിയിച്ചു.ഗുണ്ടാ നേതാവ് ലോറന്‍സ് ബിഷ്ണോയിയുടെ ഭീഷണിയെത്തുടര്‍ന്ന് 2023 സെപ്തംബറില്‍ മുംബയ് പൊലീസ് സല്‍മാന്‍ ഖാന്റെ സുരക്ഷ കൂട്ടിയിരുന്നു
