ബംഗളൂരു: യുവ വനിതാ ഡോക്ടറെ വാടക വീട്ടില് മരിച്ച നിലയില് കണ്ടെത്തി.ചെന്നൈ സ്വദേശിയും കൊല്ലെഗാളിലെ സര്ക്കാര് ആശുപത്രിയില് അനസ്തേഷ്യ വിഭാഗത്തില് പ്രവര്ത്തിക്കുന്ന സിന്ധുജയെയാണ് മരിച്ച നിലയില് കണ്ടെത്തിയത്. കൊല്ലെഗല് ടൗണ് ശ്രീ മഹാദേശ്വര കോളേജിന് സമീപത്തെ വാടക വീട്ടിലാണ് മൃതദേഹം കണ്ടെത്തിയത്.കഴിഞ്ഞദിവസം രാത്രി ജോലി കഴിഞ്ഞ് പോയ സിന്ധുജ തിരിച്ച് ആശുപത്രിയില് എത്തിയിരുന്നില്ല. മൊബൈല് ഫോണിലേക്ക് വിളിച്ചിട്ടും ലഭ്യമായില്ല. തുടര്ന്ന് വീട്ടില് ചെന്ന് നോക്കിയപ്പോഴാണ് കട്ടിലില് മരിച്ചനിലയില് സിന്ധുജയെ കണ്ടെത്തിയതെന്ന് സഹപ്രവര്ത്തകര് പൊലീസിനോട് പറഞ്ഞു.
അടുത്ത ജനുവരി രണ്ടിനായിരുന്നു സിന്ധുജയുടെ വിവാഹം തീരുമാനിച്ചിരുന്നത്. മരണം സംബന്ധിച്ച് വിശദമായി അന്വേഷിക്കുന്നുണ്ടെന്നും ആത്മഹത്യയാണെന്നാണ് പ്രാഥമിക നിഗമനമെന്നും പൊലീസ് അറിയിച്ചു. കട്ടിലിന്റെ സമീപത്തായി സിറിഞ്ച്, ചില മരുന്നുകള്, കത്തി കണ്ടെത്തിയെന്ന് കേസ് അന്വേഷിക്കുന്ന ഡിവൈഎസ്പി സോമേ ഗൗഡ മാധ്യമങ്ങളോട് പറഞ്ഞു.ചെന്നൈയില് നിന്ന് എംബിബിഎസ് പൂര്ത്തീകരിച്ചശേഷം അനസ്തേഷ്യയില് ബിരുദാനന്തര ബിരുദം ചെയ്യുന്നതിനായാണ് ബംഗളൂരുവില് വന്നത്. കോഴ്സിന്റെ ഭാഗമായുള്ള പരിശീലനാര്ത്ഥമാണ് കൊല്ലെഗാളിലെ സര്ക്കാര് ആശുപത്രിയില് സേവനം ചെയ്തിരുന്നത്. സിന്ധുജയുടെ ബന്ധുക്കളെ വിവരമറിയിച്ചതായും പൊലീസ് സമഗ്ര അന്വേഷണം തുടങ്ങിയതായും ഡിവൈഎസ്പി പറഞ്ഞു.
നയൻസിന് ആരാധകരുടെ വിമര്ശനം; മറുപടി നല്കാതെ നയൻതാര
രാജ്യമാകെ ശ്രദ്ധയാകര്ഷിക്കുന്ന നടിയാണ് നയൻതാര. ജവാന്റെ വമ്ബൻ ജയം നയൻതാരയ്ക്ക് ബോളിവുഡിലും ആരാധകരെ നേടിക്കൊടുത്തു.അടുത്തിടെ നയൻതാര ഒരു സംരഭവുമായി രംഗത്ത് എത്തിയിരുന്നു. 9 സ്കിൻ എന്ന സരംഭത്തിന് എതിരെ ആരാധകരില് ചിലര് എത്തിയിരിക്കുകയാണ്.സ്വയം സ്നേഹിക്കുകയെന്നതാണ് സൗന്ദര്യത്തിന്റെ രഹസ്യമെന്ന് പറഞ്ഞാണ് നയൻതാര പുതിയ കമ്ബനി പ്രഖ്യാപിച്ചത്. ചര്മ സംരക്ഷണത്തിന് ഉതകുന്ന ഉല്പ്പന്നങ്ങളുമായെത്തുന്നുവെന്നായിരുന്നു താരം 9 സ്കിന്നിനെ വിശേഷിപ്പിച്ചത്.
എന്നാല് സാധാരണക്കാര്ക്ക് താങ്ങുന്നതിനപ്പുറം വിലയാണ് ഇതിന്റെ ഉല്പ്പനങ്ങള്ക്ക് എന്നാണ് ആരാധകര് അഭിപ്രായപ്പെടുന്നതെന്നു മാത്രവുമല്ല പ്രൊഡക്റ്റിന്റെ പരസ്യത്തിനായെടുത്ത ഫോട്ടോകളില് നയൻതാരയുടെ മേക്കപ്പ് കൂടിപ്പോയി എന്നും ചിലര് വിമര്ശിക്കുന്നു. 999 രൂപ മുതല് 1899 വരെ വിവിധ ഉല്പ്പന്നങ്ങള്ക്ക് വിലയിട്ടിട്ടുണ്ട്. വിമര്ശനങ്ങള്ക്ക് നയൻതാര മറുപടി പറഞ്ഞിട്ടില്ല. നയൻതാര ലിപ് ബാം സംരഭമായ ദ ലിപ് ബാം കമ്ബനി നേരത്തെ ആരംഭിച്ചിരുന്നു. ഡോ. രെണിത രാജനുമായി ചേര്ന്നായിരുന്നു താരത്തിന്റെ കമ്ബനി.നയൻതാര നായികയായി ഇരൈവൻ സിനിമയാണ് ഒടുവില് പ്രദര്ശനത്തിന് എത്തിയത്. ഇരവൈനില് നായകൻ ജയം രവിയാണ്. ഐ അഹമ്മദാണ് ഇരൈവന്റെ സംവിധാനം.
യുവൻ ശങ്കര് രാജയുടെ സംഗീതത്തില് ചിത്രത്തിലെ ഒരു ഗാനം സഞ്ജിത് ഹെഗ്ഡെയും ഖരേസ്മ രവിചന്ദ്രനും ആലപിച്ചത് പുറത്തുവിട്ടത് വൻ ഹിറ്റായി മാറിയിരുന്നു.ഐ അഹമ്മദിന്റേതാണ് ഇരൈവന്റെ തിരക്കഥയും. ഹരി കെ വേദാന്ദാണ് ഛായാഗ്രാഹണം. മികച്ച പ്രതികരണം ഇരൈവന് നേടാനാകുന്നില്ല.സുധൻ സുന്ദരമും ജയറാം ജിയുമാണ് ചിത്രം നിര്മിച്ചത്. നയൻതാര നായികയായി വേഷമിട്ട പുതിയ ചിത്രത്തില് ജയം രവിക്കൊപ്പം നരേൻ, ആശിഷ് വിദ്യാര്ഥി എന്നിവരും പ്രധാന കഥാപാത്രങ്ങളായി. സൗണ്ട് സിങ്ക് ഡിസൈൻ സിങ്ക് സിനിമ ആണ്. ഒരു സൈക്കോളജിക്കല് ത്രില്ലറായിരുന്നു ഇരൈവൻ
