കർണാടകയിലെ മാണ്ഡ്യയിലെ ക്ഷേത്രത്തിൽ നിന്ന് മോഷണം പോയ ബാലാജിയുടെ വിഗ്രഹം തമിഴ്നാട്ടിലെ ഗോബിചെട്ടിപാളയത്തിലെ ഒരു വീട്ടിൽ നിന്ന് പിടിച്ചെടുത്തതായി സംസ്ഥാന ഐഡൽ വിംഗ് സിഐഡി അറിയിച്ചു.പുരാതന വിഗ്രഹക്കടത്തുകാരെന്ന വ്യാജേന സെൻട്രൽ സോൺ അഡീഷണൽ ഡിഎസ്പി ബാലമുരുകന്റെ മേൽനോട്ടത്തിൽ ഇൻസ്പെക്ടർ ഇളങ്കോയുടെ നേതൃത്വത്തിൽ വിഗ്രഹ വിഭാഗം നടത്തിയ തിരച്ചിലിലാണ് ബാലാജി വിഗ്രഹം കണ്ടെടുത്തതെന്ന് വിഗ്രഹ വിഭാഗം പോലീസ് പറഞ്ഞു.
ക്ഷേത്രത്തിലെ പൂജാരി മാണ്ഡ്യയിലെ ഒരു ക്ഷേത്രത്തിൽ നിന്ന് ഏതാനും വർഷങ്ങൾക്ക് മുമ്പ് ബാലാജി വിഗ്രഹം മോഷ്ടിച്ച് ഗോബിചെട്ടിപാളയം സ്വദേശിയായ അഭിഭാഷകന് വിറ്റതായി ഐഡൽ വിംഗ് നടത്തിയ പ്രാഥമിക അന്വേഷണത്തിൽ കണ്ടെത്തി.ഐഡൽ വിംഗ് ടീമിന്റെ മികച്ച പ്രവർത്തനത്തിന് ഡിജിപി സി ശൈലേന്ദ്രബാബു അഭിനന്ദനം അറിയിച്ചു.
മുന് ഐബി ഉദ്യോഗസ്ഥന്റെ മരണം കൊലപാതകമാണെന്ന് സംശയം പ്രകടിപ്പിച്ച് പോലീസ്; സിസിടിവി ദൃശ്യങ്ങള് പുറത്ത്
ബംഗളൂരു: മൈസൂരുവില് മുന് ഐബി ഉദ്യോഗസ്ഥന്റെ മരണം കൊലപാതകമാണെന്ന സംശയം പ്രകടിപ്പിച്ച് പോലീസ്. ഐബിയില് നിന്ന് വിരമിച്ച ആര്.എന്.കുല്ക്കര്ണി (82) വെള്ളിയാഴ്ചയാണ് കാറിടിച്ച് മരണപ്പെട്ടത്. അദ്ദേഹത്തെ മനപ്പൂര്വം കാര് ഇടിച്ചു വീഴ്ത്തുകയായിരുന്നുവെന്നാണ് പോലീസ് സംശയിക്കുന്നത്.അപകടത്തിന്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്.
കാര് വരുന്നത് കണ്ട് റോഡിന്റെ അരികിലേക്ക് മാറി നടന്ന കുല്ക്കര്ണിയുടെ നേര്ക്ക് കാര് വളഞ്ഞുവരുന്നതും ഇദ്ദേഹത്തെ ഇടിച്ച് തെറിപ്പിച്ച ശേഷം റോഡില് ശരിയായ ദിശയില് പാഞ്ഞുപോകുന്നതും ദൃശ്യങ്ങളില് കാണാം. കാറിന് നമ്ബര് പ്ലേറ്റും ഉണ്ടായിരുന്നില്ല.സംഭവത്തിന് പിന്നില് ഭീകരവാദ ബന്ധമുണ്ടോയെന്ന് അന്വേഷിക്കുന്നതായി മൈസൂരു സിറ്റി പോലീസ് കമ്മീഷണര് ചന്ദ്രഗുപ്ത അറിയിച്ചു. കൊല്ലപ്പെട്ട കുല്ക്കര്ണി നീണ്ട 35 വര്ഷക്കാലം ഇന്ത്യയുടെ രഹസ്യാന്വേഷണ വിഭാഗത്തില് അംഗമായി സേവനം അനുഷ്ഠിച്ചിട്ടുണ്ട്.
