ബംഗളുരു: ബാംഗ്ലൂർ മെട്രോ റെയിൽ കോർപ്പറേഷൻ ലിമിറ്റഡ് (ബിഎംആർസിഎൽ) സംസ്ഥാനത്ത് കൊവിഡ് കേസുകൾ വർദ്ധിക്കുന്ന സാഹചര്യത്തിൽ അടുത്ത രണ്ട് വാരാന്ത്യങ്ങളിൽ മെട്രോ പ്രവർത്തനങ്ങളുടെ സമയവും ട്രെയിനുകളുടെ ആവൃത്തിയും കുറയ്ക്കും. ബാംഗ്ലൂർ മെട്രോ റെയിൽ കോർപ്പറേഷൻ ലിമിറ്റഡ് (ബിഎംആർസിഎൽ) പുതിയ മാർഗ്ഗനിർദ്ദേശങ്ങൾ പ്രഖ്യാപിച്ചു.
ട്രെയിനിന്റെ ഫ്രീക്വൻസി 20 മിനിറ്റായി കുറയ്ക്കുമെന്ന് ബിഎംആർസിഎൽ അറിയിച്ചു
പുതുക്കിയ മെട്രോ സമയക്രമം
സംസ്ഥാന സർക്കാർ ഏർപ്പെടുത്തിയ രാത്രി കർഫ്യൂ കാരണം ശനി, ഞായർ ദിവസങ്ങളിൽ രാവിലെ 8 മുതൽ രാത്രി 9 വരെയായിരിക്കും ബെംഗളൂരു മെട്രോയുടെ പ്രവർത്തന സമയം ബിഎംആർസിഎൽ പരിഷ്കരിച്ചത്.
ടെർമിനൽ സ്റ്റേഷനുകളായ നാഗസാന്ദ്ര, സിൽക്ക് ഇൻസ്റ്റിറ്റ്യൂട്ട്, കെങ്കേരി, ബൈയപ്പനഹള്ളി എന്നിവിടങ്ങളിൽ നിന്നുള്ള ആദ്യ ട്രെയിൻ രാവിലെ 8 മുതലും , അവസാന ട്രെയിൻ രാത്രി 9 മാണിക്കും ടെർമിനൽ സ്റ്റേഷനുകളിൽ നിന്ന് പുറപ്പെടും.
തിങ്കൾ മുതൽ വ്യാഴം വരെ, പ്രവർത്തനങ്ങൾ സാധാരണ നിലയിലായിരിക്കും, ട്രെയിൻ സർവീസുകൾ രാവിലെ 5 മുതൽ രാത്രി 11 വരെ പ്രവർത്തിക്കും. വെള്ളിയാഴ്ചകളിൽ മാത്രം, ട്രെയിൻ സർവീസുകൾ രാത്രി 11 മണിക്ക് പകരം രാത്രി 10 മണിക്ക് ഒരു മണിക്കൂർ നേരത്തെ അടയ്ക്കും.
നിരീക്ഷണം ശക്തമാക്കിയെന്ന് ബിഎംആർസിഎൽ ഓപ്പറേഷൻസ് ആൻഡ് മെയിന്റനൻസ് എക്‌സിക്യൂട്ടീവ് ഡയറക്ടർ എ എസ് ശങ്കറിനെ ഉദ്ധരിച്ച് ദി ന്യൂ ഇന്ത്യൻ എക്‌സ്പ്രസ് റിപ്പോർട്ട് ചെയ്തു.
അതേസമയം, കോവിഡ് -19 ന്റെ മൂന്നാം തരംഗവും സംസ്ഥാനത്ത് ഒമിക്‌റോണിന്റെ വ്യാപനവും നിയന്ത്രിക്കാൻ അടുത്ത നാലോ ആറോ ആഴ്‌ചത്തേക്ക് ആളുകൾ ജാഗ്രത പാലിക്കണമെന്ന് കർണാടക ആരോഗ്യമന്ത്രി ഡോ കെ സുധാകർ ബുധനാഴ്ച പറഞ്ഞു.
