കോഴിക്കോട്: താമരശ്ശേരിയിൽ നിന്ന് തട്ടിക്കൊണ്ടുപോയ പ്രവാസി മുഹമ്മദ് ഷാഫിയെ കണ്ടെത്തി. കർണാടകയില് നിന്നാണ് കണ്ടെത്തിയത്. രാത്രിയോടെ ഇയാളെ താമരശ്ശേരിയിൽ എത്തിക്കും. പ്രത്യക അന്വേഷണ സംഘമാണ് കർണാടകയിൽ വെച്ച് ഷാഫിയെ കണ്ടെത്തിയത്. ഏപ്രിൽ ഏഴാം തീയതിയാണ് ഷാഫിയെ തട്ടിക്കൊണ്ടുപോയത്. കർണാടകയിൽ എവിടെ വെച്ചാണ് ഇയാളെ കണ്ടെത്തിയതെന്ന കാര്യം അന്വേഷണസംഘം സ്ഥിരീകരിക്കുന്നില്ല.
പത്ത് ദിവസത്തോളമായി ഷാഫിയെ കാണാതായിട്ട്. ഇക്കഴിഞ്ഞ ഏഴാം തീയതിയാണ് ഷാഫിയെയും ഭാര്യയെയും മുഖംമൂടി ധരിച്ചെത്തിയ സംഘം തട്ടിക്കൊണ്ടുപോയത്. ഷാഫിയുടെ ഭാര്യയെ വഴിയിൽ ഉപേക്ഷിച്ച ശേഷം ഇയാളെയും കൊണ്ട് കടന്നു കളയുകയായിരുന്നു. കഴിഞ്ഞ ദിവസം പൊലീസിന് സംഭവത്തെക്കുറിച്ച് കൃത്യമായ സൂചന ലഭിച്ചിരുന്നു.സംഭവത്തിൽ നാല് പേരുടെ അറസ്റ്റ് പോലീസ് രേഖപ്പെടുത്തിയിരുന്നു. കഴിഞ്ഞ ദിവസങ്ങളിൽ പോലീസ് കസ്റ്റഡിയിൽ എടുത്ത കാസർകോട് സ്വദേശികളുടെ അറസ്റ്റാണ് രേഖപ്പെടുത്തിയത്.
മുഹമ്മദ് നൗഷാദ്, ഇസ്മയിൽ ആസിഫ്, അബ്ദുറഹ്മാൻ, ഹുസൈൻ എന്നിവരാണ് അറസ്റ്റിലായത്. മുഹമ്മദ് ഷാഫിയെ തട്ടിക്കൊണ്ടുപോകുന്നതിന്റെ രണ്ടാഴ്ച മുൻപ് പരപ്പൻപൊയിലിൽ നിരീക്ഷണത്തിനായി എത്തിയ സംഘം സഞ്ചരിച്ച കാർ ഹുസൈനാണ് വാടകക്ക് എടുത്ത് നൽകിയത്. മറ്റു മൂന്നു പേർ കാറിൽ എത്തിയവരാണ് എന്നാണ് കിട്ടിയ വിവരം. അറസ്റ്റ് ചെയ്തവരെ താമരശ്ശേരി താലൂക്ക് ആശുപത്രിയിൽ വൈദ്യ പരിശോധനക്ക് വിധേയരാക്കി.
കഴിഞ്ഞ ഏഴാംതീയതി രാത്രി 9 മണിയോടെയാണ് തോക്കടക്കമുള്ള ആയുധങ്ങളുമായി കാറിലെത്തിയ അജ്ഞാത സംഘം പരപ്പൻപൊയിൽ സ്വദേശി മുഹമ്മദ് ഷാഫിയെ തട്ടിക്കൊണ്ട് പോയത്. മൊബൈൽ ടവർ ലൊക്കേഷനുകളും സിസിടിവി ദൃശ്യങ്ങളും പരിശോധിച്ച പൊലീസ് അന്വേഷണം മറ്റ് ജില്ലകളിലേക്കും വ്യാപിപ്പിച്ചിരുന്നെങ്കിലും ഷാഫിയെ കണ്ടെത്താൻ കഴിഞ്ഞിരുന്നില്ല. ദുബായിൽ നടന്ന സാമ്പത്തിക ഇടപാട് കേന്ദ്രീകരിച്ചായിരുന്നു ആദ്യഘട്ടത്തിൽ പൊലീസ് അന്വേഷണം.
