ആര്‍മിയില്‍ വിവിധ വിഭാഗങ്ങളിലായി 198 ഒഴിവ്. വെറ്ററിനറി കോര്‍, ഷോര്‍ട്ട് സര്‍വീസ് കമ്മിഷന്‍ മെന്‍/വിമന്‍, ജഡ്ജ് അഡ്വക്കേറ്റ് ജനറല്‍ ബ്രാഞ്ച്, എന്‍.സി.സി. സ്‌പെഷ്യല്‍ എന്‍ട്രി എന്നീ വിഭാഗങ്ങളിലേക്കാണ് അവസരം.
വെറ്ററിനറി കോര്‍
പുരുഷന്മാര്‍ക്കാണ് അപേക്ഷിക്കാന്‍ അവസരം. ഒഴിവുകളുടെ എണ്ണം തിട്ടപ്പെടുത്തിയിട്ടില്ല. ഷോര്‍ട്ട് ലിസ്റ്റ് ചെയ്യുന്നവരെ അഭിമുഖത്തിലൂടെ തിരഞ്ഞെടുക്കും. യോഗ്യത: ബി.വി.എസ്‌സി./ബി.വി.എസ്‌സി. ആന്‍ഡ് എ.എച്ച്‌. പ്രായപരിധി: 21 -32 വയസ്സ്.
www.joinindianarmy.nic.in ലെ അപേക്ഷാഫോം മാതൃക പൂരിപ്പിച്ച്‌ അയക്കുക. അവസാന തീയതി: നവംബര്‍ 18
ഷോര്‍ട്ട് സര്‍വീസ് കമ്മിഷന്‍ (ടെക്) – 191
വനിതകള്‍ക്ക് 14 ഒഴിവും പുരുഷന്മാര്‍ക്ക് 175 ഒഴിവും സൈനികരുടെ വിധവകള്‍ക്ക് രണ്ട് ഒഴിവുമാണുള്ളത്. പുരുഷ/വനിതാ അപേക്ഷകര്‍ അവിവാഹിതരായിരിക്കണം. സൈനികരുടെ വിധവകള്‍ക്ക് നോണ്‍ ടെക്‌നിക്കല്‍ വിഭാഗത്തിലും അപേക്ഷിക്കാന്‍ അവസരമുണ്ട്. വിവിധ എന്‍ജിനിയറിങ് ട്രേഡിലായാണ് ഒഴിവുകള്‍. ബന്ധപ്പെട്ട വിഷയത്തിലെ എന്‍ജിനിയറിങ് ബിരുദം/ബിരുദമാണ് യോഗ്യത. പ്രായം: 20-27 വയസ്സ്. സൈനികരുടെ വിധവകള്‍ക്ക് 35 വയസ്സ്.
വിവരങ്ങള്‍ക്ക്: www.joinindianarmy.nic.in അവസാന തീയതി: ഒക്ടോബര്‍ 27
JAG എന്‍ട്രി സ്‌കീം- 7
ഇന്ത്യന്‍ ആര്‍മിയുടെ ജഡ്ജ് അഡ്വക്കേറ്റ് ജനറല്‍ ബ്രാഞ്ചില്‍ ഏഴ് ഒഴിവ്. പുരുഷന്മാര്‍ക്ക് അഞ്ച് ഒഴിവും സ്ത്രീകള്‍ക്ക് രണ്ട് ഒഴിവുമാണുള്ളത്. അവിവാഹിതരായവര്‍ക്കാണ് അവസരം. യോഗ്യത: മൂന്ന്/അഞ്ച് വര്‍ഷത്തെ എല്‍എല്‍.ബി. ബിരുദം. ബാര്‍ കൗണ്‍സിലില്‍ രജിസ്‌ട്രേഷന്‍ ഉണ്ടായിരിക്കണം. പ്രായം: 21-27 വയസ്സ്. വിവരങ്ങള്‍ക്ക്: www.joinindianarmy.nic.in അവസാന തീയതി: ഒക്ടോബര്‍ 28.
എന്‍.സി.സി. സ്‌പെഷ്യല്‍ എന്‍ട്രി
ഇന്ത്യന്‍ ആര്‍മിയില്‍ എന്‍.സി.സി. സ്‌പെഷ്യല്‍ എന്‍ട്രി സ്‌കീമിലേക്ക് അപേക്ഷ ക്ഷണിച്ചു. സ്ത്രീകള്‍ക്കും പുരുഷന്മാര്‍ക്കും അപേക്ഷിക്കാം. വിവരങ്ങള്‍ക്ക്: www.joinindianarmy.nic.in അവസാന തീയതി: നവംബര്‍ 3.
