ഹൈദരാബാദ് > “ആദിപുരുഷ്’ സിനിമ പ്രദര്‍ശിപ്പിക്കുന്ന തീയറ്ററുകളില്‍ ഒരു സീറ്റ് ഹനുമാന് വേണ്ടി നീക്കിവെക്കണമെന്നായിരുന്നു നിര്‍മ്മാതാവ് ഓം റൗത്തിന്റെ അഭ്യര്‍ത്ഥന.തീയറ്റര്‍ ഉടമകള്‍ അത് നിറവേറ്റുകയും ചെയ്തു. തെലങ്കാനയിലെ ഹൈദരാബാദിലെ ഭ്രമരംബ തിയേറ്ററില് ഹനുമാന് മാറ്റിവച്ച സീറ്റില്‍ ഇരുന്ന യുവാവിന് മര്‍ദനമേറ്റു എന്നാണ് പുറത്തുവരുന്ന വാര്‍ത്ത. ട്വിറ്ററിലാണ് മര്‍ദനമേറ്റെന്നുള്ള വിവരവും വീഡിയോയും പ്രചരിക്കുന്നത്.റിസര്വ് ചെയ്ത സീറ്റില്‍ കാവി തുണിയും പഴവര്‍ഗങ്ങളും, ഹനുമാന്റെ വിഗ്രഹം വരെ വച്ചാണ് തിയറ്ററുകളില്‍ അലങ്കരിച്ചിരിക്കുന്നത്.
സിനിമയ്ക്കെതിരെ മോശം റിവ്യൂ പറഞ്ഞ പ്രേക്ഷകനെ പ്രഭാസ് ആരാധകര് വളഞ്ഞിട്ട് ആക്രമിക്കുന്ന വീഡിയോയും പുറത്തുവന്നിരുന്നു. കര്ണാടകയലെ ഒരു തിയേറ്ററില് നിന്നും സിനിമ കണ്ടിറങ്ങിയ പ്രേക്ഷകന്റെ അഭിപ്രായത്തെ തുടര്ന്നാണ് പ്രഭാസ് ആരാധകര് ക്ഷുഭിതരായത്. സിനിമയെപ്പറ്റി മോശം റിവ്യൂകളാണ് പുറത്തുവരുന്നതും.
‘വിദ്യാര്‍ത്ഥികളുടെ മാനസിക പ്രശ്‌നങ്ങള്‍ പരിഹരിക്കാന്‍ സ്‌കൂളുകളില്‍ കൗണ്‍സലര്‍മാരുടെ സേവനം ഉറപ്പാക്കണം: സംസ്ഥാന വനിതാ കമ്മിഷന്‍
വിദ്യാര്‍ത്ഥികളുടെ മാനസിക പ്രശ്‌നങ്ങള്‍ യഥാസമയം അറിയുന്നതിനും മനസ്സിലാക്കുന്നതിനും സ്‌കൂളുകളില്‍ കൗണ്‍സലര്‍മാരുടെ സേവനം ഉറപ്പാക്കണമെന്ന് സംസ്ഥാന വനിതാ കമ്മിഷന്‍ അധ്യക്ഷ അഡ്വ.പി.സതീദേവി. സാധാരണയായി പരീക്ഷാ ഫലം വരുന്ന മാത്രയിലാണ് സ്‌കൂള്‍ കൗണ്‍സലര്‍മാരുടെ സേവനം തേടുന്നത്. അതിന് പകരമായി എല്ലാ ദിവസവും കുട്ടികളുടെ മാനസിക ബുദ്ധുമുട്ടുകള്‍ മനസ്സിലാക്കി അവരെ മാനസിക വളര്‍ച്ചയ്ക്ക് പിന്തുണയേകാന്‍ സ്‌കൂള്‍ കൗണ്‍സിലര്‍മാരുടെ സേവനം ഉറപ്പാക്കണം.
