ബെംഗളൂരുവിലെ കോവിഡ് -19 ടെസ്റ്റ് പോസിറ്റിവിറ്റി നിരക്ക് 0-9 വയസ് പ്രായമുള്ള കുട്ടികളിൽ 9.5 ശതമാനമാണ്, ഇത് സംസ്ഥാനത്തിന്റെ ശരാശരിയായ 2.9 ശതമാനത്തിന്റെ മൂന്നിരട്ടിയിലധികം. കുട്ടികളിൽ 6.4 ശതമാനം പോസിറ്റിവിറ്റി നിരക്കുമായി ശിവമോഗ ജില്ല രണ്ടാം സ്ഥാനത്താണ്.
ജനുവരി 4 മുതൽ 10 വരെ സംസ്ഥാനത്ത് നടത്തിയ 9.7 ലക്ഷം പരിശോധനകളിൽ 50,783 പേർക്കും കൊവിഡ് പോസിറ്റീവായതായി ആരോഗ്യവകുപ്പ് അറിയിച്ചു. അവരിൽ, ടെസ്റ്റ് പോസിറ്റിവിറ്റി നിരക്ക് 0-9 വയസ് വരെയുള്ള കുട്ടികളിൽ 2.9 ശതമാനവും 9-19 വയസ് പ്രായമുള്ള കുട്ടികളിൽ 2.4 ശതമാനവുമാണ്. ഉഡുപ്പിയിൽ, 9-19 പ്രായത്തിലുള്ളവരിൽ 3.2 ശതമാനം പോസിറ്റീവ് നിരക്കും, മാണ്ഡ്യയിൽ 3%വും ആണ്.
