ബെംഗളൂരു: ചെന്നൈ-ബെംഗളൂരു ഹൈവേയിൽ പ്രായമായ യാത്രക്കാരെ ലക്ഷ്യമിട്ട് തട്ടിപ്പുകാർ

ബെംഗളൂരു: ഹൊസൂറിനും ഇലക്ട്രോണിക്സ് സിറ്റിക്കും ഇടയിലുള്ള ദേശീയ പാതയിൽ മെക്കാനിക്കുകളായി വേഷമിട്ട് തട്ടിപ്പുകാർ പ്രായമായ ദമ്പതിമാരിൽ നിന്ന് പണം തട്ടിഎടുത്തു

സെപ്റ്റംബർ 2 ന് ഉച്ചയ്ക്ക് 1 നും 1.20 നും ഇടയിൽ ചെന്നൈയിൽ നിന്ന് ബെംഗളൂരുവിലേക്കുള്ള യാത്രയ്ക്കിടെ തമിഴ്‌നാട് സ്വദേശിയായ 76 കാരനായ എൻ ലക്ഷ്മണനും 70 വയസ്സുള്ള ഭാര്യയെയും കബളിപ്പിച്ചു 18,000 രൂപ കവർന്നു എന്നതാണ് ഏറ്റവും പുതിയ സംഭവം.

ഇത് ഒറ്റപ്പെട്ട സംഭവമല്ല: സംസ്ഥാനത്തിന് പുറത്ത് രജിസ്റ്റർ ചെയ്ത വാഹനങ്ങൾ ഓടിക്കുന്ന പ്രായമായ ആളുകളിൽ നിന്ന് തട്ടിപ്പുകാർ പണം തട്ടിയെടുക്കുന്നതായി സമീപ മാസങ്ങളിൽ നെറ്റിസൺസ് റിപ്പോർട്ട് ചെയ്തിരുന്നു. ഒരു മാസം മുമ്പ് @manachittooru എന്ന എക്സ് ഉപയോക്താവ്, ഒരു മഞ്ഞ ഫ്ലയർ നൽകി ചെന്നൈ-ബെംഗളൂരു ഹൈവേയിൽ “റോഡ് സുരക്ഷാ ഫീസ്” ആയി 400 രൂപ ആവശ്യപ്പെടുന്ന ഒരു തട്ടിപ്പ് സംഘത്തെക്കുറിച്ച് മുന്നറിയിപ്പ് നൽകിയിരുന്നു.

ഏറ്റവും പുതിയ സംഭവത്തിൽ, ചെന്നൈയിൽ നിന്ന് യാത്ര ചെയ്യുകയായിരുന്ന ദമ്പതികളെ ഹൊസൂരിൽ നിന്ന് 4-5 കിലോമീറ്റർ അകലെ മെക്കാനിക്കുകളായി അഭിനയിച്ച രണ്ട് യുവാക്കൾ തടഞ്ഞുനിർത്തി. കാറിൽ നിന്ന് പുക ഉയരുന്നുണ്ടെന്ന് അവർ മുതിർന്ന പൗരന്മാരെ തെറ്റായി അറിയിച്ചു. വാഹനത്തിലെ ഒരു സെൻസർ തകരാറിലാണെന്നും അത് ഉടൻ നന്നാക്കണമെന്നും ആവശ്യപ്പെട്ട് പ്രകാശ് എന്ന് പരിചയപെടുത്തിയ തട്ടിപ്പുകാരൻ രംഗത്തെത്തിയത്.

പ്രശ്നം പരിഹരിക്കാനെന്ന വ്യാജേന, രണ്ട് തട്ടിപ്പുകാർ ചേർന്ന് ദമ്പതികളിൽ നിന്ന് വലിയ തുക കൈക്കലാക്കി.

പരിഭ്രാന്തിയിലായ ലക്ഷ്മണൻ, തട്ടിപ്പുകാർക്ക് പണം നൽകിയതായി പറഞ്ഞു. “ഞങ്ങൾക്ക് വളരെ ആശങ്കയുണ്ടായിരുന്നു, എത്രയും വേഗം ബെംഗളൂരുവിൽ എത്തേണ്ട ആവശ്യം ഞങ്ങൾക്ക് ഉണ്ടായിരുന്നു ,” അദ്ദേഹം പറഞ്ഞു. തട്ടിപ്പുകാർ പറഞ്ഞതനുസരിച്ച് കാർറിപ്പയർ ചെയ്യുന്നതിന് വേണ്ടി ലക്ഷ്മണൻ ഭാര്യയുടെ ക്രെഡിറ്റ് കാർഡ് ഉപയോഗിച്ച് ഒരു എടിഎമ്മിൽ നിന്ന് 15,000 രൂപ പിൻവലിച്ചു, വാലറ്റിൽ നിന്ന് 3,000 രൂപ കൂടി 18000 രൂപ കൊടുത്തു.

കഴിഞ്ഞ ആഴ്ച സഞ്ജയ്നഗറിനടുത്തുള്ള ഒരു മാരുതി സർവീസ് സ്റ്റേഷനിൽ അന്വേഷിച്ചപ്പോഴാണ്, വാഹനത്തിന് അറ്റകുറ്റപ്പണികൾ നടത്തിയിരുന്നില്ല തങ്ങൾ വഞ്ചിക്കപ്പെടുകയായിരുന്നു എന്ന് ദമ്പതികൾ മനസ്സിലാക്കിയത്.

സംഭവത്തെക്കുറിച്ച് ഇതുവരെ പരാതി ലഭിച്ചിട്ടില്ലെന്ന് ബെംഗളൂരു റൂറൽ പോലീസ് പറഞ്ഞു. “പരാതി ലഭിച്ചാൽ ഉടൻ നടപടിയെടുക്കും,” ബെംഗളൂരു റൂറൽ എസ്പി സികെ ബാബ ടിഒഐയോട് പറഞ്ഞു.

പോലീസിൽ പരാതി നൽകാത്തതിന്റെ കാരണം വിശദീകരിച്ചുകൊണ്ട് ലക്ഷ്മണൻ പറഞ്ഞു: “എന്റെ വാഹനം തമിഴ്‌നാട്ടിലാണ് രജിസ്റ്റർ ചെയ്തിരിക്കുന്നത്, ഞാൻ കർണാടകയിൽ സ്ഥിരതാമസമാക്കിയിട്ടില്ല. ഞാൻ ഒരു കേസ് ഫയൽ ചെയ്താൽ, എനിക്ക് പലപ്പോഴും ബെംഗളൂരുവിൽ വരേണ്ടിവരും, ഈ പ്രായത്തിൽ അത് ഞങ്ങൾക്ക് പ്രായോഗികമല്ല.”

ഈ ദുരിതങ്ങൾക്കിടയിലും, തങ്ങളുടെ കഥ പങ്കുവെക്കുന്നത് മറ്റുള്ളവർ ഇത്തരം തട്ടിപ്പുകാരുടെ ഇരകളാകുന്നത് തടയാനാണെന്ന് എഴുപത് വയസ്സുള്ള ദമ്പതികൾ പറഞ്ഞു.