ലഹരിയുടെ വിപത്തില്‍ അറിഞ്ഞോ അറിയാതെയോ വിദ്യാര്‍ത്ഥികള്‍ പെട്ടുപോകുന്നത് ചെറുക്കാന്‍ സമൂഹം ഒന്നിച്ച്‌ പ്രവര്‍ത്തിക്കണമെന്നും സതീദേവി പറഞ്ഞു.വനിതാ കമ്മിഷന്റെ ആഭിമുഖ്യത്തില്‍ അധ്യയനവര്‍ഷാരംഭത്തില്‍ ഹയര്‍ സെക്കന്‍ഡറി വിദ്യാര്‍ത്ഥികള്‍ക്കായി സംഘടിപ്പിക്കുന്ന കൗമാരം കരുത്താക്കൂ എന്ന പ്രത്യേക ബോധവത്കരണ പരിപാടിയുടെ തിരുവനന്തപുരം ജില്ലാതല ഉദ്ഘാടനം കമലേശ്വരം ഗവണ്‍മെന്റ് ഹയര്‍ സെക്കന്‍ഡറി സ്‌കളില്‍ നിര്‍വഹിച്ച്‌ സംസാരിക്കുകയായിരുന്നു പി.സതീദേവി.
തുടര്‍ന്ന് സാമൂഹിക പ്രതിബദ്ധതാ പ്രതിജ്ഞ ചൊല്ലിക്കൊടുത്തു. കൗണ്‍സിലര്‍ വിജയകുമാരി അധ്യക്ഷത വഹിച്ചു. പ്രിന്‍സിപ്പല്‍ സിന്ധു എസ്.ഐ. സ്വാഗതം ആശംസിച്ചു. കനല്‍ ഡയറക്ടര്‍ ആന്‍സന്‍ അലക്സാണ്ടര്‍ ബോധവത്കരണ ക്ലാസ്സെടുത്തു. പിറ്റിഎ പ്രസിഡന്റ് അബൂബക്കര്‍, വനിതാ കമ്മിഷന്‍ പിആര്‍ഒ ശ്രീകാന്ത് എം.ഗിരിനാഥ്, പൂന്തുറ എസ്‌എച്ച്‌ഒ ജി.പ്രദീപ് എന്നിവര്‍ ആശസംകള്‍ അര്‍പ്പിച്ചു. സ്‌കൂള്‍ ലീഡര്‍ ഗൗരി കൃഷ്ണ ആര്‍.എച്ച്‌ നന്ദി പറഞ്ഞു.
ലഹരിക്കെതിരായ ബോധവത്കരണം, ലിംഗസമത്വം, പ്രണയപ്പകയ്ക്കെതിരായ ബോധവത്കരണം എന്നീ മൂന്ന് വിഷയങ്ങളെ കേന്ദ്രീകരിച്ചാണ് ഈ പ്രത്യേക ബോധവത്കരണ പരിപാടി സംഘടിപ്പിക്കുന്നത്. ഈ പ്രത്യേക ബോധവത്കരണ പരിപാടിയുടെ സംസ്ഥാനതല ഉദ്ഘാടനം കഴിഞ്ഞ നവംബറില്‍ തിരുവനന്തപുരത്ത് വനിതാ ശിശുവികസന മന്ത്രി വീണാ ജോര്‍ജ് നിര്‍വഹിച്ചിരുന്നു. അതിന്റെ തുടര്‍ച്ച എന്ന നിലയിലാണ് ഈ വര്‍ഷം ജൂണ്‍-ജൂലൈ മാസങ്ങളിലായി ഈ പ്രത്യേക ബോധവത്കരണ പരിപാടി സംഘടിപ്പിക്കുന്നത്. സംസ്ഥാനത്തെ എല്ലാ ജില്ലകളിലെയും ഓരോ സ്‌കൂളില്‍ വീതമാണ് പരിപാടി സംഘടിപ്പിക്കുന്നത്.
