ബെംഗളൂരു: ബെംഗളൂരുവിൽ വനിതാ ഓട്ടോ ഡ്രൈവർമാരുടെ എണ്ണം വർദ്ധിക്കുന്നു. സാമ്പത്തികമായി സ്ഥിരത കൈവരിക്കാൻ ഈ ജോലി അവരെ സഹായിച്ചതായി വനിതാ ഓട്ടോഡ്രൈവർ പറയുന്നു.ആദർശ് ഓട്ടോ ഡ്രൈവേഴ്സ് യൂണിയനിൽ 14,000 അംഗങ്ങളുണ്ട്, അതിൽ 18 പേർ മാത്രമാണ് സ്ത്രീകൾ.”ഇത് ഒരു ചെറിയ സംഖ്യയാണെന്ന് തോന്നുമെങ്കിലും അതൊരു തുടക്കമാണ്. അവരിൽ ഭൂരിഭാഗവും ഏകദേശം ഒരു വർഷം മുമ്പാണ് ഈ യൂണിയനിൽ ചേർന്നത്. ഇപ്പോൾ അവരുടെ എണ്ണം കൂടുകയാണ്. നിലവിൽ, 30 വനിതാ ഡ്രൈവർമാരെ കൂടി പരിശീലിപ്പിക്കുന്നുണ്ട്.
കൊവിഡ് മൂലമുണ്ടാകുന്ന തൊഴിൽ നഷ്ടങ്ങൾക്കും ഇലക്ട്രിക് വാഹനങ്ങളുടെ വരവിനും വനിതാ ഓട്ടോ ഡ്രൈവർമാരുടെ എണ്ണം വർദ്ധിക്കുന്നുത്തിന് ഒരു പങ്കുണ്ട് എന്നും പറയപ്പെടുന്നു.”ഇലക്ട്രിക് ഓട്ടോ വനിതാ ഓട്ടോ ഡ്രൈവർമാർക്ക് ഒരു അനുഗ്രഹമാണ്. അവ ഓടിക്കാൻ എളുപ്പമാണ്. ഇലക്ട്രിക് ഓട്ടോകളിൽ സ്ത്രീകൾ കൂടുതൽ സുഖകരമാണെന്നും വനിതാ ഓട്ടോ ഡ്രൈവർമാർ പറയുന്നു.
സഊദി വനിതയുടെ ലൈംഗികാരോപണം; മല്ലു ട്രാവലര്ക്ക് ഹൈക്കോടതിയുടെ ഇടക്കാല ജാമ്യം
സഊദി വനിത നല്കിയ ലൈംഗികാരോപണ കേസില് മല്ലു ട്രാവലര് എന്നറിയപ്പെടുന്ന ട്രാവല് ബ്ലോഗര് സാക്കിര് സുബാന് ഹൈക്കോടതി ഇടക്കാല ജാമ്യം അനുവദിച്ചു.ഉപാധികളോടെയാണ് ജാമ്യം. പാസ്പോര്ട്ട് കോടതിയില് ഹാജരാക്കണം, കേരളം വിട്ട് പോകാൻ പാടില്ല, അന്വേഷണ ഉദ്യോഗസ്ഥര് വിളിച്ചാല് ഹാജരാകണം തുടങ്ങിയ ഉപാധികളാണ് കോടതി മുന്നോട്ടുവെച്ചത്.ഇപ്പോള് ഷാര്ജയിലാണ് സാക്കിര് ഉള്ളത്. 25ന് സാക്കിര് കേരളത്തില് എത്തുമെന്ന് അദ്ദേഹത്തിന്റെ അഭിഭാഷകൻ കോടതിയെ അറിയിച്ചു. സാക്കിറിന്റെ വിമാനടിക്കറ്റും അദ്ദേഹം കോടതിയില് ഹാജരാക്കി. തുടര്ന്നാണ് കോടതി ഇടക്കാല ജാമ്യം അനുവദിച്ചത്.
സൗദി പൗരയായ 29 കാരിയാണ് സാക്കിര് സുബാന് എതിരെ പരാതി നല്കിയത്. ഇക്കഴിഞ്ഞ സെപ്റ്റംബര് 13 ന് എറണാകുളത്തെ ഹോട്ടലില് വച്ച് പീഡിപ്പിക്കാൻ ശ്രമിച്ചുവെന്നാണ് പരാതി. പ്രതിശ്രുത വരനൊപ്പം കൊച്ചിയില് താമസിക്കുന്ന തന്നെ ഇന്റര്വ്യൂ ചെയ്യാൻ എത്തിയ സാക്കിര്, പ്രതിശ്രുത വരൻ പുറത്തുപോയ സമയത്ത് തന്നെ ലൈംഗികമായി പീഡിപ്പിക്കാൻ ശ്രമിച്ചുവെന്നാണ് പരാതിയില് പറയുന്നത്.കേസില് സാക്കിറിന് എതിരെ പോലീസ് ലുക്കൗട്ട് നോട്ടീസ് പുറപ്പെടുവിച്ചിരുന്നു. പരാതി നല്കിയ ശേഷം സാക്കിര് നാട്ടില് എത്തിയിട്ടില്ല
