കിന്‍ഡര്‍ സര്‍പ്രൈസ് ചോക്ലേറ്റ് യു.എ.ഇയിലെ മാര്‍ക്കറ്റില്‍ നിന്ന് പിന്‍വലിച്ചതായി പരിസ്ഥിതി മന്ത്രാലയം അറിയിച്ചു.കിന്‍ഡര്‍ ചോക്ലേറ്റ് ഉല്‍പന്നങ്ങള്‍ വഴി യൂറോപ്പില്‍ സാല്‍മൊണെല്ല ബാക്ടീരിയ പടരുന്നു എന്ന റിപ്പോര്‍ട്ടുകളെ തുടര്‍ന്നാണ് നടപടി.ബെല്‍ജിയത്തില്‍ നിന്ന് എത്തിയ കിന്‍ഡര്‍ സര്‍പ്രൈസ് യൂവോ മാക്സി ചോക്ലേറ്റിന്‍റെ രണ്ട് ബാച്ചുകളാണ് യു.എ.ഇ വിപണിയില്‍ നിന്ന് ഉടന്‍ പിന്‍വലിക്കാന്‍ പരിസ്ഥിതി മന്ത്രാലയം നിര്‍ദേശം നല്‍കിയത്.
ഇവ നശിപ്പിക്കുകയോ കൊണ്ടുവന്ന രാജ്യത്തേക്ക് തിരിച്ചയക്കുകയോ ചെയ്യണമെന്ന് മന്ത്രാലയം മുഴുവന്‍ എമിറേറ്റുകളിലെയും നഗരസഭകള്‍ക്കും മറ്റ് അനുബന്ധ വകുപ്പുകള്‍ക്കും നിര്‍ദേശം നല്‍കി. ദുബൈയിലെ മാര്‍ക്കറ്റില്‍ കിന്‍ഡര്‍ സര്‍പ്രൈസ് വിതരണം ചെയ്യുന്നില്ലെന്ന് ഉറപ്പാക്കിയതായി ദുബൈ മുനിസിപ്പാലിറ്റി അറിയിച്ചു.
