ദില്ലി: ബഹുരാഷ്ട്ര പിസ്സ കമ്പനിയായ ഡൊമിനോസ് പിസയുടെ വ്യാപാരമുദ്ര അനുകരിച്ചതിന് ഗാസിയാബാദ് ആസ്ഥാനമായുള്ള പിസ്സ കമ്പനിയായ ഡൊമിനിക് പിസ്സയ്ക്ക് താക്കീതുമായി ദില്ലി ഹൈക്കോടതി. ഈ ലോഗോ ഉപയോഗിക്കുന്നതിൽ നിന്നും ഡൊമിനിക് പിസ്സയെ കോടതി വിലക്കിയിട്ടുമുണ്ട്. ‘ഡൊമിനോസ് പിസ്സ’യും ‘ഡൊമിനിക്സ് പിസ്സ’യും പേരിൽ പോലും സാമ്യമുണ്ടെന്നും സമാനമായ ലോഗോ ഉപയോഗിക്കുന്നത് വഞ്ചനയാണെന്നും ജസ്റ്റിസ് സി ഹരിശങ്കർ പറഞ്ഞു.ശരാശരി ബുദ്ധിയും ഓർമ്മയുമുള്ള ഒരു ഉപഭോക്താവ് ഡൊമിനോയുടെ ഔട്ട്ലെറ്റ് സന്ദർശിക്കുകയും തുടർന്ന് ഡൊമിനിക്സ് പിസ്സ ഔട്ട്ലെറ്റ് സന്ദർശിക്കുകയും ചെയ്താൽ ഉൽപ്പന്നങ്ങളിൽ ആശയക്കുഴപ്പം ഉണ്ടാകാനുള്ള സാധ്യതയുണ്ടെന്ന് ജഡ്ജി അഭിപ്രായപ്പെട്ടു.
പ്രത്യേകിച്ചും ഡൊമിനിക്ക് പിസ്സ അതിന്റെ ലോഗോയെ പ്രതിനിധീകരിക്കാൻ തിരഞ്ഞെടുത്ത രീതി ഈ സാധ്യത വർദ്ധിപ്പിക്കും, ഡോമിനോസ് പിസ്സ ഉപയോഗിച്ചതിന് സമാനമായ അക്ഷരങ്ങൾ ഉപയോഗിച്ച് ചതുരാകൃതിയിലുള്ള ഫോർമാറ്റിൽ തന്നെയാണ് ഡൊമിനിക് പിസ്സ ലോഗോ തയ്യാറാക്കിയത്. സമാനമായ പേര് ഉപയോഗിച്ചതിന് ഡൊമിനിക് പിസ്സയ്ക്കെതിരെ ഡൊമിനോസ് ഫയൽ ചെയ്ത വ്യാപാരമുദ്രാ ലംഘന കേസ് പരിഗണിക്കുകയായിരുന്നു കോടതി. 2022 ഓഗസ്റ്റിൽ, ഡൊമിനിക് പിസ്സയ്ക്കെതിരെ കോടതി ഒരു ഇടക്കാല ഉത്തരവ് പുറപ്പെടുവിച്ചിരുന്നു.
പടുബിദ്രി- കാർക്കള സംസ്ഥാന പാതയിലെ കാഞ്ചിനഡ്ക ടോൾ ബൂത്ത് ഉടൻ പ്രവർത്തനമാരംഭിക്കും
കാർക്കളയിലെ സംസ്ഥാനപാത ഒന്നിൽ പടുബിദ്രിക്ക് സമീപം സ്ഥിതി ചെയ്യുന്ന കാഞ്ചിനഡ്കയിൽ ടോൾ സെന്റർ നിർമിക്കുന്നതിന്, കർണാടക റോഡ് ഡെവലപ്മെന്റ് കോർപ്പറേഷൻ ലിമിറ്റഡ് (കെആർഡിസിഎൽ) അടുത്തിടെ ഹാസൻ – ബാംഗ്ലൂർ ആസ്ഥാനമായി പ്രവർത്തിക്കുന്ന രവി മോക്ഷിത് കമ്പനിക്ക് മൂന്ന് വർഷത്തെ ടെൻഡർ നൽകിയിരുന്നു.വരാനിരിക്കുന്ന മാസങ്ങളിൽ, നിയുക്ത പദ്ധതി വിജയകരമായി പൂർത്തിയാക്കിയതിന് ശേഷം രവി മോക്ഷിത് കമ്പനി ടോൾഗേറ്റ് പ്രവർത്തനങ്ങൾ ആരംഭിക്കുമെന്ന് പ്രതീക്ഷിക്കുന്നത്.നിലവിലുള്ള ഹെജമാഡി ടോൾ സംവിധാനത്തിന് സമാനമായി പടുബിദ്രിയിൽ നിന്നുള്ള വാഹനങ്ങളുടെ ഗതാഗതം തടസ്സമില്ലാതെ ഉറപ്പാക്കാൻ വ്യവസ്ഥകൾ ഒരുക്കുമെന്ന് അറിയിച്ചു.
