തെക്കുകിഴക്കൻ ബെംഗളൂരുവിലെ കാർമലാരത്തിനും ഹീലാലിഗിനുമിടയിലുള്ള 10.5 കിലോമീറ്റർ റെയിൽവേ ലൈൻ ഇരട്ടിയാക്കിയതായും ഫെബ്രുവരി ആദ്യവാരം തുറക്കാൻ സാധ്യതയുണ്ടെന്നും അധികൃതർ അറിയിച്ചു. ജനുവരി 30ന് കർമലാരം-ഹീലാലിഗെ ലൈൻ പരിശോധിക്കാൻ റെയിൽവേ സുരക്ഷാ കമ്മീഷനെ (സിആർഎസ്) ക്ഷണിച്ചിട്ടുണ്ട്.
കാർമലാരത്തിനും ഹീലാലിഗിനുമിടയിൽ രണ്ടാമത്തെ റെയിൽവേ ട്രാക്ക് ഉള്ളത് ബെംഗളൂരുവിനും ഹൊസൂറിനും ഇടയിലുള്ള ട്രെയിൻ ഗതാഗതം വേഗത്തിലാക്കാൻ സഹായിക്കും. എന്നാൽ, ബൈയപ്പനഹള്ളി-കർമലാരം, ഹീലാലിഗെ-ഹൊസൂർ ഭാഗങ്ങൾ പൂർത്തിയാക്കാൻ ഇനിയും വർഷമെടുക്കും.
പുതിയ സ്റ്റേഷൻ കെട്ടിടങ്ങളും പ്ലാറ്റ്‌ഫോമുകളും:ബൈയപ്പനഹള്ളി-ഹൊസൂർ ഇരട്ടിപ്പിക്കൽ പദ്ധതിക്ക് കീഴിൽ, ബെംഗളൂരുവിലെ ടെക് ഹബ്ബിൽ സ്ഥിതി ചെയ്യുന്ന ചെറുതും എന്നാൽ പ്രധാനപ്പെട്ടതുമായ ചില റെയിൽവേ സ്റ്റേഷനുകൾ മുഖം മിനുക്കുന്നു.ബെല്ലന്തൂർ റോഡ്, ഹീലാലിഗെ, ആനേക്കൽ റോഡ് എന്നിവിടങ്ങളിൽ പുതിയ സ്റ്റേഷൻ കെട്ടിടങ്ങൾ ലഭിക്കുമ്പോൾ ഹുസ്‌കൂരിൽ പുതിയ ഹാൾട്ട് സ്റ്റേഷൻ നിർമിക്കും.
ഹീലലിഗെ റെയിൽവേ സ്റ്റേഷൻ കെട്ടിടത്തിന്റെ പണി 90% പൂർത്തിയായി, അതേ കരാറുകാരൻ ആനേക്കൽ റോഡിൽ പുതിയ സ്റ്റേഷൻ കെട്ടിടം നിർമ്മിക്കും. ബെല്ലന്തൂർ റോഡ്, ആനേക്കൽ റോഡ് സ്റ്റേഷനുകളിൽ പുതിയ സ്റ്റേഷൻ കെട്ടിടങ്ങൾക്കായി പ്രത്യേക ടെൻഡർ വിളിച്ചിട്ടുണ്ട്.ഈ സ്റ്റേഷനുകളെല്ലാം, നിലവിലുള്ള പ്ലാറ്റ്‌ഫോമുകൾ പൊളിച്ചുമാറ്റി പുതിയവ നിർമിക്കും. 600 മീറ്റർ നീളവും ഉണ്ടാകും.
സ്പൈറല്‍ ആകൃതിയില്‍ ആകാശത്ത് നീലപ്രകാശം; ജപ്പാനില്‍ അന്യഗ്രഹജീവികള്‍ പറക്കും തളികയില്‍ എത്തിയെന്ന് നെറ്റിസണ്‍സ്
ജപ്പാനിലെ ഒരു ടെലിസ്‌കോപ്പ് ക്യാമറയില്‍ ഏറെ വിചിത്രവും നിഗൂഢവുമായ ഒരു ചിത്രമാണ് കഴിഞ്ഞ ദിവസം പതിഞ്ഞത്. സ്പൈറല്‍ ആകൃതിയില്‍, നീല നിറത്തില്‍ ഒരു വിചിത്ര വസ്തു രാത്രിയിലെ തെളിഞ്ഞ ആകാശത്ത് ജ്വലിച്ചുനില്‍ക്കുകയായിരുന്നു.പയ്യെ, വസ്തു നീങ്ങുന്നുണ്ടെന്നും പ്രകാശത്തിന്റെ ഈ വേള്‍പൂള്‍ പറക്കുന്നുണ്ടെന്നും കൂടി കണ്ടെത്തിയത് നിരവധി ചര്‍ച്ചകള്‍ക്കും അന്വേഷണങ്ങള്‍ക്കും വഴിവച്ചിരിക്കുകയാണ്.
ജപ്പാനിലെ നാഷണല്‍ അസ്ട്രോണമിക്കല്‍ ഒബ്സര്‍വേറ്ററിയുടെ കീഴിലുള്ള സുബാരു ടെലിസ്‌കോപ്പിന്റെ യൂട്യൂബിലൂടെ പങ്കുവച്ച വീഡിയോയിലാണ് വിചിത്രവസ്തു തെളിഞ്ഞത്. അന്യഗ്രഹജീവികളുടെ പറക്കും തളികയാണ് ഇതെന്ന് നെറ്റിസണ്‍സ് പറഞ്ഞെങ്കിലും സംഭവം സ്പേസ് എക്സ് വിക്ഷേപണത്തിനിടെ പുറന്തള്ളപ്പെട്ട ശീതീകരിച്ച റോക്കറ്റ് ഇന്ധനമാണെന്നാണ് നാഷണല്‍ അസ്ട്രോണമിക്കല്‍ ഒബ്സര്വേറ്ററി ഓഫ് ജപ്പാന്റെ നിരീക്ഷണം.
ജനുവരി 18ന് രാവിലെ ഇലോണ്‍ മസ്‌കിന്റെ ഉടമസ്ഥതയിലുള്ള സ്പേസ് എക്സ് ഒരു നാവിഗേഷന്‍ ഉപഗ്രഹം ബഹിരാകാശത്തേക്ക് വിക്ഷേപിച്ചിരുന്നു. ഇതിന് തൊട്ടുപിറകെയാണ് ജാപ്പനീസ് ടെലിസ്‌കോപ്പില്‍ വിചിത്ര ദൃശ്യം പതിഞ്ഞത്. സ്പേസ് എക്സ് ഫാല്‍ക്കണ്‍ 9 റോക്കറ്റിന്റെ സ്ഥാനവും സര്‍പ്പിളാകൃതിയിലുള്ള പ്രകാശത്തിന്റെ സ്ഥാനവും കണക്കിലെടുക്കുമ്ബോള്‍ നാഷണല്‍ അസ്ട്രോണമിക്കല്‍ ഒബ്സര്വേറ്ററി ഓഫ് ജപ്പാന്റെ വാദങ്ങള്‍ ശരിയാണെന്നാണ് സാറ്റ്ലൈറ്റ് ട്രാക്കര്‍ സ്‌കോട്ട് ടില്ലിയും പറയുന്നത്.
