ബെംഗളൂരു:നമ്മ മെട്രോ രണ്ടാംഘട്ടത്തിലെ ഭൂഗർഭപാത നിർമാണത്തിലേർപ്പെട്ട 2 യന്ത്രങ്ങൾ കൂടി (ടണൽ ബോറിങ് മെഷീൻ) തുരങ്കം നിർമാണം പൂർത്തിയാക്കി. വെള്ളാറ ജംക്ഷനിലെ രാഷ്ട്രീയ മിലിറ്ററി സ്കൂൾ സ്റ്റേഷൻ മുതൽ ലാങ്ഫോഡ് ടൗൺവരെ 594 മീറ്ററും സൗത്ത് റാംപ് മുതൽ ഡയറി സർക്കിൾ വരെ 614 മീറ്ററും തുരങ്കമാണ് ഇന്നലെ പൂർത്തിയായത്. ഈ യന്ത്രങ്ങൾ ഇനി ഡയറി സർക്കിൾ മുതൽ ലക്കൻ വരെയുള്ള ഭൂഗർഭ പാത നിർമാണത്തിന് ഉപയോഗിക്കും. 13.9 കിലോമീറ്റർ ഭൂഗർഭപാത നിർമാണത്തിനു 9 യന്ത്രങ്ങളാണ് രംഗത്തുള്ളത്. ശിവാജിനഗർ മുതൽ കന്റോൺമെന്റ് റെയിൽവേ സ്റ്റേഷൻ വരെയുള്ള ഇരട്ട തുരങ്കങ്ങൾ നേരത്തെ പൂർത്തിയായിരുന്നു. സ്റ്റേഷനുകൾ ഒഴികെ ഡയറി സർക്കിൾ മുതൽ നാഗവാര വരെ ഇരുഭാഗത്തേക്കുമായി 21.246 കിലോമീറ്റർ തുരങ്കമാണു നിർമിക്കേണ്ടത്.