ന്യൂഡല്‍ഹി: രാജ്യത്ത് ഇന്ധനവിലയില്‍ വീണ്ടും വര്‍ധന. രാജ്യതലസ്ഥാനമായ ഡല്‍ഹിയില്‍ പെട്രോളിേന്റയും ഡീസലിേന്റയും വില 35 പൈസ കൂട്ടി. ഡല്‍ഹിയില്‍ ഒരു ലിറ്റര്‍ പെട്രോളിന് 105.84 രൂപയും ഡീസലിന് 94.57 രൂപയുമാണ് വില.
മുംബൈയില്‍ പെട്രോള്‍ വില 34 പൈസയും ഡീസലിന് 37 പൈസയും വര്‍ധിപ്പിച്ചു. ഇവിടെ പെട്രോളിന് 111.77 രൂപയും ഡീസലിന് 102.52 രൂപയുമാണ് വില. കേരളത്തില്‍ തിരുവനന്തപുരത്ത് ഒരു ലിറ്റര്‍ പെട്രോളിന് 108.09 രൂപയും ഡീസലിന് 101.67 രൂപയുമാണ് വില.
അതേസമയം, ആഗോളവിപണിയിലും എണ്ണവില വര്‍ധിച്ചു. ഇന്ത്യ ഉപയോഗിക്കുന്ന ബ്രെന്‍റ് ക്രൂഡോയിലിെന്റ വില 84 ഡോളര്‍ പിന്നിട്ടു. അന്താരാഷ്ട്ര വിപണിയില്‍ ചെറിയ വില വര്‍ധനവ് ഉണ്ടായപ്പോള്‍ തന്നെ ഇന്ത്യയിലെ എണ്ണ കമ്ബനികള്‍ പെട്രോളിനും ഡീസലിനും വില കൂട്ടാന്‍ ആരംഭിച്ചിരുന്നു. എന്നാല്‍, നേരത്തെ ആഗോള വിപണിയില്‍ വില കുറഞ്ഞപ്പോള്‍ അതിന് ആനുപാതികമായി പെട്രോള്‍-ഡീസല്‍ വില കുറക്കാന്‍ കമ്ബനികള്‍ തയാറായിരുന്നില്ല.
