ഗണേശ വിഗ്രഹ നിമജ്ജനവും ഘോഷയാത്രയും നടക്കുന്നതിനാൽ ശനിയാഴ്ച മുതൽ തിങ്കൾ വരെ നഗരത്തിന്റെ കിഴക്ക്, വടക്ക്, വടക്ക്-കിഴക്ക് ഭാഗങ്ങളിൽ മദ്യവിൽപ്പന നിരോധിച്ചതായി അധികൃതർ അറിയിച്ചു.ഘോഷയാത്രയ്ക്കിടയിലും നിമജ്ജന സമയത്തും അനിഷ്ട സംഭവങ്ങൾ ഉണ്ടാകാതിരിക്കാൻ മുൻകരുതൽ നടപടിയെന്ന നിലയിൽ മദ്യവിൽപന നിരോധിച്ചുകൊണ്ട് ബെംഗളൂരു പോലീസ് കമ്മീഷണർ സിഎച്ച് പ്രതാപ് റെഡ്ഡി മൂന്ന് വ്യത്യസ്ത ഉത്തരവുകൾ പുറപ്പെടുവിച്ചു.
ചിന്നപ്പയിൽ അമ്പതോളം വിഗ്രഹങ്ങൾ ഘോഷയാത്രയായി പുറത്തെടുക്കുന്നതിനാൽ ജെസി നഗർ, ആർടി നഗർ, ഹെബ്ബാള്, സഞ്ജയനഗർ, ഡിജെ ഹള്ളി, ഭാരതിനഗർ, പുലകേശിനഗർ പൊലീസ് സ്റ്റേഷൻ പരിധികളിൽ ശനിയാഴ്ച രാവിലെ ആറുമുതൽ ഞായറാഴ്ച രാവിലെ ആറുവരെയാണ് നിരോധനാജ്ഞ.
ഗാർഡൻ മെയിൻ റോഡ്, ശേഷാദ്രി റോഡ്, ചർച്ച് റോഡ്, പിജി റോഡ്, മുനിസ്വമപ്പ റോഡ്, ശിവണ്ണ സർക്കിൾ, ജെസി നഗർ, ഹലാസുരു തടാകത്തിൽ ശനിയാഴ്ച നിമജ്ജനം ചെയ്തു.കെജി ഹള്ളി, ഗോവിന്ദാപുര, ഡിജെ ഹള്ളി, ബാനസവാഡി, കൊമേഴ്സ്യൽ സ്ട്രീറ്റ്, ശിവാജിനഗർ, ഭാരതിനഗർ, പുലകേശിനഗർ, ഹലാസുരു പോലീസ് സ്റ്റേഷൻ പരിധികളിൽ ഞായറാഴ്ച രാവിലെ ആറു മുതൽ തിങ്കളാഴ്ച രാവിലെ ആറു വരെ നിരോധനാജ്ഞ നിലവിലുണ്ടാകും.
തനിസാന്ദ്ര, നാഗവാര, കെജി ഹള്ളി, വെങ്കിടേശപുര, ഗോവിന്ദാപുര, സരൈപാല്യ, യാസിൻ നഗർ, ദൊഡ്ഡന്നനഗർ, മോദി റോഡ്, ഷാംപുര, ശിവാജിനഗർ, പുലകേശിനഗർ, ഭാരതിനഗർ, ഹലസുരു എന്നിവിടങ്ങളിൽ ഘോഷയാത്രയായി 150 മുതൽ 200 വരെ ഗണേശ വിഗ്രഹങ്ങൾ നിമജ്ജനം ചെയ്യും.
വിദ്യാരണ്യപുര, യെലഹങ്ക, യെലഹങ്ക ന്യൂ ടൗൺ, കൊടിഗെഹള്ളി പൊലീസ് സ്റ്റേഷൻ പരിധികളിൽ ശനിയാഴ്ച രാവിലെ ആറു മുതൽ തിങ്കളാഴ്ച രാവിലെ ആറുവരെയാണ് നിരോധനാജ്ഞ. ഞായറാഴ്ച 50 മുതൽ 60 വരെ ഗണേശ വിഗ്രഹങ്ങൾ നിമജ്ജനം ചെയ്യും.
