ന്യൂഡല്‍ഹി: തെക്കന്‍ ഒഡിഷക്കും സമീപ പ്രദേശങ്ങള്‍ക്കും മുകളിലായി ന്യൂനമര്‍ദം രൂപപ്പെട്ടതിനാല്‍ വടക്കുപടിഞ്ഞാറന്‍ ഇന്ത്യയില്‍ ഞായറാഴ്ച കൂടുതല്‍ മഴ പെയ്യുമെന്ന് കേന്ദ്ര കാലാവസ്ഥാ വകുപ്പ്. ന്യൂനമര്‍ദം മൂലം കേരളം, ഛത്തിസ്ഗഡ്, മധ്യ പ്രദേശ്, ഒഡിഷ, മഹാരാഷ്ട്ര, ഗുജറാത്ത്, ആന്ധ്രപ്രദേശ്, തെലങ്കാന, കര്‍ണാടക എന്നിവിടങ്ങളില്‍ അടുത്ത അഞ്ചു ദിവസം മഴ തുടരും.
കേരളത്തില്‍ ഇന്ന് വ്യാപകമായ മഴക്ക് സാധ്യതയുണ്ട്. കാസര്‍ഗോഡ്, കണ്ണൂര്‍, കോഴിക്കോട് ജില്ലകളില്‍ ഒറ്റപ്പെട്ട ശക്തമായ മഴ പെയ്യും. തെക്കുപടിഞ്ഞാറന്‍ കാലവര്‍ഷത്തില്‍ നിരവധി സംസ്ഥാനങ്ങളില്‍ ശക്തമായ മഴക്ക് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിചചു. അടുത്ത ദിവസങ്ങളിലും മധ്യ ഇന്ത്യയിലും തീരപ്രദേശങ്ങളിലും മഴ തുടരും.
