സർക്കാർ സ്‌കൂളുകളുടെ സ്ഥിതി മെച്ചപ്പെടുത്താൻ കർണാടക മുൻ മുഖ്യമന്ത്രി എച്ച് ഡി കുമാരസ്വാമി ശനിയാഴ്ച സംസ്ഥാന സർക്കാരിന് ഒരു മാസത്തെ അന്ത്യശാസനം നൽകി, നടപടിയുണ്ടായില്ലെങ്കിൽ തന്റെ പാർട്ടി-ജെഡി (എസ്)- പ്രതിഷേധം സംഘടിപ്പിക്കുമെന്ന് മുന്നറിയിപ്പും നൽകി.സർക്കാർ ഉടൻ നടപടിയെടുക്കണം. സ്‌കൂളുകളുടെ നവീകരണവും എല്ലാ അടിസ്ഥാന സൗകര്യങ്ങളും ഒരുക്കുന്നതിന് ഉദ്യോഗസ്‌ഥരെ സ്‌കൂളുകളിൽ എത്തിക്കണം.
ഒരു കുട്ടിക്ക് പോലും എന്തെങ്കിലും സംഭവിച്ചാൽ മിണ്ടാതിരിക്കുന്ന പ്രശ്നമില്ല. ഒരു മാസത്തിനുള്ളിൽ ഒരു പുരോഗതിയും ഉണ്ടായില്ലെങ്കിൽ വിദ്യാഭ്യാസ മന്ത്രി (ബി സി നാഗേഷ്) പ്രക്ഷോഭം നേരിടേണ്ടിവരും ഇതൊക്കെയാണ് മുൻ മുഖ്യമന്ത്രി ട്വീറ്റ് ചെയ്തത്.
സ്‌കൂളുകളുടെ മേൽക്കൂര ചോർന്നൊലിക്കുന്ന വിഷയം മറച്ചുവെക്കാനാണ് ബിജെപി സർക്കാരിന്റെ ശ്രമമെന്നും 75,675 സ്‌കൂൾ കെട്ടിടങ്ങൾ ജീർണാവസ്ഥയിലാണെന്നും അദ്ദേഹം പറഞ്ഞു.ജീവന് പണയപ്പെടുത്തിയാണ് വിദ്യാർത്ഥികൾ ഈ ജീർണിച്ച സ്‌കൂളുകളിലേക്ക് പോകുന്നതെന്നും വിദ്യാഭ്യാസം ഒരു ശിക്ഷയായി മാറിയെന്നും അദ്ദേഹം പറഞ്ഞു.
