ബെംഗളൂരു: സ്കൂളിൽ വിളമ്പിയ ഉച്ചഭക്ഷണത്തിൽ ചത്ത പല്ലിയെ കണ്ടെത്തി.

ബെംഗളൂരു: സ്കൂളിൽ വിളമ്പിയ ഉച്ചഭക്ഷണത്തിൽ ചത്ത പല്ലിയെ കണ്ടെത്തി. ദേഹാസ്വാസ്ഥ്യം അനുഭവപ്പെട്ട 80 കുട്ടികളെ ആശുപത്രിയിൽ പ്രവേശിപ്പിച്ചു. വടക്കൻ കർണാടകത്തിലെ ഹാവേരിയിൽ റാണിബന്നൂരിലെ വെങ്കടപുര സർക്കാർ പ്രൈമറി സ്കൂളിലാണ് സംഭവം.

ഉച്ചഭക്ഷണത്തിനൊപ്പമുള്ള സാമ്പാറിൽ ചത്ത പല്ലിയെ കണ്ടെത്തുകയായിരുന്നു. ഉച്ചഭക്ഷണത്തിനിടെ വിളമ്പിയ സാമ്പാറിൽ ചത്ത പല്ലിയെ കിട്ടിയ വിദ്യാർഥി ആദ്യം ഛർദിച്ചു. തുടർന്ന് സാമ്പാർ കഴിച്ച മറ്റുകുട്ടികൾക്കും ശാരീരികാസ്വാസ്ഥ്യം തുടങ്ങിയതോടെ എല്ലാവരെയും റാണിബെന്നൂർ സർക്കാർ ആശുപത്രിയിൽ പ്രവേശിപ്പിക്കുകയായിരുന്നു.

സുഖം പ്രാപിച്ച് കുട്ടികളെ പിന്നീട് ആശുപത്രിയിൽ നിന്ന് ഡിസ്ചാർജ് ചെയ്തു. സ്കൂൾ അധികൃതരുടെ അനാസ്ഥയിൽ സ്കൂളിനെതിരെ നടപടി സ്വീകരിക്കാൻ ജില്ലാ ഭരണകൂടം അധിക്യതർക്ക് നിർദേശം നൽകി.

Related posts

ബൈജു രവീന്ദ്രന്റെ കുടുംബത്തില്‍നിന്ന് 83.81 കോടി രൂപയുടെ ഭൂമി വാങ്ങി മീശോ സിഇഒ വിദിത് ആത്രേ

ബെംഗളൂരുവിലെ സ്‌കൈഡെക്കിന്റെ ചിലവ് 800 കോടിയായി ഉയര്‍ത്തി; 250 മീറ്റര്‍ ഉയരം, നടപടികള്‍ പുരോഗമിക്കുന്നു

‘ജേണലിസ്റ്റ് ട്രിപ്പ്’ ബാനറും പ്രസ് സ്റ്റിക്കറും; മൃതദേഹങ്ങള്‍ കടത്താൻ വ്യാജ മാധ്യമപ്രവര്‍ത്തക വേഷവുമായി ബെംഗളൂരു കൊലക്കേസ് പ്രതി