ന്യൂഡല്‍ഹി: എ.ടി.എമ്മുകളില്‍ പണമില്ലെങ്കില്‍ ബാങ്കുകള്‍ക്ക് പിഴ ചുമത്താനുള്ള നിര്‍ദേശം നടപ്പിലാകുന്നു. ഒക്ടോബര് ഒന്ന് പുതിയ പുതിയ നിര്‍ദേശം നടപ്പാക്കി തുടങ്ങുമെന്ന് ആര്‍.ബി.ഐ അറിയിച്ചു. ഇതുമായി ബന്ധപ്പെട്ട ക്രമീകരണം ഒരുക്കാന്‍ ബാങ്കുകള്‍ക്ക് നിര്‍ദേശം നല്‍കിയിട്ടുണ്ട്. ബാങ്കുകള്‍ക്കും വൈറ്റ് ലേബല്‍ എ.ടി.എം നെറ്റ്വര്ക്കുകള്ക്കും പുതിയ ഉത്തരവ് ബാധകമാവും.
എ.ടി.എമ്മുകളില്‍ 10 മണിക്കൂറിലധികം സമയം പണമില്ലാതിരുന്നാലാണ് പിഴ ചുമത്തുക. ഇത്തരത്തില്‍ 10,000 രൂപയാണ് പിഴയായി ഈടാക്കുക. ഇതുമായി ബന്ധപ്പെട്ട് ആര്‍.ബി.ഐ ബാങ്കുകള്‍ക്ക് സര്‍ക്കുലര്‍ അയച്ചിട്ടുണ്ട്.
എ.ടി.എമ്മില്‍ പണം നിറച്ചില്ലെങ്കില്‍ ബാങ്കുകള്‍ക്ക് പിഴ ചുമത്താനുള്ള തീരുമാനം ആര്‍.ബി.ഐ നേരത്തെ തന്നെ എടുത്തിരുന്നു.എന്നാല്‍, ഇത് എപ്പോള്‍ മുതല്‍ നടപ്പാക്കി തുടങ്ങുമെന്ന് കേന്ദ്രബാങ്ക് വ്യക്തമാക്കിയിരുന്നില്ല.
