ബംഗളുരു: 50 ചാർജിംഗ് പോയിന്റുകളുള്ള പബ്ലിക് ഇലക്ട്രിക് വെഹിക്കിൾ (ഇവി) ചാർജിംഗ് ഹബ് ബംഗളുരുവിൽ കമ്മീഷൻ ചെയ്തതായി ഫോർട്ടം ചാർജ് ആൻഡ് ഡ്രൈവ് ഇന്ത്യ വ്യാഴാഴ്ച അറിയിച്ചു. ഇലക്ട്രിക് കാറുകൾ, ഇരുചക്ര വാഹനങ്ങൾ, മുച്ചക്ര വാഹനങ്ങൾ എന്നിവ ഉൾപ്പെടെ ഒരേസമയം 50 വാഹനങ്ങൾ ചാർജ് ചെയ്യാൻ സാദിക്കുമെന്ന് കമ്പനി പുറത്തിറക്കിയ പ്രസ്താവനയിൽ പറഞ്ഞു.
ആൻഡ്രോയിഡ്, ഐഒഎസ് പ്ലാറ്റ്‌ഫോമുകളിൽ ഫോർട്ടം ചാർജ് & ഡ്രൈവ് ഇന്ത്യ മൊബൈൽ ആപ്പ്, ഇസി ചാർജിംഗ് ഇൻസ്റ്റാളേഷനുകൾ കണ്ടെത്താനും ഡിജിറ്റലായി പണമടയ്ക്കാനും ഇവി ഉപയോക്താക്കളെ പ്രാപ്‌തമാക്കുന്നു.
*ബെംഗളൂരു: ഇറ്റലി കോൺസുലേറ്റ് പ്രതിവർഷം 30,000 വിസകൾ പ്രോസസ് ചെയ്യും*
“ബെംഗളൂരു എപ്പോഴും ഞങ്ങളുടെ പ്രധാന ശ്രദ്ധാകേന്ദ്രമായ നഗരങ്ങളിലൊന്നാണ്. 2022 അവസാനത്തോടെ നഗരത്തിൽ 200 ലധികം ചാർജിംഗ് പോയിന്റുകൾ സ്ഥാപിക്കാൻ ഞങ്ങൾ പദ്ധതിയിടുന്നു, ”ഫോർട്ടം ചാർജ് ആൻഡ് ഡ്രൈവ് എക്‌സിക്യൂട്ടീവ് ഡയറക്ടർ അവധേഷ് ഝാ പറഞ്ഞു.
ഫോർട്ടം ഇതുവരെ എട്ട് സംസ്ഥാനങ്ങളിലും 13 നഗരങ്ങളിലുമായി 188 പബ്ലിക് ചാർജിംഗ് പോയിന്റുകൾ സ്ഥാപിച്ചിട്ടുണ്ട്, അവ ഏത് ഇവി ഉപഭോക്താക്കൾക്കും ആക്‌സസ് ചെയ്യാവുന്നതാണെന്നും റിലീസ് കൂട്ടിച്ചേർത്തു.
*മുന്നറിയിപ്പ്: കൊവിഡ് ബൂസ്റ്റർ ഡോസിന്റെ പേരിൽ ഓൺലൈൻ തട്ടിപ്പ് വ്യാപകം*
മഹാദേവപുര നിയോജക മണ്ഡലം എംഎൽഎ അരവിന്ദ് ലിംബാവലി ഹബ് ഉദ്ഘാടനം ചെയ്തു, “ബെംഗളൂരു നഗരത്തിൽ 45,000 ഇലക്ട്രിക് വാഹന ഉപയോക്താക്കളുണ്ട്, ഇത് ഇവികളുടെ ആവശ്യം വർദ്ധിച്ചുകൊണ്ടിരിക്കുകയാണെന്ന് സൂചിപ്പിക്കുന്നു.”
