ചാലക്കുടി: അഞ്ചാം ക്ലാസ് വിദ്യാര്ഥി ജോഷ്വാ ബിജോയിയുടെ ക്രൈം ത്രില്ലര്‍ ബെസ്റ്റ് സെല്ലറായതില് ത്രില്ലടിച്ച് കാടുകുറ്റിക്കാര്. കാടുകുറ്റി പഞ്ചായത്തിലെ വൈന്തല സ്വദേശിയായ കണിച്ചായി സുമയുടെയും ബിജോയിയുടെയും മകനായ ജോഷ്വാ എഴുതിയ ‘മര്ഡര് അറ്റ് ദ ലീക്കി ബാരല്’ എന്ന ക്രൈം നോവലാണ് ആമസോണ് കിന്ഡില് ഇ- ബുക്സ് വിഭാഗത്തില് പ്രസിദ്ധീകരണ ദിവസംതന്നെ ബെസ്റ്റ് സെല്ലറായി മാറിയത്.
11കാരനായ ജോഷ്വാ മാതാപിതാക്കള്ക്കൊപ്പം പുണെയിലാണ്. അമ്മ അധ്യാപികയും പിതാവ് ഫ്രീലാന്സ് ജേണലിസ്റ്റുമാണ്.
നാട്ടിലെത്തിയ ജോഷ്വാക്ക് കാടുകുറ്റി ഗ്രാമപഞ്ചായത്ത്, ജില്ല ലൈബ്രറി കൗണ്സില്, കാതിക്കുടം പനമ്ബിള്ളി സ്മാരക വായനശാല എന്നിവര് ചേര്ന്ന് സംയുക്ത സ്വീകരണം നല്കി. ജില്ല ലൈബ്രറി കൗണ്സില് വൈസ് പ്രസിഡന്റ് കെ.എന്. ഭരതന്, പനമ്ബിള്ളി സ്മാരക വായനശാല സെക്രട്ടറി സി.കെ. മോഹനന്, പഞ്ചായത്ത് വൈസ് പ്രസിഡന്റ് അയ്യപ്പന്, സി.പി.എം ലോക്കല് കമ്മിറ്റി സെക്രട്ടറി ഷാജന് തുടങ്ങിയവര് സംസാരിച്ചു.
അന്നനാട് ഗ്രാമീണ വായനശാലയും നോവലിസ്റ്റ് ജോഷ്വാ ബിജോയിയെ അനുമോദിച്ചു. ചടങ്ങില് വായനശാല പ്രസിഡന്റ് എം.എന്. ദിലീപ് അധ്യക്ഷത വഹിച്ചു. വായനശാല സെക്രട്ടറി ഗിരിജ ഉണ്ണി ഉപഹാരം കൈമാറി.
കാടുകുറ്റി പഞ്ചായത്ത് വൈസ് പ്രസിഡന്റും വായനശാല ഭരണ സമിതി അംഗവുമായ പി.സി. അയ്യപ്പന്, ഗ്രാമപഞ്ചായത്ത് അംഗം ജാക്സണ് വര്ഗീസ്, കാടുകുറ്റി പഞ്ചായത്ത് ലൈബ്രറി കൗണ്സില് നേതൃ സമിതി കണ്വീനര് ജിനേഷ് അബ്രഹാം, ഗ്രന്ഥശാല പ്രവര്ത്തകരായ അരുണ് രാജ്, പി.സി. ശ്രീകുമാര് കുട്ടിയുടെ രക്ഷിതാക്കളായ ബിജോയി, സുമ സണ്ണി എന്നിവരും പങ്കെടുത്തു.
