കൊച്ചി ∙ ബെംഗളൂരു ആസ്ഥാനമായ മലയാളി സ്റ്റാര്‍ട്ടപ് ‘സെര്‍ട്ടിഫൈമീ’യില്‍ നിക്ഷേപക സ്ഥാപനമായ കലാപിന കാപിറ്റല്‍ വക നിക്ഷേപം.
തുക വെളിപ്പെടുത്തിയിട്ടില്ല. തൃശൂര്‍ സ്വദേശിയായ രഞ്ജിത് തറയില്‍ 2021ല്‍ രൂപീകരിച്ച സ്റ്റാര്‍ട്ടപ്പായ സെര്‍ട്ടിഫൈമീ ചുരുങ്ങിയ കാലം കൊണ്ട് ആഗോളതലത്തില്‍ തന്നെ പ്രമുഖ ഡിജിറ്റല്‍ ക്രെഡെന്‍ഷ്യല്‍ മാനേജ്മെന്റ് പ്ലാറ്റ്ഫോമായി വളരുകയാണ്.
700ലേറെ സ്ഥാപനങ്ങളാണു പ്ലാറ്റ്ഫോം ഉപയോഗിക്കുന്നത്. വിവിധ കോഴ്സുകളിലെ പേപ്പര്‍ സര്‍ട്ടിഫിക്കറ്റുകള്‍ക്കു പകരം ഉപയോഗിക്കാവുന്ന ഡിജിറ്റല്‍ സര്‍ട്ടിഫിക്കറ്റുകള്‍, ബാഡ്ജുകള്‍ തുടങ്ങി ഡിജിറ്റല്‍ ലൈസന്‍സുകളും രേഖകളുമെല്ലാം ഡിജിറ്റല്‍ ക്രെഡെന്‍ഷ്യല്‍സില്‍ ഉള്‍പ്പെടുന്നു. ‘വിദ്യാഭ്യാസ മേഖലയ്ക്കു പുറമേ, ഇ കൊമേഴ്സ്, ലക്ഷുറി, എച്ച്‌ആര്‍ ടെക് തുടങ്ങി കൂടുതല്‍ മേഖലകളിലേക്ക് ഞങ്ങളുടെ പ്ലാറ്റ്ഫോം വികസിപ്പിക്കുകയാണു ലക്ഷ്യം. ഇപ്പോള്‍ ലഭിച്ച ഫണ്ട് അതിനായി ഉപയോഗിക്കും. ആഗോള ഡിജിറ്റല്‍ ക്രെ‍ഡെന്‍ഷ്യല്‍സ് വിപണി 2025 ല്‍ 40 ബില്യന്‍ ഡോളറിന്റേതായി ഉയരും.
കോവിഡ് കാലത്താണു സ്റ്റാര്‍ട്ടപ്പായി റജിസ്റ്റര്‍ ചെയ്തത്. അതിനു മുന്‍പു പ്രൊപ്രൈറ്ററി സ്ഥാപനമായിരുന്നു. ബെംഗളൂരു ഐടി ഹബ് ആയതിനാല്‍ അവിടെ തുടങ്ങി. വൈറ്റ്ഫീല്‍ഡിലാണ് ആസ്ഥാനം. ക്വാഡ്രാലോജിക്സ് ഉള്‍പ്പെടെയുള്ള കമ്ബനികളില്‍ ജോലി ചെയ്ത ശേഷമാണു സ്വന്തം സ്റ്റാര്‍ട്ടപ്പിലേക്ക് എത്തിയത്. കേരളത്തില്‍ തല്‍ക്കാലം ഓഫിസില്ല. പക്ഷേ, ഞങ്ങളുടെ സജീവ സാന്നിധ്യമുണ്ട്’ – സെര്‍ട്ടിഫൈമീ സ്ഥാപകനും സിഇഒയുമായ രഞ്ജിത് തറയില്‍ പറഞ്ഞു. ഹുറുണ്‍ ഇന്ത്യ എംഡി അനസ് റഹ്മാന്‍ ജുനൈദും കോഗ്ലോ വെഞ്ചേഴ്സ് പാര്‍ട്നര്‍ വിനോദ് ജോസും ചേര്‍ന്നു സ്ഥാപിച്ച നിക്ഷേപ സ്ഥാപനമാണു കലാപിന കാപിറ്റല്‍.
- ഉരുളക്കിഴങ്ങ് വണ്ണം കൂട്ടുമോ?നിങ്ങളുടെ ശരീരത്തെ കുറിച്ച് നിങ്ങൾക്ക് ചിന്ത ഉണ്ടോ? എങ്കിൽ ഒരു നിമിഷം ഇത് ശ്രദ്ധിക്കൂ
- വൈറ്റ്ഫീൽഡ്,വർത്തൂർ എന്നിവിടങ്ങളിൽ നിന്നുള്ള യാത്രക്കാർക്ക് ആശ്വാസം; കുണ്ടലഹള്ളി അടിപ്പാത മാർച്ചിൽ തുറക്കുമെന്ന് ബിബിഎംപി
മിയബെല്ല!!! ,ഇന്ത്യയിലെ നമ്പർ 1 മെൻസ്ട്രൽ കപ്പ് ഇന്ത്യയിലുടനീളം ഡിസ്‌ട്രിബ്യുട്ടേറെ/ഡീലറെ തേടുന്നു .
താല്പര്യമുള്ളവർ ബന്ധപ്പെടുക
Contact :+91 7676750627
Email : info@montbreeze.com
Website : www.montbreeze.com
Amazon: ORDER LINK
