ബംഗളൂരു: ഹോളി തിരക്ക് കണക്കിലെടുത്ത് ബംഗളൂരുവില്നിന്ന് കണ്ണൂരിലേക്ക് അനുവദിച്ച സ്പെഷല് ട്രെയിന് ചൊവ്വാഴ്ച രാത്രി 11.55ന് പുറപ്പെടും.ബൈയപ്പനഹള്ളി സര് എം. വിശ്വേശ്വരയ്യ ടെര്മിനലില് നിന്ന് പുറപ്പെടുന്ന ബംഗളൂരു- കണ്ണൂര് ഹോളി എക്സ്പ്രസ് സ്പെഷല് ട്രെയിന് (06501) ബുധനാഴ്ച ഉച്ചക്ക് രണ്ടിന് കണ്ണൂരിലെത്തും.
18 എ.സി ത്രീ ടയര് സ്ലീപ്പര് കോച്ചുകളുണ്ടാവും. കെ.ആര് പുരം (രാത്രി 12.38), ബംഗാര്പേട്ട് (പുലര്ച്ചെ 1.23), സേലം (പുലര്ച്ചെ 5.12), ഈറോഡ് (രാവിലെ 6.25), തിരുപ്പൂര് (രാവിലെ 7.13), കോയമ്ബത്തൂര് (8.12), പാലക്കാട് (9.32), ഷൊര്ണൂര് (10.22), തിരൂര് (11.08), കോഴിക്കോട് (11.50) എന്നിവിടങ്ങളില് സ്റ്റോപ്പുണ്ടാകും. ബുധനാഴ്ച രാത്രി 10.40ന് കണ്ണൂരില് നിന്ന് പുറപ്പെടുന്ന കണ്ണൂര്- ബംഗളൂരു ഹോളി എക്സ്പ്രസ് സ്പെഷല് ട്രെയിന് (06502) വ്യാഴാഴ്ച ഉച്ചക്ക് ഒന്നിന് ബംഗളൂരുവിലെത്തും.
മാർച്ച് 8, ഇന്ന് ലോക വനിത ദിനം
ലോകത്തിലെ എല്ലാ വനിതകൾക്കുമായി ഒരു ദിവസം എന്ന ആശയത്തിൽ നിന്നാണ് വനിതാ ദിനാചരണം ഉരുത്തിരിഞ്ഞത്. International women’s dayഎല്ലാ വർഷവും മാർച്ച് 8 ആം തീയതി ആചരിക്കുന്നു . ഈ ദിനത്തിന് ഒരുപാട് ചരിത്ര ഓർമകൾ കൂട്ടുണ്ട്. സ്വന്തം ജോലിസ്ഥലത്തെ സൗകര്യങ്ങളും ജീവിതസാഹചര്യങ്ങളും മെച്ചപ്പെടുത്താനായി വനിതകൾ നടത്തിയ മുന്നേറ്റത്തിന്റെ പിൻബലവും, വ്യവസായ കുത്തകകളുടെ ആധിപത്യത്തിനുമേൽ വിയർപ്പും ശക്തിയും കൊണ്ട് സ്ത്രീകൾ വരിച്ച വിജയത്തിന്റെ കഥയും അവയിൽ പ്രധാനപ്പെട്ടവ.
ഇരുപതാം നൂറ്റാണ്ടിന്റെ തുടക്കത്തിൽ വ്യാവസായിക വളർച്ചയിലേക്ക് കാലൂന്നിയിരുന്ന പല രാജ്യങ്ങളിലും കുറഞ്ഞ വേതനത്തിലും മോശപ്പെട്ട തൊഴിൽ ചുറ്റുപാടിലും ജീവിക്കേണ്ടിവന്ന സ്ത്രീകളുടെ കരളുറപ്പിന്റെ അനുസ്മരണമാണ് അന്താരാഷ്ട്ര വനിതാദിനമെന്ന ആശയത്തിന് പാതയൊരുക്കിയത്. യാഥാസ്ഥിക പുരുഷാധിപത്യ സമൂഹത്തിലെ പാർശ്വവൽക്കരിക്കപ്പെട്ട സ്ത്രീകളുടെ ശാരീരികവും, മാനസികവും, സാമൂഹികവുമായ ശാക്തീകരണം (Empowerment) ഇതിന്റെ ഭാഗമാണ്.
ലിംഗസമത്വം (Gender Equality), ലിംഗനീതി തുടങ്ങിയ ആശയങ്ങൾ ഇതുമായി ബന്ധപെട്ടു ഉയർത്തിപ്പിടിക്കാറുണ്ട്. വിവേചനവും (Discrimination) അതിക്രമങ്ങളും അവസാനിപ്പിക്കുക എന്നതും അന്താരാഷ്ട്ര വനിതാദിനാചരണത്തിന്റെ മുഖ്യ ലക്ഷ്യങ്ങളിൽ ഒന്നാണ്.