ഇതിലുൾപ്പെട്ട മൂന്ന് പേരെ ചോദ്യം ചെയ്തിരുന്നു. പൂനൂർ സ്വദേശിയായ യുവാവിന്റയും ഷാഫിയുടെയും മൊബൈൽ ഫോണുകൾ ഒരേ ടവർ ലൊക്കേഷനിൽ സ്വിച്ച് ഓഫ് ആയതായും പൊലീസ് കണ്ടെത്തിയിരുന്നു.
മംഗളുരു :ക്ലര്ക്കായി ജോലി നല്കാമെന്ന് വാഗ്ദാനം നല്കി നിരവധി പേരില്നിന്ന് ലക്ഷങ്ങള് തട്ടിയ യുവാവ് അറസ്റ്റില്.
ക്ലര്ക്കായി ജോലി നല്കാമെന്ന് വാഗ്ദാനം നല്കി നിരവധി പേരില്നിന്ന് ലക്ഷങ്ങള് തട്ടിയ യുവാവ് അറസ്റ്റില്.മംഗലപുരം കിണറ്റുവിള വീട്ടില് കണ്ണന് എന്ന രഞ്ജിത്തി (25)നെയാണ് പണം തട്ടിയെടുത്ത പരാതിയില് മംഗലപുരം പോലീസ് അറസ്റ്റ് ചെയ്തത്.കയര് ബോര്ഡ് ജീവനക്കാരന് എന്ന വ്യാജ ഐഡി കാര്ഡ് കാണിച്ചാണ് നിരവധി പേരില്നിന്ന് ലക്ഷങ്ങള് രഞ്ജിത് തട്ടിയെടുത്തത്.
മുരുക്കുംപുഴ സ്വദേശിയുടെ ഭാര്യക്ക് കയര്ബോര്ഡിന്റെ സെക്രട്ടറിയേറ്റിലുള്ള സെക്ഷന് ഓഫിസില് യു.ഡി. ക്ലര്ക്കായി ജോലി വാങ്ങി നല്കാമെന്ന് വാഗ്ദാനം നല്കി 2022 നവംബര് 24 ന് 50000 രൂപ വാങ്ങിയിരുന്നു.തുടര്ന്ന് കഴിഞ്ഞ ജനുവരി രണ്ടിന് നിയമനഉത്തരവും തിരിച്ചറിയല് രേഖയും നല്കിയ ശേഷം 14000 രൂപ കൂടി രഞ്ജിത് വാങ്ങിയ. അടുത്തമാസം അഞ്ചിന് ജോലിക്ക് പ്രവേശിക്കണമെന്നും താന് കൂടി ജോലി സ്ഥലത്തുവന്ന് എല്ലാവരെയും പരിചയപെടുത്താമെന്നും രഞ്ജിത് പറഞ്ഞു.
തുടര്ന്ന് നടത്തിയ അന്വേഷണത്തിലാണ് രേഖകള് വ്യാജമാണെന്ന് തെളിഞ്ഞത്. ഇയാള്ക്കെതിരെ കടക്കാവൂര് പോലീസ് സ്റ്റേഷനിലും കേസെടുത്തിട്ടുണ്ട്. നിരവധിപേര് തട്ടിപ്പിനിരയായെന്നാണ് പൊലീസ് പറയുന്നത്. പ്രതിയെ കോടതിയില് ഹാജരാക്കിയ ശേഷം റിമാന്ഡ് ചെയ്തു.