ഓണക്കാലത്ത് മലയാളികളെ പിഴിഞ്ഞ് സ്വകാര്യബസുകള്, അന്തര് സംസ്ഥാന ടിക്കറ്റ് നിരക്കില് വന് വര്ധനവ്
ഓണാവധിക്ക് ബെംഗളൂരുവില് നിന്ന് നാട്ടിലെത്താനാഗ്രഹിക്കുന്ന മലയാളികളെ കൊള്ളയടിച്ച് സ്വകാര്യബസുകള്. വിമാന ടിക്കറ്റിനേക്കാള് കൂടിയ നിരക്കാണ് മിക്ക സ്വകാര്യ ബസുകളും ടിക്കറ്റിന് ഈടാക്കുന്നത്.ഉല്സവകാലങ്ങളില് നിരക്ക് വര്ധന പതിവാണെങ്കിലും, കൊള്ളയടി അവസാനിപ്പിക്കാന് സര്ക്കാര് ഇടപെടണമെന്നാണ് യാത്രക്കാരുടെ ആവശ്യം.ഓണത്തിന് കാണം വിറ്റും ടിക്കറ്റെടുക്കേണ്ട ഗതികേടിലാണ് ബെംഗളൂരു മലയാളികള്. നാട്ടിലെത്താനാഗ്രഹിക്കുന്ന മലയാളികളില് നിന്ന് കൊള്ളലാഭമാണ് സ്വകാര്യബസുകള് കൊയ്യുന്നത്.
ഈമാസം ആറിന് ബെംഗളൂരുവില് നിന്ന് എറണാകുളത്തേക്ക് ടിക്കറ്റ് ഒന്നിന് 3500 രൂപ. ഇതേദിവസം വിമാനത്തില് പോയാല് നിരക്ക് രണ്ടായിരത്തിനും നാലായിരത്തിനും ഇടയില്.കോഴിക്കോട്ടേയ്ക്കും കണ്ണൂരിലേക്കും ബസ് നിരക്ക് 2100 രൂപ. കേരളത്തിലേക്കുള്ള തീവണ്ടികളും, കേരള-കര്ണാടക ആര്ടിസി ബസുകളിലും ടിക്കറ്റ് ലഭിക്കാത്ത സാധാരണക്കാരോടാണ് സ്വകാര്യ ബസുകളുടെ ഈ കൊള്ള.
ഉല്സവ കാലങ്ങളിലെ തോന്നുംപോലുള്ള ടിക്കറ്റ് നിരക്കുയര്ത്തല് നിയന്ത്രിക്കണമെന്നത് ബെംഗളൂരു മലയാളികളുടെ കാലങ്ങളായുള്ള ആവശ്യമാണ്.അവധി ദിനങ്ങളോടനുബന്ധിച്ച് കേരളത്തിലേക്ക് പ്രത്യേക തീവണ്ടി അനുവദിക്കുകയും, കൂടുതല് കെഎസ്ആര്ടിസി ബസ് സര്വീസുകളുടെ എണ്ണം കൂട്ടുകയും വേണമെന്നും ആവശ്യമുണ്ട്.
അതേസമയം ഹൈദരാബാദ് ഉള്പ്പടെയുളള മറ്റ് നഗരങ്ങളിലും സമാന സാഹചര്യമാണ് നിലനില്ക്കുന്നത്. നഗരത്തില് നിന്ന് എറണാകുളത്തേക്ക് 3000 ത്തിലധികം തുകയാണ് ഈടാക്കുന്നത്.നിലവില് ഹൈദരാബാദില് നിന്ന് തിരുവനന്തപുരത്തേക്ക് ശബരി എക്സപ്രസ് മാത്രമാണ് ഉള്ളത്.
ഓണക്കാലത്ത് ട്രയിന് ടിക്കറ്റുകള് ലഭിക്കാതായതോടെ സാധാരണക്കാര് ബസുകളെ ആശ്രയിക്കേണ്ട അവസ്ഥയിലാണ്. ഈ ഘട്ടത്തിലാണ് ബസ് ചാര്ജിലെ നിരക്ക് വര്ധന. ട്രയിനിന് സ്ലീപ്പറിന് 590 രൂപയും 3rd എസി 1580 രൂപയും ഈടാക്കുമ്ബോളാണ് ബസിന് 3500 ഓളം രൂപ ടിക്കറ്റിന് വാങ്ങുന്നത്.
