ബെംഗളുരു: കോവിഡ് രണ്ടാം ഡോസ് പ്രതിരോധ കുത്തിവയ്പ് എടുക്കാത്തവരെ ഫോണിൽ വിളിച്ച് ഓർമിപ്പിച്ച് ബിബിഎംപി. 2 ഡോസുകൾക്കിടയിൽ 12 ആഴ്ചത്തെ ഇടവേളയാണുള്ളത്. ഈ സമയപരിധി കഴിഞ്ഞിട്ടും 5 ലക്ഷത്തിലേറെ പേർ രണ്ടാം ഡോസ് എടുത്തിട്ടില്ലെന്നു കണ്ടെത്തിയതിനെ തുടർന്നാണിത്. ഒട്ടേറെപ്പേർ വാക്സിൻ എടുക്കാൻ വിസമ്മതം കാണിക്കുന്നുമുണ്ട്. ഫോൺ വിളിക്കു പുറമേ ആരോഗ്യ പ്രവർത്തകർ വീടുകളിലെത്തിയും നഗരവാസികളോട് രണ്ടാം ഡോസ് കുത്തിവയ്പ് എടുക്കാൻ ആവശ്യപ്പെടുന്നുണ്ട്.
