ബെംഗളുരു :കോഫി ബോർഡ് മുൻ ചെയർമാൻ എം.എസ്.ജോ ഗൗഡ (74) ചിക്കമഗളൂരുവിലെ തോട്ടത്തിൽ തേനീച്ചക്കൂട്ടത്തിന്റെ കുത്തേറ്റ് മരിച്ചു. ദാസറഹ ഉള്ളി കൃഷ്ണഗിരി എസ്റ്റേറ്റിൽ ശനിയാഴ്ച വൈകിട്ടാണ് സംഭവം.
തൊഴിലാളികൾ ചേർന്ന് ചിക്കമഗളൂരുവിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. 2 തവണ കോഫി ബോർഡ് ചെയർമാനായിരുന്ന ഭോജെ ഗൗഡ ജനതാ പാർട്ടിയിലൂടെയാണ് രാഷ്ട്രീയത്തിലേക്ക് പ്രവേശിച്ചത്.
പിന്നീട് കോൺഗ്രസിലും ബിജെപിയിലും പ്രവർത്തിച്ചു.മൃതദേഹം കൃഷ്ണഗിരി എസ്റ്റേറ്റിൽ സംസ്കരിച്ചു. ഭാര്യ: എച്ച്.എസ്.ഗീത, മക്കൾ: ഹിമകീർത്തി, ജയകീർത്തി.
