മൈസൂരു : മൈസൂരു ദസറയ്ക്കെത്തുന്ന വിനോദസഞ്ചാരികൾക്ക് ആവേശം പകരാൻ ടൂറിസം വകുപ്പിന്റെ അംബാരി ഡബിൾ ഡക്കർ ബസുകൾ. പത്തു ദിവസത്തെ ദസറ ആഘോഷം തുടങ്ങുന്ന ഒക്ടോബർ 15-ന് അംബാരിയുടെ സർവീസും ആരംഭിക്കും. സന്ദർശകർക്ക് ഇതിലിരുന്ന് കൊട്ടാരനഗരിയിലൂടെ സഞ്ചരിച്ച് കാഴ്ചകൾ കാണാം. രാത്രി സമയത്താണ് സർവീസുകൾ.ആറ് ലക്ഷ്വറി ഡബിൾ ഡക്കർ ബസുകളാണ് ടൂറിസംവകുപ്പ് ഇറക്കുന്നത്. വൈകീട്ട് ആറിനും രാത്രി എട്ടിനും ഒമ്പതിനും ഓരോ സർവീസാണ് ആറു ബസുകളും നടത്തുക.
ഒരു മണിക്കൂറാണ് യാത്ര. മയൂരഹോട്ടലിനുമുന്നിൽനിന്ന് ആംഭിച്ച് നഗരംചുറ്റി മയൂര യാത്രിയുടെ മുന്നിൽ സമാപിക്കും. ബസിന്റെ താഴെഭാഗത്ത് 25 സീറ്റും മുകൾഭാഗത്ത് 20 സീറ്റുമാണുള്ളത്.താഴത്തെ സീറ്റുകളിൽ 250 രൂപയും മുകളിലെ സീറ്റുകളിൽ 500 രൂപയുമാണ് ടിക്കറ്റ് നിരക്ക്. ടിക്കറ്റ് ബുക്കിങ് കർണാടക സംസ്ഥാന ടൂറിസം ഡെവലപ്മെന്റ് കോർപ്പറേഷന്റെ വെബ്സൈറ്റിൽ തുടങ്ങി
ബെംഗളൂരു: കാറിന് തീപിടിച്ച് യുവതിയും രണ്ട് പെൺമക്കളും വെന്തു മരിച്ചു.
ചൊവ്വാഴ്ച പുലർച്ചെ ബെംഗളൂരുവിൽ കാർ ട്രക്കുമായി കൂട്ടിയിടിച്ച് തീപിടിച്ചതിനെ തുടർന്ന് തമിഴ്‌നാട് സ്വദേശിനിയായ ഒരു സ്ത്രീയും അവളുടെ രണ്ട് കുട്ടികളും വെന്തുമരിച്ചുവെന്ന് പോലീസ് അറിയിച്ചു.മരിച്ചവരെ എം സിന്ധുര (31), അവരുടെ മക്കളായ എം കുശാവി (2), എം പ്രണവി (6) എന്നിവരാണെന്ന് പൊലീസ് തിരിച്ചറിഞ്ഞു. സിന്ധുരയുടെ ഭർത്താവ് സോഫ്റ്റ്‌വെയർ എഞ്ചിനീയറായ മഹേന്ദ്രൻ ബിയാണ് കാർ ഓടിച്ചിരുന്നത്.തലഘട്ടപുരയിലെ നൈസ് റോഡിൽ മാരകമായ അപകടത്തിന് മുമ്പ് ഡ്രൈവർ ഉറങ്ങിയിരിക്കാം അല്ലെങ്കിൽ വാഹനത്തിന് എന്തെങ്കിലും സാങ്കേതിക തകരാർ അനുഭവപ്പെട്ടതായിരിക്കാ, ഉദ്യോഗസ്ഥൻ പറഞ്ഞു.
പുലർച്ചെ 2.50 ഓടെ കാർ മീഡിയനിൽ ചാടി മറുവശത്ത് നിന്ന് വന്ന ട്രക്കിൽ ഇടിക്കുകയും സോമപുര ജംക്‌ഷനു സമീപം മറിഞ്ഞ് തീപിടിക്കുകയും ചെയ്‌തതായി പോലീസ് പറഞ്ഞു.സേലം സ്വദേശികളായ കുടുംബം ബംഗളൂരുവിലെ രാമമൂർത്തിനഗറിലെ വിജിനപുരയിലാണ് താമസിച്ചിരുന്നത്.പെട്ടെന്ന് തീ പടർന്നു, സിന്ധുരയെയും കുശാവിയെയും പിൻസീറ്റിൽ നിന്ന് രക്ഷിക്കാൻ കഴിഞ്ഞില്ല. തീ പടരുന്നതിന് മുമ്പ് ട്രക്ക് ഡ്രൈവറും മറ്റുള്ളവരും ചേർന്ന് മുൻവശത്തെ വാതിൽക്കൽ നിന്ന് മഹേന്ദ്രനെയും പ്രണവിയെയും പുറത്തെടുത്തതായി ദൃക്‌സാക്ഷികൾ പറഞ്ഞു.
