ബെംഗളൂരു : ദക്ഷിണ കന്നഡ ജില്ലയിൽ ചൊവ്വാഴ്ച രണ്ട് പുതിയ കോവിഡ് -19 കേസുകൾ റിപ്പോർട്ട് ചെയ്തു. ജില്ലയിൽ 13 സജീവ കേസുകളുണ്ട്. ഉഡുപ്പി ജില്ലയിൽ പുതിയ കേസുകളൊന്നും റിപ്പോർട്ട് ചെയ്തിട്ടില്ല, ജില്ലയിൽ ഒരു സജീവ കേസുണ്ട്.
അതേസമയം, കർണാടകയിൽ 129 പുതിയ കോവിഡ് -19 കേസുകൾ റിപ്പോർട്ട് ചെയ്തു. ആരോഗ്യ കുടുംബക്ഷേമ വകുപ്പിന്റെ ചൊവ്വാഴ്ച ബുള്ളറ്റിൻ അനുസരിച്ച്, പുതിയ 129 കോവിഡ് കേസുകളിൽ 121 എണ്ണം ബെംഗളൂരു അർബൻ ജില്ലയിൽ നിന്നാണ് റിപ്പോർട്ട് ചെയ്തത്. ഇതോടെ സംസ്ഥാനത്തെ ആകെ കൊവിഡ് കേസുകളുടെ എണ്ണം 39,48,966 ആയി.
മെയ് 9 ലെ ബിബിഎംപിയുടെ ബുള്ളറ്റിൻ അനുസരിച്ച്, നഗരത്തിന് എട്ട് കണ്ടെയ്ൻമെന്റ് സോണുകളാണ് നിലവിലുള്ളത്, മെയ് 6 ന് റിപ്പോർട്ട് ചെയ്ത 9 കണ്ടെയ്ൻമെന്റ് സോണുകളിൽ നിന്ന് കുറഞ്ഞാണ് 8 എന്ന കണക്കിൽ വന്നു നില്ക്കുന്നത്.
ആയുഷ്മാന് ഭാരത് ഡിജിറ്റല് ദൗത്യവുമായി 40 ഡിജിറ്റല് ആരോഗ്യ സേവന ആപ്ലിക്കേഷനുകള് വിജയകരമായി സംയോജിപ്പിച്ചു
ന്യൂ ഡല്ഹി: ദേശിയ ആരോഗ്യ അതോറിറ്റിയുടെ (NHA) കീഴിലുള്ള ആയുഷ്മാന് ഭാരത് ഡിജിറ്റല് ദൗത്യത്തിന്റെ ഭാഗമായി കഴിഞ്ഞ മൂന്ന് മാസങ്ങളിലായി 13 ഡിജിറ്റല് ആരോഗ്യ പരിഹാരങ്ങള് കൂടി ABDM സാന്ഡ്ബോക്സ് പരിസ്ഥിതിയില് വിജയകരമായി സംയോജിപ്പിച്ചു.
ഇതോടെ 2021 സെപ്തംബര് 27-ന് പദ്ധതിയുടെ ദേശീയ
തുടക്കം പ്രഖ്യാപിച്ചത് മുതല് ABDM സംയോജിത സേവന ആപ്ലിക്കേഷനുകളുടെ എണ്ണം 40 ആയി ഉയര്ന്നു. നിലവില്, ABDM പങ്കാളികളുടെ ആവാസവ്യവസ്ഥയില്, 16 ഗവണ്മെന്റ് ആപ്ലിക്കേഷനുകളും, 24 സ്വകാര്യ മേഖല ആപ്ലിക്കേഷനുകളും ഉള്പ്പെടുന്നു.
ABDM-യും ആരോഗ്യ സാങ്കേതിക സേവന ദാതാക്കളും തമ്മിലുള്ള സാങ്കേതിക സഹകരണത്തിന്റെ ഫലമായാണ് ഈ സംയോജനം. ഇത് ഡിജിറ്റല് പ്ലാറ്റ്ഫോമുകള്, യൂസര് ആപ്ലിക്കേഷനുകള് , മറ്റ് തല്പരകക്ഷികള് എന്നിവര്ക്കിടയില് ഡിജിറ്റല് ആരോഗ്യ രംഗത്ത് നിലവിലുള്ള ദൂരം കുറയ്ക്കും.
NHA, 2022 മെയ് 13-ന് ഒരു ഇന്റഗ്രേറ്റര്സ് സമ്മേളനം ന്യൂ ഡല്ഹിയില് സംഘടിപ്പിക്കുന്നുണ്ട്. 40 ഇന്റഗ്രേറ്റര്മാരുമായുള്ള നേരിട്ടുള്ള സംവാദത്തിലൂടെ ABDM സംയോജന പ്രക്രിയയുടെ മെച്ചപ്പെടുത്തലിനും ലളിതവല്ക്കരണത്തിനും വേണ്ട അവരുടെ പ്രതികരണം/അഭിപ്രായം എന്നിവ തേടും.
ഡിജിറ്റല് ആരോഗ്യ സേവന ദാതാക്കള്ക്കും, അത് വികസിപ്പിക്കുന്നവര്ക്കും ABDM സാന്ഡ്ബോക്സില് രജിസ്റ്റര് ചെയ്യാം. ABDM API-യുമായി അവരുടെ സോഫ്റ്റ്വെയര് സംവിധാനങ്ങള് സംയോജിപ്പിക്കുന്നതിനും സാധൂകരിക്കുന്നതിനും മുന്കൂട്ടി നിശ്ചയിച്ച പ്രക്രിയയിലൂടെ സാധ്യമാണ്.
നിലവില്, 867 പൊതു-സ്വകാര്യ മേഖല ഇന്റഗ്രേറ്റര്മാര് ABDM സാന്ഡ്ബോക്സില് അവരുടെ സോഫ്റ്റ്വെയര് സംവിധാനങ്ങള് സംയോജിപ്പിക്കുന്നതിനും സാധൂകരിക്കുന്നതിനും ഈ പദ്ധതിയുടെ കീഴില് രജിസ്റ്റര് ചെയ്തിട്ടുണ്ട്.
