ബെംഗളൂരു∙ നഗരത്തിലെ ആദ്യ സ്മാർട്ട് ബസ് സ്റ്റോപ്പ് ഇന്ന് ഇലക്ട്രോണിക് സിറ്റിയിൽ പ്രവർത്തനം ആരംഭിക്കും. ഇൻഡസ്ട്രിയൽ ടൗൺഷിപ് അതോറിറ്റിയാണ് (എലിസിറ്റ) ബസ് സ്റ്റോപ്പ് നിർമിച്ചത്. ഇൻഫോസിസ് അവന്യൂവിലെ എയർപോർട്ട് ബസ് ടെർമിനലിൽ നിർമിച്ച ആദ്യ സ്റ്റോപ്പിന്റെ ഉദ്ഘാടനം ഇന്ന് 12നു ബിഎംടിസി എംഡി ജി.സത്യവതി നിർവഹിക്കും.
സോളർ വൈദ്യുതിയിൽ പ്രവർത്തിക്കുന്ന സ്റ്റോപ്പിൽ സിസിടിവി ക്യാമറ, പാനിക് ബട്ടൺ, സാനിറ്ററി പാഡ് വെൻഡിങ് യന്ത്രം, മൊബൈൽ, ലാപ്ടോപ് റീചാർജ് യൂണിറ്റ്, ബിഎംടിസി, എലിസിറ്റ ഷട്ടിൽ ബസുകളുടെ സമയവും റൂട്ട് മാപ്പും, ചുമർ പൂന്തോട്ടം എന്നിവ സജ്ജീകരിച്ചിട്ടുണ്ട്. വിവിധ കമ്പനികളുടെ സഹായത്തോടെ 15 സ്മാർട്ട് ബസ് സ്റ്റോപ്പുകളാണ് 6 മാസത്തിനുള്ളിൽ നിർമിക്കുന്നത്.
ഓണ്‍ലൈനായി വാങ്ങിയ ബ്രഡ് പാക്കറ്റിനുള്ളില്‍ ജീവനുള്ള എലി
ഓണ്‍ലൈനായി വാങ്ങിയ ബ്രഡ് പാക്കറ്റിനുള്ളില്‍ ജീവനുള്ള എലി. നിതിന്‍ അറോറ എന്ന ഉപഭോക്താവിനാണ് ബ്ലിങ്കിറ്റിലൂടെ ഓണ്‍ലൈനായി വാങ്ങിയ ബ്രഡ് പാക്കറ്റില്‍ ജീവനുള്ള എലിയെ ലഭിച്ചത്. തനിക്കുണ്ടായ ദുരനുഭവം വീഡിയോയിലൂടെയാണ് ഇദ്ദേഹം കമ്പനിയെ അറിയിച്ചത്. കൂടാതെ ഇതിനൊപ്പം വീഡിയോയും കുറിപ്പും ട്വീറ്റു ചെയ്യുകയും ചെയ്തു.
ഇതോടെ ഓണ്‍ലൈന്‍ ഡെലിവറികളുടെ സുരക്ഷ ഉറപ്പാക്കുന്നതില്‍ ഭക്ഷ്യ സുരക്ഷാ അതോറിറ്റിയുടെ പങ്കിനെ കുറിച്ച് ആളുകള്‍ ആശങ്ക പങ്കുവയ്ക്കുന്നുണ്ട്. ഓണ്‍ലൈന്‍ ഡെലിവറി സേവനങ്ങളുടെ സാന്നിദ്ധ്യം വര്‍ദ്ധിച്ചുവരുന്ന ഇക്കാലത്ത് പുതിയ വെല്ലുവിളികള്‍ക്ക് അധികൃതരുടെ ഭാഗത്ത് നിന്നും അനുയോജ്യമായ നടപടികള്‍ ഉണ്ടാകണമെന്നാണ് ജനങ്ങള്‍ ആവശ്യപ്പെടുന്നത്.
