മാർച്ച് 12 മുതൽ 16 വരെ എം ചിന്നസ്വാമി സ്റ്റേഡിയത്തിൽ നടക്കുന്ന ഇന്ത്യ-ശ്രീലങ്ക ടെസ്റ്റ് കണക്കിലെടുത്ത് സെൻട്രൽ ബിസിനസ് ഡിസ്ട്രിക്റ്റിൽ (സിബിഡി) ബെംഗളൂരു ട്രാഫിക് പോലീസ് (ബിടിപി) ഗതാഗത നിയന്ത്രണം ഏർപ്പെടുത്തി. രാജ്ഭവൻ റോഡ്, ടി ചൗഡിയ റോഡ്, ക്വീൻസ് ജംക്‌ഷൻ മുതൽ കാവേരി എംപോറിയം ജംക്‌ഷൻ വരെ എംജി റോഡിന്റെ ഇരുവശവും ഉൾപ്പെടെ സ്റ്റേഡിയത്തിനു ചുറ്റുമുള്ള മിക്ക റോഡുകളിലും മൽസരം നടക്കുന്ന അഞ്ചുദിവസങ്ങളിലും പാർക്കിങ് നിരോധിച്ചിട്ടുണ്ട്. ബദൽ പാർക്കിങ് ക്രമീകരണങ്ങൾ ഏർപ്പെടുത്തിയിട്ടുണ്ട്. മത്സരം കാണാനെത്തുന്നവർക്ക് സെന്റ് ജോസഫ്സ് ഇന്ത്യൻ ഹൈസ്കൂൾ ഗ്രൗണ്ടിലും സെന്റ് ജോസഫ് യൂറോപ്യൻ സ്‌കൂളിലും (മ്യൂസിയം റോഡ്) വാഹനങ്ങൾ പാർക്ക് ചെയ്യാം. അവർക്ക് ശിവാജിനഗർ ബസ് സ്റ്റേഷന്റെ ഒന്നാം നിലയിലും പാർക്ക് ചെയ്യാം. കെഎസ്‌സി‌എ അംഗങ്ങൾക്ക് ബൗറിംഗ് ഇൻസ്റ്റിറ്റ്യൂട്ടിൽ വാഹനങ്ങൾ പാർക്ക് ചെയ്യാം,” ജോയിന്റ് കമ്മീഷണർ (ട്രാഫിക്) ബി ആർ രവികാന്ത ഗൗഡ വാർത്താക്കുറിപ്പിൽ പറഞ്ഞു. ഗേറ്റ് 1 മുതൽ 21 വരെ കാൽനടയാത്രക്കാർക്ക് സ്റ്റേഡിയത്തിലേക്ക് പ്രവേശിക്കാൻ ബിടിപി ക്രമീകരണങ്ങൾ ഏർപ്പെടുത്തിയിട്ടുണ്ട്, ഗതാഗതക്കുരുക്ക് ഒഴിവാക്കാൻ മത്സര ദിവസങ്ങളിൽ ബിഎംടിസി ബസുകളും മെട്രോയും ഉപയോഗിക്കാൻ പൊതുജനങ്ങളോട് അഭ്യർത്ഥിച്ചു. “മത്സരത്തിന് ശേഷം, മെട്രോ ട്രെയിനുകൾ ലഭ്യമാകും, നഗരത്തിന്റെ എല്ലാ ഭാഗങ്ങളിലേക്കും ബിഎംടിസി ബസുകൾ സർവീസ് നടത്തും.”
ഇന്ത്യ-ശ്രീലങ്ക ടെസ്റ്റ്: ചിന്നസ്വാമി സ്റ്റേഡിയത്തിന് ചുറ്റും പാർക്കിംഗ് നിരോധിച്ചു
