മലയാളികുടുംബം സഞ്ചരിച്ച കാര്‍ അപകടത്തില്‍പ്പെട്ടു; പാലക്കാട് സ്വദേശിനി മരണപ്പെട്ടു, രണ്ട് പേര്‍ക്ക് പരുക്ക്

ബെംഗളൂരു: ബെംഗളൂരുവിലുള്ള ബന്ധുക്കളെ സന്ദർശിച്ച്‌ മടങ്ങുകയായിരുന്ന മലയാളികുടുംബം സഞ്ചരിച്ച കാർ അപകടത്തില്‍പ്പെട്ട് വയോധിക മരിച്ചു.പാലക്കാട് പട്ടാമ്ബി ആറങ്ങോട്ടുകര സ്വദേശിനിയും ബെല്ലാരി ജെഎസ്ഡബ്ലിയു സ്റ്റീല്‍ ലിമിറ്റഡ് വിദ്യാനഗർ ടൗണ്‍ഷിപ്പില്‍ താമസക്കാരിയുമായ എം സരസ്വതി (83) ആണ് മരിച്ചത്. ഇന്നലെ വൈകിട്ട് 4 മണിയോടെ ബെല്ലാരിക്ക് സമീപം ഹഗ്രിയില്‍ വച്ചാണ് കാർ അപകടത്തില്‍പ്പെട്ടത്. ദിശതെറ്റിച്ചു വന്ന ട്രാക്ടറില്‍ ഇടിച്ചായിരുന്നു അപകടം.ഗുരുതരമായി പരുക്കേറ്റ സരസ്വതി സംഭവസ്ഥലത്ത് വെച്ച്‌ തന്നെ മരണപ്പെട്ടു. കാറില്‍ ഒപ്പമുണ്ടായിരുന്ന മകള്‍ സബിത, മരുമകൻ ഹരീഷ് നായർ എന്നിവരെ പരുക്കുകളോടെ ആശുപത്രിയില്‍ പ്രവേശിപ്പിച്ചു. കാര്‍ ഡ്രൈവര്‍ നിസാര പരുക്കുകളോടെ രക്ഷപ്പെട്ടു.

ഏറെക്കാലമായി മകള്‍ സബിതക്കൊപ്പം വിദ്യാനഗർ ടൗണ്‍ഷിപ്പിലായിരുന്നു സരസ്വതി താമസിച്ചിരുന്നത്. ടോറോണഗല്ലൂ ജെ എസ് ഡബ്ല്യു സ്റ്റീല്‍ ലിമിറ്റഡില്‍ സീനിയർ വൈസ് പ്രസിഡന്റ് ആണ് ഹരീഷ് നായർ. പരേതനായ കെ എം രാഘവനാണ് സരസ്വതിയുടെ ഭർത്താവ്. മുരളി മകനാണ്. സംസ്കാരം ഞായറാഴ്ച ബെല്ലാരിയില്‍ നടക്കും.

Related posts

കോടികൾ ലഭിക്കുമെന്ന് വിശ്വസിപ്പിച്ച് പെൺകുട്ടികളെ വലയിലാക്കി; ലൈംഗിക ചൂഷണവും പെൺവാണിഭവും, ആൾദൈവം ഉൾപ്പെടെ 11 പേർ അറസ്റ്റിൽ

ബെംഗളൂരു മെട്രോ യാത്രക്കാര്‍ക്ക് ആശ്വാസം;യെല്ലോ ലൈനില്‍ ഇനി 13 ട്രെയിനുകള്‍,തിരക്കുള്ള സമയങ്ങളില്‍ 5.5 മിനിറ്റ് ഇടവേള

ബെംഗളൂരു നിവാസികള്‍ ഇനിയും കാത്തിരിക്കണം; ഔട്ടര്‍ റിംഗ് റോഡ് വികസനം വൈകും, ചെലവ് 486 കോടിയായി!