സിദ്ധരാമയ്യയുടെ നേതൃത്വത്തിലുള്ള കർണാടക സർക്കാരിന്റെ ശക്തി യോജന സ്ത്രീകളെ സ്വയം പര്യാപ്തരാക്കിയെന്നും “ഞങ്ങളുടെ ഭരണ മാതൃക സംസ്ഥാനത്തെ സ്ത്രീകൾക്ക് അവരുടെ അവകാശങ്ങൾ ഉറപ്പാക്കുന്നു എന്നത് അഭിമാനകരമാണെന്നും” മുൻ കോൺഗ്രസ് അധ്യക്ഷൻ രാഹുൽ ഗാന്ധി ബുധനാഴ്ച പ്രശംസിച്ചു.ലക്ഷ്മിയും വന്ദനയും പൂജയും അവരെപ്പോലെയുള്ള ലക്ഷക്കണക്കിന് സ്ത്രീകളും കർണാടകയിലെ കോൺഗ്രസ് സർക്കാരിന്റെ സൗജന്യ ബസ് യാത്ര നൽകുന്ന ശക്തി യോജനയിലൂടെ ശാക്തീകരിക്കപ്പെട്ടുവെന്ന് രാഹുൽ ഗാന്ധി പറഞ്ഞു.
സ്കൂളിലേക്കോ കോളേജിലേക്കോ ജോലിക്ക് പോകുന്നതിനോ സംസ്ഥാനത്ത് എവിടെയെങ്കിലും യാത്ര ചെയ്യുന്നവരോ ആകട്ടെ, “ശക്തി യോജന സ്ത്രീകളെ സ്വയം പര്യാപ്തരാക്കുകയും ഗണ്യമായ സാമ്പത്തിക ലാഭം ഉണ്ടാക്കുകയും ചെയ്തു” എന്ന് അദ്ദേഹം പറഞ്ഞു.“ഈ പദ്ധതി പ്രാദേശിക സമ്പദ്വ്യവസ്ഥയെ ഉത്തേജിപ്പിക്കുകയും തൊഴിലവസരങ്ങൾ സൃഷ്ടിക്കുകയും ചെയ്യുന്നു. ഞങ്ങളുടെ ഭരണ മാതൃക കർണാടകയിലെ സ്ത്രീകൾക്ക് അവരുടെ അവകാശങ്ങൾ ഉറപ്പാക്കുന്നു എന്നത് അഭിമാനകരമാണെന്നും അദ്ദേഹം കൂട്ടിച്ചേർത്തു.
ജനന സര്ട്ടിഫിക്കറ്റ് രാജ്യത്തുടനീളം ഒരൊറ്റ രേഖയായി മാറി
ഒക്ടോബര് ഒന്ന് മുതല്, ജനന സര്ട്ടിഫിക്കറ്റ് രാജ്യത്തുടനീളം ഒരൊറ്റ രേഖയായി മാറി. ഇതിനര്ത്ഥം നിങ്ങള്ക്ക് ജനന സര്ട്ടിഫിക്കറ്റ് ഉണ്ടെങ്കില്, പല സ്ഥലങ്ങളിലും മറ്റ് രേഖകള് ആവശ്യമില്ല. ആധാര് കാര്ഡ് മുതല് പാസ്പോര്ട്ട് വരെയും ഡ്രൈവിംഗ് ലൈസന്സ് മുതല് വിവാഹ സര്ട്ടിഫിക്കറ്റ് വരെയും മറ്റൊരു രേഖയും നിങ്ങള്ക്ക് ആവശ്യമില്ല. പാര്ലമെന്റിന്റെ കഴിഞ്ഞ മണ്സൂണ് സെഷനില്, ജനന മരണ റജിസ്ട്രേഷന് (ഭേദഗതി) നിയമം, 2023 പാസാക്കിയിരുന്നു.ജൂലൈ 26ന് കേന്ദ്ര ആഭ്യന്തര സഹമന്ത്രി നിത്യാന്ദ് റായ് ആണ് ഈ ബില് പാര്ലമെന്റില് അവതരിപ്പിച്ചത്. പിന്നീട് പാര്ലമെന്റിന്റെ ഇരുസഭകളും പാസാക്കി. രാഷ്ട്രപതിയുടെ അംഗീകാരം നേടിയ ശേഷം, ഇപ്പോള് ജനന സര്ട്ടിഫിക്കറ്റ് വളരെ പ്രധാനപ്പെട്ട രേഖയായി മാറിയിരിക്കുന്നു.
അതായത് ഒക്ടോബര് ഒന്ന് മുതല് നിരവധി നിര്ണായക സേവനങ്ങള് ലഭിക്കുന്നതിന് നിങ്ങള് ഹാജരാക്കേണ്ട ഒരേയൊരു രേഖ ജനന സര്ട്ടിഫിക്കറ്റ് മാത്രമായിരിക്കും. ആധാര് കാര്ഡ്, വിദ്യാഭ്യാസ സ്ഥാപനത്തിലെ പ്രവേശനം, വിവാഹ റജിസ്ട്രേഷന്, സര്ക്കാര് ജോലികള്, ഡ്രൈവിങ് ലൈസന്സിന് അപേക്ഷിക്കാനുമൊക്കെ ഇത് നിര്ബന്ധമാകും.ജനന സര്ട്ടിഫിക്കറ്റ് എന്നത് കുട്ടിയുടെ ജനനത്തീയതി, ജനനസ്ഥലം, ലിംഗഭേദം, മറ്റ് പ്രധാന വിശദാംശങ്ങള് എന്നിവയും മാതാപിതാക്കളുടെ പേരുകളും രേഖപ്പെടുത്തുന്ന ഒരു രേഖയാണ്.
ജനന സര്ട്ടിഫിക്കറ്റ് വഴി കുട്ടിയുടെ ഐഡന്റിറ്റി നിര്ണയിക്കപ്പെടുന്നു, മാതാപിതാക്കളെക്കുറിച്ചുള്ള വിവരങ്ങളും ലഭ്യമാണ്. ഇനി ആധാര് കാര്ഡ് ഉണ്ടെങ്കിലും ജനന സര്ട്ടിഫിക്കറ്റ് നിര്ബന്ധമാണ്.കുട്ടി ജനിച്ച് 21 ദിവസത്തിനകം മാതാപിതാക്കള് ജനന സര്ട്ടിഫിക്കറ്റിന് അപേക്ഷിക്കണം. 21 ദിവസത്തിനകം രജിസ്ട്രേഷന് നടത്തിയില്ലെങ്കില്, 30 ദിവസത്തിനകം ജനനം രജിസ്റ്റര് ചെയ്യാമെന്ന് നിയമത്തിലെ 13-ാം വകുപ്പില് വ്യവസ്ഥയുണ്ട്.
