ബെംഗളൂരു: നഗരത്തിലെ നാല് കോണുകളിൽ പുതിയ മാർക്കറ്റുകൾ സ്ഥാപിക്കാനുള്ള സർക്കാരിന്റെ പദ്ധതിയുടെ ആദ്യപടിയായി, ഗുളിമംഗല വില്ലേജിലെ സിങ്കേന അഗ്രഹാരയിൽ പച്ചക്കറി മാർക്കറ്റ് നിർമ്മിക്കുന്നതിന് 100 കോടി രൂപയുടെ ഭരണാനുമതി വ്യാഴാഴ്ച മന്ത്രിസഭായോഗം നൽകി.
മാർക്കറ്റിനായി അനുവദിച്ച 100 കോടിയിൽ 48 കോടി സ്ഥലമേറ്റെടുപ്പിനും 52 കോടി മാർക്കറ്റ് നിർമാണത്തിനുമാണ് അനുവദിച്ചതെന്ന് നിയമമന്ത്രി ജെ സി മധുസ്വാമി മാധ്യമപ്രവർത്തകരോട് പറഞ്ഞു. പൂർത്തിയാകുമ്പോൾ, നഗരമധ്യത്തിൽ സ്ഥിതി ചെയ്യുന്ന കലാസിപാളയയിലെ തിരക്ക് കുറയ്ക്കാൻ ഇത് സഹായിക്കും.
ഗുളിമംഗലയിൽ സ്ഥിതി ചെയ്യുന്ന ഫ്രൂട്ട് മാർക്കറ്റിനോട് ചേർന്ന് 42.31 ഏക്കർ സ്ഥലത്താണ് മാർക്കറ്റ് വരുന്നത്. നഗരത്തിന്റെ നാല് കോണുകളിൽ മാർക്കറ്റുകൾ സ്ഥാപിക്കാൻ സർക്കാരിന് പദ്ധതിയുണ്ടായിരുന്നു. എന്നാൽ മുന്ന് വിപണികൾ കൂടി വരുമെന്നും അദ്ദേഹം പറഞ്ഞു, മഗഡി, കോലാർ റോഡുകൾക്ക് സമീപമാണ് മറ്റ് മാർക്കറ്റുകൾ വരാൻ സാധ്യത.
നിക്ഷേപകർക്ക് കോളടിച്ചു; ഫിക്സഡ് ഡെപ്പോസിറ്റ് പലിശ നിരക്ക് ഉയർത്തി ഐസിഐസിഐ
സ്വകാര്യമേഖലയിലെ വായ്പാദാതാക്കളായ ഐസിഐസിഐ ബാങ്ക്, 2 കോടിയിൽ കൂടുതലുള്ള സ്ഥിരനിക്ഷേപങ്ങളുടെ പലിശനിരക്ക് ഉയർത്തി. ബാങ്കിന്റെ ഔദ്യോഗിക വെബ്‌സൈറ്റ് പ്രകാരം 2022 ഓഗസ്റ്റ് 26 മുതൽ പുതിയ നിരക്കുകൾ പ്രാബല്യത്തിൽ വരും. ഇന്ന് മുതൽ, 7 ദിവസം മുതൽ 10 വർഷം വരെ കാലാവധിയുള്ള സ്ഥിര നിക്ഷേപങ്ങൾക്ക് 3.50 ശതമാനം മുതൽ 5.90 ശതമാനം വരെ പലിശ നിരക്ക് ലഭിക്കും.
ഐസിഐസിഐ ബാങ്ക് എഫ്ഡി നിരക്കുകൾ
7 ദിവസം മുതൽ 29 ദിവസം വരെ കാലാവധിയുള്ള സ്ഥിര നിക്ഷേപങ്ങൾക്ക്, ഐസിഐസിഐ ബാങ്ക് ഇപ്പോൾ 3.50% പലിശനിരക്കും 30 ദിവസം മുതൽ 45 ദിവസം വരെ കാലാവധിയുള്ള ടേം ഡെപ്പോസിറ്റുകൾക്ക്, ഇപ്പോൾ 3.60% പലിശ നിരക്ക് വാഗ്ദാനം ചെയ്യുന്നു. 46 ദിവസം മുതൽ 60 ദിവസം വരെ കാലാവധിയുള്ള സ്ഥിര നിക്ഷേപങ്ങൾക്ക് ഇപ്പോൾ 4.% പലിശയും 61 ദിവസം മുതൽ 90 ദിവസം വരെ കാലാവധിയുള്ള ടേം ഡെപ്പോസിറ്റുകൾക്ക് 4.75% പലിശ നിരക്കും ലഭിക്കും.
ഐസിഐസിഐ ബാങ്ക് ഇപ്പോൾ 91 ദിവസം മുതൽ 184 ദിവസം വരെ കാലാവധിയുള്ള സ്ഥിര നിക്ഷേപങ്ങൾക്ക് 5.25% പലിശയും 185 ദിവസം മുതൽ 270 ദിവസം വരെ കാലാവധിയുള്ള സ്ഥിര നിക്ഷേപങ്ങൾക്ക് 5.40% പലിശയും നൽകും. 271 ദിവസം മുതൽ 1 വർഷത്തിൽ താഴെ വരെ കാലാവധിയുള്ള സ്ഥിര നിക്ഷേപങ്ങൾക്ക്, ഐസിഐസിഐ ബാങ്ക് ഇപ്പോൾ 5.60% പലിശനിരക്കും 1 വർഷം മുതൽ 5 വർഷം വരെ കാലാവധിയുള്ള ടേം ഡെപ്പോസിറ്റുകൾക്ക് 6.05% പലിശ നിരക്ക് വാഗ്ദാനം ചെയ്യുന്നു. 5 വർഷം മുതൽ 10 വർഷം വരെ കാലാവധിയുള്ള സ്ഥിര നിക്ഷേപങ്ങൾക്ക് ഇപ്പോൾ 5.90% പലിശ ലഭിക്കും.
