ന്യൂഡെല്‍ഹി: പുതിയ സാമ്ബത്തിക വര്‍ഷത്തിലേക്ക് ഇനി ദിവസങ്ങള്‍ മാത്രമാണുള്ളത്. മാര്‍ച് 31ന് മുമ്ബായി ചെയ്തുതീര്‍ക്കേണ്ട പ്രധാനപ്പെട്ട നാല് കാര്യങ്ങളുണ്ട്.ഇവ യഥാസമയത്ത് ചെയ്തില്ലെങ്കില്‍ ഭാവിയില്‍ പ്രശ്‌നങ്ങള്‍ നേരിട്ടേക്കാം. അവയെ അറിയാം.
1- ആദായ നികുതി റിടേൻ :2021-22 സാമ്ബത്തിക വര്‍ഷത്തെ ആദായനികുതി റിടേന്‍ ഫയല്‍ (Filing ITR) ചെയ്യാനുള്ള അവസാന തീയതി മാര്‍ച് 31 ആണ്. ഈ സമയം ഫയല്‍ ചെയ്യുന്നതില്‍ പരാജയപ്പെടുന്ന വ്യക്തികള്‍ക്ക് ആദായനികുതി നിയമത്തിലെ സെക്ഷന്‍ 234F പ്രകാരം പിഴ ചുമത്താവുന്നതാണ്. 2020-21 സാമ്ബത്തിക വര്‍ഷത്തെ വൈകിയ അല്ലെങ്കില്‍ പുതുക്കിയ ഐടിആര്‍ സമര്‍പിക്കുന്നതിനുള്ള സമയപരിധിയും മാര്‍ച് 31 ആണ്.
2- ആധാര്‍-പാന്‍ ലിങ്ക്: ആധാറും പാന്‍ നമ്ബറും നമ്ബറും ബന്ധിപ്പിക്കുന്നതിനുള്ള (Aadhaar-PAN Link) അവസാന തീയതി 2022 മാര്‍ച് 31 ആണ്. പരാജയപ്പെട്ടാല്‍, പാന്‍ പ്രവര്‍ത്തനരഹിതമാകും. ആദായനികുതി നിയമത്തിന്റെ 272B വകുപ്പ് പ്രകാരം നിങ്ങള്‍ക്ക് 10,000 രൂപ പിഴ ഈടാക്കാം.
3- ബാങ്ക് അകൗണ്ട് കെ വൈ സി അപ്ഡേറ്റ്നേരത്തെ ബാങ്ക് അകൗണ്ട് കെ വൈ സി അപ്‌ഡേറ്റ് (Bank Account KYC Update) ചെയ്യുന്നതിനുള്ള അവസാന തീയതി 2021 മാര്‍ച് 31 ആയിരുന്നു. കോവിഡ് മഹാമാരി കണക്കിലെടുത്ത് അവസാന തീയതി 2022 മാര്‍ച് 31 വരെ നീട്ടി. ഉപഭോക്താക്കള്‍ അപ്‌ഡേറ്റ് ചെയ്‌ത പാന്‍, വിലാസ തെളിവ് (ആധാര്‍, പാസ്‌പോര്‍ട് മുതലായവ), ബാങ്ക് ആവശ്യപ്പെടുന്ന മറ്റേതെങ്കിലും വിവരങ്ങള്‍ എന്നിവ അവസാന തീയതിക്ക് മുമ്ബ് സമര്‍പിക്കണം.
4- നികുതി ലാഭിക്കല്‍ നിക്ഷേപങ്ങള്‍ആദായനികുതി ഒഴിവാക്കാന്‍, നികുതിദായകന്‍ സമ്ബാദ്യത്തില്‍ നിക്ഷേപിക്കേണ്ടത് (Invest in savings) ആവശ്യമാണ്. മൂല്യനിര്‍ണയ വര്‍ഷാവസാനത്തിന് മുമ്ബ് ഈ നിക്ഷേപം നടത്തണം. അത്തരമൊരു സാഹചര്യത്തില്‍, നികുതി ലാഭിക്കല്‍ പദ്ധതിയില്‍ നിക്ഷേപിക്കാന്‍ താല്‍പര്യമുണ്ടെങ്കില്‍, മാര്‍ച് 31-ന് മുമ്ബ് അത് ചെയ്യുക.
