സർവീസിന്റെ ആദ്യ ദിവസമായ ചൊവ്വാഴ്ച രണ്ടായിരത്തോളം യാത്രക്കാർ നമ്മ മെട്രോ ആപ്പിലും വാട്ട്സ്ആപ്പിലും ക്യുആർ ടിക്കറ്റുകൾ വാങ്ങി. നവംബർ 1 മുതൽ, ഒറ്റ യാത്രാ ടിക്കറ്റുകൾ വാങ്ങുന്നതിനും സ്മാർട്ട് കാർഡുകൾ റീചാർജ് ചെയ്യുന്നതിനും യാത്രക്കാർ മെട്രോ സ്റ്റേഷനുകളിൽ നീണ്ട ക്യൂവിൽ കാത്തുനിൽക്കേണ്ടതില്ല.
അവർക്ക് നമ്മ മെട്രോ ആപ്പിൽ ലോഗിൻ ചെയ്യാനോ വാട്ട്സ്ആപ്പ് ചാറ്റ്ബോട്ട് നമ്പർ (810 555 66 77) ഉപയോഗിക്കാനോ കഴിയും. നമ്മ മെട്രോ അല്ലെങ്കിൽ വാട്ട്സ്ആപ്പ് ഉപയോഗിച്ച് പേയ്മെന്റുകൾ നടത്താം, കൂടാതെ ഉപയോക്താക്കൾക്ക് ടോക്കൺ നിരക്കിൽ 5 ശതമാനം കിഴിവ് ലഭിക്കും. ബാംഗ്ലൂർ മെട്രോ റെയിൽ കോർപ്പറേഷൻ ലിമിറ്റഡിന്റെ (ബിഎംആർസിഎൽ) കണക്കനുസരിച്ച്, ചൊവ്വാഴ്ച രാത്രി 8.45 വരെ 1,669 യാത്രക്കാർ നമ്മ മെട്രോ ആപ്പ് വഴിയും വാട്ട്സ്ആപ്പ് വഴിയും ക്യുആർ ടിക്കറുകൾ വാങ്ങി.
പകൽ സമയത്ത് മൊത്തം 14,400 പേർ വാട്ട്സ്ആപ്പ് ചാറ്റ്ബോട്ട് ഉപയോഗിച്ചതായി ബിഎംആർസിഎൽ അറിയിച്ചു. ബെംഗളൂരു മെട്രോയുടെ ശരാശരി പ്രതിദിന യാത്രക്കാരുടെ എണ്ണം 5.5 ലക്ഷം ആണ്, അടുത്ത വർഷം ആദ്യം നിർണായകമായ ബൈയപ്പനഹള്ളി-വൈറ്റ്ഫീൽഡ് ലൈൻ തുറക്കുന്നതോടെ ഇത് ഗണ്യമായി ഉയരുമെന്ന് പ്രതീക്ഷിക്കുന്നു.
ദീപാവലി ആഘോഷത്തിൽ രാജ്യം; യുപിഐ ഇടപാടുകളിൽ സർവ്വകാല റെക്കോർഡ്
ന്യൂഡൽഹി: ഒക്ടോബറിൽ രാജ്യത്തുടനീളമുള്ള ദീപാവലി ഉത്സവാഘോഷങ്ങൾ പൊടിപിടിച്ചതോടെ യുപിഐ ഇടപാടുകൾ സർവകാല റെക്കോർഡിലെത്തി. 7 ബില്യൺ രൂപയുടെ മൊത്തം ഇടപാടുകളാണ് ഒരു മാസത്തിനിടെ യുപിഐ മുഖേന നടന്നത്. മൊത്തം മൂല്യം 1.12 ലക്ഷം കോടി രൂപയാണ്.ഒക്ടോബറിൽ ഇടപാടുകളിൽ 73 % വാർഷിക വർദ്ധനവ് രേഖപ്പെടുത്തി, മൂല്യത്തിൽ 57%.
കൂടുതൽ ഉപഭോക്താക്കൾ ഓൺലൈനായി ഉൽപ്പന്നങ്ങളും സേവനങ്ങളും വാങ്ങുന്നത് കൊണ്ട് യുപിഐ ഡിജിറ്റൽ പേമെന്റ് സവിധാനത്തിന് പ്രചാരം വർധിച്ചുവരികയാണ്.നാഷണൽ പേമെൻറ്റ്സ് കോർപറേഷൻ 2016 ൽ യുപിഐ ആരംഭിച്ച് 2019 ഒക്ടോബറിൽ ഒരു ശതകോടി ഇടപാടുകൾ പ്രോസസ്സ് ചെയ്തു. ഒക്ടോബർ 2020 ൽ 2 ശതകോടി, പത്ത് മാസത്തിന് ശേഷം മാസത്തിൽ 3 ശതകോടി ഇടപാടുകൾ നടത്താൻ സാധിച്ചു.
