രണ്ട്​ ഡോസ്​ വാക്​സിന്‍ സ്വീകരിച്ച കര്‍ണാടകയിലെ 66 മെഡിക്കല്‍ വിദ്യാര്‍ഥികള്‍ക്ക്​ കോവിഡ്​

ബംഗളൂരു: രണ്ട്​ ഡോസ്​ വാക്​സിന്‍ സ്വീകരിച്ച കര്‍ണാടകയിലെ 66 മെഡിക്കല്‍ വിദ്യാര്‍ഥികള്‍ക്ക്​ കോവിഡ്​. കര്‍ണാടകയിലെ ധാര്‍വാഡ്​ ജില്ല അധികൃതരാണ്​ ഇക്കാര്യം അറിയിച്ചത്​.എസ്​.ഡി.എം മെഡിക്കല്‍ കോളജിലെ വിദ്യാര്‍ഥികള്‍ക്കാണ്​ രോഗബാധ സ്ഥിരീകരിച്ചത്​.കോളജി​ല്‍ നടന്ന ഒരു പരിപാടിക്ക്​ ശേഷം കോവിഡ്​ പരിശോധന നടത്തിയപ്പോഴാണ്​ കൂട്ടത്തോടെ രോഗബാധ സ്ഥിരീകരിച്ചത്​. തുടര്‍ന്ന്​ കോളജിലെ രണ്ട്​ ഹോസ്റ്റലുകള്‍ മുന്‍കരുതലിന്‍റെ ഭാഗമായി അടച്ചതായി ജില്ലാ ആരോഗ്യ ഡെപ്യൂട്ടി കമ്മീഷണര്‍ അറിയിച്ചു. കോളജിലെ ക്ലാസുകളും താല്‍ക്കാലികമായി നിര്‍ത്തിവെച്ചിട്ടുണ്ട്​.

രോഗബാധ സ്ഥിരീകരിച്ച വിദ്യാര്‍ഥികള്‍ക്കെല്ലാം വാക്​സിന്‍റെ രണ്ട്​ ഡോസ്​ നല്‍കിയിരുന്നു. രോഗം ബാധിച്ച കുട്ടികളെ ക്വാറന്‍റീനിലാക്കി. മറ്റ്​ കുട്ടികളെ കോവിഡ്​ പരിശോധന ഫലം വരുന്നത്​ വരെ പുറത്ത്​ പോകാന്‍ അനുവദിക്കില്ലെന്നും കോളജ്​ അധികൃതര്‍ അറിയിച്ചു. രോഗം ബാധിച്ച ചിലര്‍ക്ക്​ പനിയും ചുമയുമുണ്ട്​. മറ്റുള്ളവര്‍ക്ക്​ രോഗലക്ഷണങ്ങളില്ലെന്നും കോളജ്​ അധികൃതര്‍ വ്യക്​തമാക്കി.

Related posts

ഹെബ്ബാള്‍-സില്‍ക്ക് ബോര്‍ഡ് തുരങ്കപാത; എതിര്‍പ്പ് ഫലം കണ്ടു, ലാല്‍ബാഗിനെ ഒഴിവാക്കി സര്‍ക്കാര്‍, ബദല്‍ തേടും

കുമാരകൃപ ഇനി ഡികെയുടെ ഔദ്യോഗിക വസതി; 160 വര്‍ഷം പഴക്കമുള്ള കെട്ടിടം, നവീകരിച്ചതില്‍ വിമര്‍ശനം ശക്തം

ബൈജു രവീന്ദ്രന്റെ കുടുംബത്തില്‍നിന്ന് 83.81 കോടി രൂപയുടെ ഭൂമി വാങ്ങി മീശോ സിഇഒ വിദിത് ആത്രേ