മദ്യപിച്ച് ബോധമില്ലാതെ മുംബൈയില് നിന്ന് പെണ്കുട്ടി ബെംഗ്ളൂരിലെ പ്രശസ്തമായ മേഘന ഫുഡ്സില് ഓര്ഡര് ചെയ്തത് 2,500 രൂപയുടെ ബിരിയാണി.പെണ്കുട്ടി തന്റെ അനുഭവം ട്വിറ്ററില് പങ്കിട്ടതോടെ നെറ്റിസന്സും രസകരമായ പ്രതികരണങ്ങളുമായി രംഗത്തെത്തി. പോസ്റ്റില് കമന്റുമായ ഫുഡ് ഡെലിവറി ഭീമനായ സൊമാറ്റോയും പങ്കുചേര്ന്നതോടെ രസകരമായ അനുഭവമായി മാറി.
‘ഞാന് മദ്യപിച്ച് ബാംഗ്ലൂരില് നിന്ന് 2500 രൂപ വിലയുള്ള ബിരിയാണി ഓര്ഡര് ചെയ്തിട്ടുണ്ടോ’, ഓര്ഡറിന്റെ സ്ക്രീന്ഷോട്ട് പങ്കിട്ടുകൊണ്ട് സുബി എന്ന പെണ്കുട്ടി ട്വിറ്ററില് കുറിച്ചു.സുബി, ഓര്ഡര് നിങ്ങളുടെ വീട്ടുപടിക്കല് എത്തിക്കഴിഞ്ഞാല് നിങ്ങള്ക്ക് സന്തോഷകരമായ ഹാംഗ് ഓവര് ഉണ്ടാകും. അനുഭവത്തെക്കുറിച്ച് ഞങ്ങളെ അറിയിക്കൂ’, സൊമാറ്റോ കമന്റ് ചെയ്തു.മറ്റൊരു നഗരത്തില് നിന്ന് പെണ്കുട്ടി എങ്ങനെയാണ് ഭക്ഷണത്തിന് ഓര്ഡര് നല്കിയതെന്ന് പലരും അത്ഭുതപ്പെട്ടു.
‘സൊമാറ്റോ ഇന്റര്സിറ്റി ലെജന്ഡിനെ’ കുറിച്ച് പൊതുജനങ്ങളെ ബോധവല്ക്കരിക്കാന് സൊമാറ്റോ ഈ അവസരം ഉപയോഗിച്ചു. അതേസമയം, ബിരിയാണിയെ കുറിച്ചും കമന്റ് വിഭാഗത്തില് രൂക്ഷമായ ചര്ച്ച നടന്നു. മേഘന ഫുഡ്സില് നിന്ന് ഓര്ഡര് ചെയ്യാനുള്ള പെണ്കുട്ടിയുടെ തീരുമാനത്തെ ഭൂരിഭാഗം പേരും പിന്തുണച്ചു, എന്നാല് ഹൈദരാബാദിനെക്കുറിച്ചും കൊല്ക്കത്ത ബിരിയാണിയെക്കുറിച്ചും ചില അഭിപ്രായങ്ങളും ഉയര്ന്നുവന്നു.
ഹൈദരാബാദിന് പകരം ബാംഗ്ലൂരില് നിന്ന് ബിരിയാണി ഓര്ഡര് ചെയ്തതിലൂടെ പെണ്കുട്ടി ‘തീര്ച്ചയായും മദ്യപിച്ചിട്ടുണ്ടെന്ന്’ ഒരു ഉപയോക്താവ് തമാശയായി കമന്റ് ചെയ്തപ്പോള്, മറ്റൊരാള് കൊല്ക്കത്ത ബിരിയാണിയെക്കുറിച്ച് അഭിപ്രായങ്ങള് രേഖപ്പെടുത്തി. പോസ്റ്റ് ഇതുവരെ 6,800 ലൈക്കുകളും 300 ലധികം റീട്വീറ്റുകളും നേടി.
മയക്കുവെടി ഏറ്റിട്ടും ഉണര്ന്നു, കശാപ്പുകാരന്റെ ജീവനെടുത്ത് പന്നി !
ബീജിംഗ് : തന്നെ കൊല്ലാനൊരുങ്ങിയ കശാപ്പുകാരന്റെ ജീവനെടുത്ത് പന്നി. ഹോങ്കോംഗിലെ ഷിയംഗ് ഷൂയി സ്ലോട്ടര് ഹൗസില് വെള്ളിയാഴ്ചയാണ് ഞെട്ടിക്കുന്ന സംഭവം അരങ്ങേറിയത്.പന്നിയെ ഇലക്ട്രിക് സ്റ്റണ് ഗണ്ണുപയോഗിച്ച് വെടിവച്ച് മയക്കിയ ശേഷം കൊല്ലാനായിരുന്നു 61കാരനായ കശാപ്പുരാരന്റെ പദ്ധതി. പന്നിക്ക് കൃത്യമായി വെടിയേറ്റെങ്കിലും അല്പ സമയത്തിനുള്ളില് അപ്രതീക്ഷിതമായി ബോധം വീണ്ടെടുത്ത് തിരിച്ച് ആക്രമിക്കുകയായിരുന്നു.
പാഞ്ഞെടുത്ത പന്നി ഇയാളെ ഇടിച്ചിട്ടു. ഇടിയുടെ ആഘാതത്തില് നിലത്തുവീണ ഇയാളുടെ ശരീരത്തിലേക്ക് 40 സെന്റീമീറ്റര് നീളമുള്ള കത്തി തറച്ചുകയറുകയായിരുന്നു.കശാപ്പുശാലയിലെ ജോലിക്കാരില് ഒരാളാണ് ബോധരഹിതനായ നിലയില് ഇയാളെ കണ്ടെത്തിയത്. കണ്ടെത്തുമ്ബോള് കശാപ്പുകാരന്റെ ഇടത് പാദത്തില് വലിയ മുറിവും കൈയ്യില് കത്തിയും കണ്ടെത്തി. ഉടന് ആശുപത്രിയിലെത്തിച്ചെങ്കിലും രക്ഷിക്കാനായില്ല.
അതേ സമയം, ഇദ്ദേഹത്തിന്റെ മരണകാരണം സ്ഥിരീകരിച്ചിട്ടില്ലെന്ന് പൊലീസ് അറിയിച്ചു. സംഭവത്തില് നഗരത്തിലെ ലേബര് ഡിപ്പാര്ട്ട്മെന്റും അന്വേഷണം ആരംഭിച്ചു. ജോലിസ്ഥലത്തെ സുരക്ഷാ മാനദണ്ഡങ്ങളില് വീഴ്ച സംഭവിച്ചെന്ന് കണ്ടെത്തിയാല് കര്ശന നടപടികള് സ്വീകരിക്കുമെന്ന് അധികൃതര് പറഞ്ഞു.
